1. Brenden Rojers
"Liverpul" bundan ancha yillar ilgari Rojersni ishdan bo‘shatadi. O‘shanda bu voqea ko‘plab muxlislar va mutaxassislar muhokamasiga sabab bo‘lgandi. Brenden Rojersni iste’foga chiqarish klub transfer bo‘limining ishtirokida ro‘y beradi. Eng asosiy sabab esa, o‘shanda "Liverpul" oltita o‘yinning beshtasida 1-1 hisobida, ketma-ket durang qayd etgandi. Qizig‘i, "qizillar" ushbu o‘yinlarning hammasida birinchi bo‘lib hisobni ochar, ammo bahs so‘ngida g‘alabani ushlab qola olmasdi. Kosaga eng so‘nggi "tomchi" bo‘lib mersisaydliklarning "Stok Siti"dan 6-1 hisobida mag‘lub bo‘lgani tushdi. Yurgen Kloppning hozirga ahvoliga havas qilib bo‘lmaydi. Ammo har narsa bo‘lishi mumkin. Bir narsa aniqki, bir kun kelib germaniyalik mutaxassis ishdan ketgudek bo‘lsa, uning o‘rniga kelguvchilar (qaydnomasi) ichida albatta Brenden Rojers bo‘ladi.
2. Grem Potter
Bir narsanki aniq aytish mumkinki, bugun bordi-yu, biror top-6 APL klubi o‘z murabbiyini ishdan olsa, Potter varianti albatta bir karraga kӯrib chiqiladi. Balki, "Nyukasl" ham uni tanlagan bo‘lardi. Ammo "Liverpul"ga keladigan bo‘lsak, ozgina boshqacharoq vaziyat yuzaga keladi. Balki Potter hozirgi "Chelsi"ga munosibdir. Ammo "Liverpul"ni boshqarish uchun yana biroz "Brayton"da qolib, tajriba to‘plashi kerak edi. Nima bo‘lgan taqdirda ham Potter yaxshi darajadagi mutaxassis.
3. Xulian Nagelsman
Germaniyalik mutaxassisni boshqa bir nemis almashtiradi. Mana shunday sarlavha yaxshi tushgan bo‘lardi, balki. Ammo Nagelsman borasida qarashlar har xil. Xususan, uning yoshini ko‘pchilik gapirishadi. "Liverpul"da esa Milner ca Adrian Nagelsmandan katta. Shu sababli bu kabi katta jamoani boshqarishdan oldin unga Bundesligada to‘plangan yutuqlar va obro‘ kerak bo‘ladi.
4. Stiven Jerrard
Premyer-liganing to‘liq mavsumida eng omadsizlardan biriga aylangan Jerrard, nomzodlar orasida mavjud. Ammo uning nimalarga qodir ekanini "Aston Villa"da ko‘rdik. Shuningdek, bu jamoaning natijalari Jerrardning hali ham "Liverpul"ga munosib emasligini ko‘rsatib berdi. U APLda judayam past – 32 % foiz o‘yinlarda g‘alabaga erishgan. Bu esa yetarli emas albatta. Top-jamoaga top-murabbiy kerak. Shu sababli Jerrard o‘zini boshqa bir jamoada sinab ko‘rgani ma’qul. Ammo "Liverpul" rahbariyati "ilohiy bog‘liqlik"ka ishonib, Jerrardni olib kelishi ham hech gap emas.
5. Tomas Tuxel
Tomas Tuxelni "Liverpul"da baxtli kunlar kutib turgani yo‘q. Harxolda, agarda u Klopp o‘rniga keladigan bo‘lsa, shunday gaplar aytiladi. Tuxel Klopp izidan yurib, "Borussiya Dortmund" va "Mayns"da ishlagandi. Uning omadsizligi shundaki, u ishlagan klub rahbarlari o‘ta sabrsiz bo‘lib chiqdi. "Chelsi"dan uning tezkor ketishi ham shu bilan bog‘liq. Tuxel boshqargan jamoalar yaxshi o‘yinlar ko‘rsatgan, yutuqlarga erishgan. Ammo hammasi vaqtinchalik edi. Shunday bo‘lsada, har ehtimolga qarshi Tuxel o‘zini yozga qadar erkin agent sifatida saqlab turishi kerak. Balki, Yurgen Klopp ketib qolar? Yana kim biladi deysiz...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
