Ma’lumki, “O‘zbekneftgaz” aksiyadorlik jamiyati Boshqaruvi raisi va “Bunyodkor” futbol klubi prezidenti Mehriddin Abdullayevning taklifi hamda tashabbusi bilan 2022 yilning iyul oyida “Bunyodkor” stadionida qayta ta’mirlash ishlari boshlangan edi. Bugun qayta ta’mirlash ishlarining so‘nggi bosqichi boshlandi. Dastavval shu vaqtgacha amalga oshirilgan ishlarni yodga olsak.
Iyul oyida boshlangan qayta ta’mirlash ishlarining avvalida maydon osti, usti va atrofidagi eski jihozlar to‘liq olib tashlandi. So‘ng “drenaj” tizimi to‘liq yangilandi. Ma’lumki, stadion foydalanishga topshirilganidan buyon chim muammosi bilan kurashib keladi. Maydon nisbatan chuqurlikda joylashganligi sababli havo aylanish tizimida muammo bo‘lgan, bu o‘z-o‘zidan chimning rivojlanishiga salbiy ta’sir qilib kelgan. Qolaversa, aynan havo aylanish tizimidagi muammo tufayli yoz faslida o‘tkaziladigan uchrashuvlar vaqtida futbolchilar nafas olishga qiynalgan. Qayta ta’mirlash ishlari boshlangan ilk kunlardayoq mazkur muammoning yechimiga jiddiy e’tibor qaratildi. Buning uchun maydonga tabiiy tuproq, ikki xil sheben toshlari, torf va qum to‘kildi. So‘ng maydonga yurtimizda undirilgan, mahalliy iqlimga to‘liq mos keladigan chim yotqizildi. Natijada maydonning balandligi yanada yuqoriladi. Bu balandlik havo aylanish tizimiga ijobiy ta’sir qildi. Va albatta havo aylanishdagi o‘zgarish qishning sovuq kunlarida ham chimning rivojlanishiga ham ijobiy ta’sir qilib kelmoqda.
Bugun “Bunyodkor”da maydon chimi bo‘yicha tarixiy ishlar boshlandi. Markaziy Osiyo mamlakatlari orasida ilk bor “Bunyodkor” stadioni maydoniga “proshivka” texnologiyasi qo‘llanilmoqda. Qatarda bo‘lib o‘tgan jahon chempionati uchrashuvlari o‘tkazilgan maydonlarga xizmat ko‘rsatgan Gollandiyaning SIS GRASS firmasi xodimlari bugun “Bunyodkor”da tarixiy ishlarni amalga oshirmoqda. Ma’lumot o‘rnida aytib o‘tish kerak, “proshivka” texnologiyasi – bu maydonga sun’iy tola ekib chiqish hisoblanadi. Mazkur tolalar tabiiy chimning tomir qismini mustahlaydi. Ya’ni, futbolchi uchrashuv vaqtida “podkat”ni amalga oshirsa, chim o‘z o‘rnidan siljimaydi, sun’iy tolalar bunga yo‘l qo‘ymaydi.
Rejaga ko‘ra, “proshivka” ishlari 10 kunda yakuniga yetadi. Maydon mart oyida mamlakatimizda bo‘lib o‘tadigan yoshlar o‘rtasidagi Osiyo chempionatiga to‘liq tayyor bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
