Krishtianu Ronaldu 38 yoshda. Bugun futbol tarixidagi eng yaxshi futbolchilardan biri millionlab tabriklar va ezgu tilaklar oladi. Uning professional faoliyati boshlanganiga yigirma yildan o‘tdi. Krishtianu qo‘lidan kelgan hamma narsada g‘alaba qozondi va ko‘plab rekordlar o‘rnatdi, shunga qaramay, o‘yin va g‘alabalarga chanqoq bo‘lib turibdi - garchi portugaliyalik Saudiya Arabistoniga borgan bo‘lsa-da, u baribir o‘z oldiga milliy terma jamoa uchun yirik turnirda o‘ynashni maqsad qilib qo‘ygan. O‘z ishiga portugaliyalikdek qaraydigan futbolchilar kam. Afsonalardan yana kim bu yoshgacha futbol o‘ynagan? Keling, birgalikda eslaylik.
Janluidji Buffon
Italiya terma jamoasi safida 2006 yilgi jahon chempionati g‘olibi allaqachon 45 yoshda va u hali ham B seriyada "Parma" safida o‘ynamoqda. To‘g‘ri, bu mavsumda u bor-yo‘g‘i to‘rtta o‘yin o‘tkazdi, lekin u hali faoliyatini tugatadiganga o‘xshamaydi. 38 yoshida, "Yuventus"da o‘ynab, Janluiji faoliyati o‘zining cho‘qqisiga yaqinlashayotganini his qilgandek edi.
Devid Bekxem
2013 yilning may oyida, Bekxem 38 yoshga to‘lganida, Devid faoliyatidagi so‘nggi mavsumini yakunlayotgandi. Ammo qayerda – “PSJ”da! MLSdan qaytgach, u parijliklar bilan 5 oylik shartnoma imzoladi. Tug‘ilgan kunidan sal oldin ingliz futbolchisi "Barselona" bilan Chempionlar ligasining chorak finali uchun tarkibga kirdi. Fransuzlar bu musobaqa uzoqqa bormadilar, ammo yarim himoyachi baribir kuboksiz ketmadi. Mayestro jamoaga Liga 1 oltinini olishga yordam berdi.
Alessandro Del Pero
2012 yil noyabr oyida italiyalik o‘zining 38 yoshini Yevropadan uzoqda - Avstraliyada kutib oldi. Bir oy oldin "Yuventus"ning sobiq hujumchisi “Sidney” bilan shartnoma imzolagan edi. Qarigan yulduz legioner mahalliy ligada yaxshi o‘yin ko‘rsatdi. Ikki mavsumda u 48 uchrashuvda “gol+pas” tizimida 24+11 gol natijaga erishgan. Shundan so‘ng JCH-2006 g‘olibi Hindistonga yarim yilga borib keldi va 40 yoshida faoliyatini tugatdi.
Frenk Lempard
Angliya terma jamoasining sobiq yarim himoyachisi 2016 yilning iyun oyida 38 yoshga to‘lishi munosabati bilan tabriklar oldi. Keyin uning "Chelsi"dagi ajoyib sayohati va "Man Siti"dagi qisqa muddatli karyerasi tarixga aylangan edi. Frenk MLSda o‘ynadi va Nyu-York shahri yulduzi bo‘lishga rozi bo‘ldi. Umuman olganda, ingliz o‘z rolini yaxshi bajardi: u 31 o‘yinda 15 ta gol urdi.
Raul
2015 yilning iyun oyida Raul 40 yoshga to‘lishiga roppa-rosa ikki yil qolgandi. Uning yorqin faoliyati nihoyasiga yetayotgan edi. Ortda "Real Madrid"dagi ajoyib mavsumlar, Germaniya va Qatarga safarlar bor edi. “Al-Sadd”dan hujumchi “Nyu-York Kosmos”ga ko‘chib o‘tdi va Chempionlar Ligasining uch karra g‘olibi o‘zining so‘nggi mavsumini aynan kosmonavt rolida o‘tkazdi. Keyin Raul Shimoliy Amerika futbol ligasida g‘olib chiqdi. 2015 yilning noyabridagi g‘alabali final ispaniyalik uchun kasb bilan chiroyli xayrlashuv bo‘ldi.
Rivaldo
2010 yilning aprelida 38 yoshli Rivaldo faoliyatini yakunlash haqida xayoliga ham keltirmadi. O‘shanda braziliyalik futbolchi O‘zbekistonda "Bunyodkor"da o‘ynab yaxshigina pul topayotgandi. “Oltin to‘p” sohibi nihoyat moliyaviy ishtahasini qondirgach, baribir futbolni hayotidan chiqarib yubormadi. U o‘z vataniga qaytib ketdi va besh yildan ortiq vaqt davomida "Moji Mirin", "San-Paulu" va "San-Kayetano" klublarida to‘p tepid. Bundan tashqari, u Angola chempionatini o‘zi uchun kashf etdi.
Franchesko Totti
"Rim imperatori" butun faoliyatini "Roma"da o‘tkazdi. U Italiya terma jamoasi safidan Jahon chempionatida g‘alaba qozongan. Umuman olganda, Tottini eslash kerak bo‘lgan narsa bor. 2014 yil sentyabr oyida 38 yoshini nishonlayotgan Franchesko professional futbolda bir necha yil qolish istagini bildirgan edi. Hujumchi 2017 yilning yozida katta sportni tark etgan. Faoliyatidagi eng so‘nggi mavsumda u 28ta o‘yinda 3 gol urgan va 8 golli uzatmani amalga oshirgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
