Xabar berib o‘tilganidek, "Andijon" Antaliyadagi o‘quv-mashg‘ulot yig‘inidan foydalanib Turkiyaning “Antalyaspor” klubi bilan hamkorlikda ishlash bo‘yicha uchrashuv o‘tkazdi. Bu haqda klub matbuot xizmati Ulug‘bek Mirzayev bilan suhbat uyushtirdi.
“Andijon” bosh direktori Ulug‘bek Mirzayev “Antalyaspor” rahbariyati bilan muloqot jarayoni hamda klub infrastrukturasi bilan yaqindan tanishib chiqqach, “Andijon” matbuot xizmatiga quyidagilarni aytdi:
“Bunyodkor” klubida ishlagan chog‘imda ham Zagrebning “Dinamo” jamoasi bilan hamkorlikni yo‘lga qo‘ygandik. Lekin “Antalyaspor” bilan hamkorligimiz “Dinamo” Zagrebnikidan ham ko‘ra qiziqarliroq va ajoyib ruhda o‘tdi.
Erdem Erdal kuchli mutaxassis ekan. Ishlab chiqilgan yo‘l xaritasi bilan ipidan-ignasigacha tanishib chiqdik. Bu klubda juda katta yo‘nalishlar, futbol ichidagi va atrofidagi barcha ishlar qamrab olingan ekan. “Andijon” klubida ham xuddi shunday ish tizimini yo‘lga qo‘yishimiz uchun yo‘l xaritasi bilan erinmasdan tanishtirib chiqdi. Biz ham yo‘l xaritasini o‘zimizga mo‘ljallab ishlab chiqamiz.
Erdel bizga puling yoki o‘yinching bo‘lsa ham yuradigan yo‘lingni poyezdda yo samolyotda bosib o‘tasanmi, buni bilmasang g‘alabali manzilga yetib bora olmaysan, shu bois uzoq yilga mo‘ljallangan yo‘l xaritasi bo‘lishi kerak, degan muhim gaplarni aytdi. Ushbu masala bo‘yicha biz strategik rejalarni ishlab chiqishga kirishib ketdik. Yaqin kunlarda memorandum imzolaymiz.
Bu yerda may oyida katta seminar bo‘lar ekan va bizni ham taklif qilishdi. Hamkorligimiz ikki tomonlama samarali bo‘lishiga ishonch kuchli. Biz ham o‘z fikrlarimizni va g‘oyalarimizni bildirganimizda bizni ham o‘zimizga yarasha mutaxassis ekanimizni anglab yetdilar va fikrlarimizni bir joydan chiqishiga turtki berdi.
Albatta, bu uchrashuvdan nafaqat qoniqish hosil qildim, balki xursand ham bo‘ldim. Boisi, bir nechta klublar va xorij mamlakatlarida bo‘lganman. Ammo janob Erdal kabi kuchli mutaxassis bilan deyarli birinchi bor uchrashdim. U juda samimiy va sirlarini berkitmasdan biz bilan baham ko‘rib, “Andijon” ham rivojlanish istagida ekanini hisobga olib, ochiq-oydin barcha ishlarini bizga oshkora aytdi.
“Andijon” klubini rivojlanish strategiyasini ishlab chiqamiz. Viloyatimiz hokimiga taqdim etamiz. Jamoamizni Respublikada yaxshi o‘rinlarga olib chiqishimiz kerak. Bu uchun mana shunday uchrashuvlar va hamkorliklarni yo‘lga qo‘yishimiz muhim. Bu borada dastlabki qadamlar tashlanyapti. Shu ishga kirishdikmi, o‘z ortimizdan yaxshi loyihalarni hayotga tatbiq etib, ijobiy natijalarni qoldirib ketishimiz lozim. Bunga qattiq bel bog‘laganmiz", - deydi, Ulug‘bek Abdusattorovich.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
