"Liverpul"da 9-raqam egasi bo‘lish katta sharaf hisoblanadi. Chunki bu raqam tarixda eng yaxshilar tomonidan foydalanilgan. Shuningdek, to‘qqizinchida ba’zi bir "autsayder"lar ham harakat qilgan. Quyida so‘nggi o‘ttiz yilda ushbu raqamga kimlar egalik qilganini bilib olasiz.
10. Yago Aspas
Muxlislarning sevimli futbolchisi "Enfild"da o‘zining nimalarga qodir ekanini ko‘rsata olmadi. Ayni damda "Selta" safida harakat qilayotgan qahramonimizning darajasi, shunchaki, mersisaydga mos emasdi.
9. Riki Lambert
Lambert 32 yoshida yana "Liverpul"ga qaytadi. Ushbu klub maktabidan chiqib, asosiy faoliyatini pastki ligalarda o‘tkazgan hujumchi, 17 yildan keyin yana jonajon jamoasiga qaytib keladi. Lambert "Liverpul" bilan ikkita gol urishga erishgandi. Bu esa Aspasdan ikkitaga ko‘proqdir.
8. Kristian Benteke
Benteke darajasining juda tezlik bilan tushib ketishi, APL tarixidagi eng sirli voqea edi. Balki boshqa omillar bordir. Lekin shu narsa aniqki, Benteke ajoyib futbolchi va uning "MYU" darvozasiga "Old Trafford"da kiritgan akrobatik golini hech kim unutmaydi.
7. Endi Keroll
Keroll bir paytlar rekord, 35 million funtga xarid qilingandi. Ammo u o‘zidan kutilgan natijani oqlay olmagan. Ingliz hujumchisi 58 o‘yinda 11 ta gol ura olgan, xolos.
6. Jibril Sisse
Tarixdagi o‘sha mash’um kunda dahshatli oyoq sinishi bo‘lmaganida edi, Sissening Angliyadagi faoliyati yaxshiroq kechardi. Ammo uning aniq zarbalari sababli "Liverpul" YECHL va Angliya kubogini yutishga erishganini esdan chiqarmaslik kerak.
5. Nikolya Anelka
Anelka mersisaydliklar safida faqatgina yarim mavsum, shu ham bo‘lsa "PSJ"dan ijaraga kelib, o‘ynab ketgan. Ammo fransuz hujumchisi 5 ta gol urishga erishgandi. Keyingi mavsum esa Anelka u yerni tark etgan.
4. Ian Rash
"Liverpul"ning eng yaxshi to‘purarlaridan biri sifatida Rash bu ro‘yxatning boshida bo‘lishi kerak edi. Ammo uning eng yaxshi davrlari APL tashkil topishidan oldin yuz bergan. Shunga qaramay, u APL turnirida 45 ta gol urishni uddasidan chiqqan.
3. Roberto Firmino
So‘nggi uchlikni qay tarzda joylashtirishga juda ham qiynaldik. Muxlislarning ko‘pchiligi Firminoni ro‘yxatni boshida bo‘lishini istashgan bo‘lardi. Ammo uning ishlar asosan Mane va Saloh bilan bitgan. Braziliyalik o‘zining pik darajasida bir mavsumda 27 ta gol va 17 ta assistni amalga oshira olgandi.
2. Fernando Torres
Torres APL tarixidagi eng yaxshi to‘qqizinchi raqam egasi sifatida e’tirof etilishi kerak. Afsuski, lekin "Liverpul" tarixida emas. Torresning sovrin yuta olmagani va beqaror ekani ro‘yxatda ikkinchi bo‘lishiga zamin yaratdi.
1. Robbi Fauler
Xudo! "Liverpul" muxlislari uni aynan shunday – "Xudo" deb atar edi. Bundan yaxshiroq taxallus bo‘lmasa kerak. Kimlardir eslaydi, kimlardir yo‘q. Ammo Fauler "Liverpul"dagi dastlabki to‘rt mavsumida 188 ta o‘yinda maydonga tushib, 116 golga mualliflik qilgan edi. Futbolning ashaddiy muxlislar hali ham uning davrini juda ham sevib eslaydi. YouTuBe'dan uni qidiring va Fauler aslida kim ekaniga yana bir bor amin bo‘lasiz!
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
