Klublar o‘rtasidagi jahon chempionatida kimlar ishtirok etadi?
Birinchi FIFA klublar o‘rtasidagi jahon chempionati 2000 yilda bo‘lib o‘tgan. Turnir Qit’alararo kubok o‘rnini egalladi. Klublar o‘rtasidagi jahon chempionatida barcha qit’a chempionlari va mezbon jamoa ishtirok etadi. O‘tgan yillar davomida turnirga Braziliya, Yaponiya, BAA, Marokash va Qatar mezbonlik qilgan. Shu bilan birga, Yevropa va Janubiy Amerika klublari uchun turnir yarim final bosqichidan boshlanadi.
Bu yil klublar o‘rtasidagi jahon chempionati qayerda bo‘lib o‘tyapti?
Turnir 1 fevralda boshlandi va 11 fevralda yakunlanadi. Tarixda uchinchi marta turnir Marokash hududida bo‘lib o‘tmoqda. Bungacha Afrika davlati 2013 va 2014 yillarda klublar o‘rtasidagi jahon chempionatiga mezbonlik qilgan. Birinchi holatda kubok “Bavariya”ga, ikkinchisida “Real”ga nasib etdi.
Bu yil qaysi klublar o‘ynaydi?
Marokashning “Vidad” klubi nafaqat musobaqa mezboni, balki Afrika chempionlar ligasi g‘olibi ham bo‘lgani uchun Misrning “Al-Ahli” jamoasi klublar o‘rtasidagi jahon chempionatiga yo‘llanma oldi. U Marokashga o‘z qit’asidagi eng nufuzli klub turnirida finalchi sifatida kelgan. Klublar o‘rtasidagi jahon chempionatida jami yettita klub qatnashadi:
"Real Madrid" (Ispaniya) - UEFA Chempionlar Ligasi g‘olibi;
"Flamengo" (Braziliya) - Libertadores kubogi g‘olibi;
“Vidad” (Marokash) - Afrika chempionlar ligasi g‘olibi;
“Siyetl Saunders” (AQSH) - Shimoliy Amerika chempionlar ligasi g‘olibi;
“Al-Hilol” (Saudiya Arabistoni) – Osiyo chempionlar ligasi g‘olibi;
“Oklend Siti” (Yangi Zelandiya) - OFK Chempionlar Ligasi g‘olibi;
"Al-Ahli" (Misr) - Afrika chempionlar ligasi finalchisi.
Saralash bosqichida “Al-Ahli” “Oklend Siti”ni 3:0 hisobida mag‘lub etib, chorak finalga yo‘l oldi. U yerda Misr klubi “Siyetl” bilan (1:0) bahs olib bordi, “Al-Hilol” esa “Vidad”dan ustun keldi (1:1, pen. 5:3). 7 fevral kuni Saudiya klubi "Flamengo" bilan, 8 fevral kuni "Real Madrid" "Al-Ahli" bilan o‘ynaydi. 11 fevral kuni uchinchi o‘rin va final uchun bahs bo‘lib o‘tadi.
Qaysi jamoalar klublar o‘rtasidagi jahon chempionatida g‘olib chiqqan?
Turnir tarixi davomida faqat Yevropa va Janubiy Amerika klublari uning g‘olibiga aylanishgan. 2013 yildan beri FIFA klublar o‘rtasidagi jahon chempionatida faqat UEFA tomonidan g‘alaba qozonib kelinmoqda. "Real" eng yaxshi ko‘rsatkichga ega (to‘rtta g‘alaba), "Barselona" uch marta kubokni qo‘lga kiritgan, "Bavariya" va "Korintians" ikki martadan. O‘tgan yili turnir finalida Braziliyaning "Palmeyras" klubini mag‘lub etgan "Chelsi" yutnirda g‘alaba qozongan edi.
Yarim finalda kimlarga e’tibor qaratish kerak?
Saudiyaning “Al-Hilol” klubida asosan mahalliy futbolchilar ishtirok etishadi, biroq bu yerda bir qancha xorijlik futbolchilar ham bor. Masalan, "Portu"da o‘ynagan Mussa Marega, "Atletiko", "Sevilya" va "Valensiya"ning sobiq futbolchisi Luchiano Viyetto. Keyin esa “Manchester Yunayted”da o‘ynagan tajribaga ega hujumchi Odion Igalo. Malilik 25 yoshli yarim himoyachi Aliu Diyeng "Al Ahli"da alohida ajralib turadi.
"Real Madrid"da yulduzlar yetarli, ammo klubning turnir qaydnomasiga barcha futbolchilar kiritilmagan. Darvozabon Tibo Kurtua, himoyachilar Eder Militao va Ferlan Mendi hamda hujumchilar Karim Benzema, Eden Azar va Lukas Vaskes jarohati sabab klublar o‘rtasidagi jahon chempionatida ishtirok etmasligi mumkin.
“Real Madrid” bosh murabbiyi Karlo Anchelotti jamoaning nihoyatda qiyin taqvimi haqida fikr bildirdi: “Biz turnirlarda ishtirok etishdan bosh tortmoqchi emasmiz, chunki biz finalga juda yaqinmiz. Kuchlarni to‘g‘ri taqsimlash juda muhim, chunki bu juda murakkab taqvim".
FIFA turnirni isloh qilmoqchi
FIFA prezidenti Janni Infantino klublar o‘rtasidagi jahon chempionati islohotini e’lon qildi. Uning aytishicha, yangi formatdagi ilk turnir 2025 yilning yozida bo‘lib o‘tadi va unda birdaniga 32 ta jamoa ishtirok etadi. Klublar o‘rtasidagi jahon chempionati har to‘rt yilda bir marta o‘tkazilishi kerak edi. Biroq UEFA va ayrim Yevropa federasiyalari yangi formatga qarshi chiqdi.
La Liga prezidenti Xavyer Tebas boshqalarga qaraganda ko‘proq g‘azablandi. 2022 yilning dekabrida tashkilot klublar o‘rtasidagi jahon chempionatini yangi formatda o‘tkazmaslik uchun barcha qonuniy choralarni ko‘rib chiqayotgani ma’lum bo‘ldi. Bularning barchasi Infantinoni turnirning yangi formatini yakunlash va muhokama qilish zarurligini e’lon qilishga majbur qildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
