«Man Siti» bilan o‘yinlar «kanonirlar» uchun haqiqiy bosh og‘riq sanalgan. Qora an’anani tugatish vaqti keldimi?
«Arsenal» 2004 yildan beri birinchi marta APL chempionligini qo‘lga kiritishga yaqin. «Kanonirlar» bir necha bor sovrin yutish imkoniyatini qo‘ldan boy berishdi, ammo endi ular bunga juda yaqin kelishgan. Birozdan so‘ng Mikel Arteta shogirdlari Angliyaning amaldagi chempioni «Manchester Siti»ga qarshi bahs olib boradi. «Shaharliklar»ni mag‘lub etish turnir jadvali nuqtayi nazaridan ham (jamoalar o‘rtasida uch ochkolik farq bor, ammo londonliklarning qo‘lida bitta zaxira o‘yini mavjud), ruhiyatni ko‘tarish uchun ham juda muhim. Oxirgi marta «Arsenal» APLda «Siti»ni 2015 yilda mag‘lub etgandi. Arsen Venger jamoasi tarkibida Teo Uolkott va Olivye Jiru gol urishgan, Yaya Ture Manchester klubi uchun yagona gol muallifi bo‘lgandi. O‘shandan beri jamoalar premyer ligada 13 ta uchrashuv o‘tkazishgan va bu uchrashuvlarda «kanonirlar» birorta ham g‘alaba qozona olmagan, 11 marta mag‘lubiyatga uchragan. Biz quyida Premyer-ligada «Siti»ni so‘nggi bor mag‘lub etgan «Arsenal» futbolchilarining faoliyati keyinchalik qanday ko‘rinish olgani haqida so‘z yuritamiz.
Petr Chex, 40 yosh
Chexiyalik darvozabon 2019 yilgacha «Arsenal»da o‘ynadi, shundan so‘ng u faoliyatini yakunlashga qaror qildi, biroq «Chelsi»ga qaytdi, u 2004 yildan 2015 yilgacha aynan «ko‘klar» safida o‘ynagan. Petr jamoaning texnik direktori lavozimini egalladi. U Superliga haqidagi xabarlar bo‘yicha muxlislarini tinchlantirishga majbur bo‘ldi, shuningdek, futbolchilar bilan muzokaralarda rahbariyat va murabbiylarga yordam berdi. Chex 2022 yilda Roman Abramovich klubni sotib yuborgach, «Chelsi»ni tark etgandi. Bo‘sh vaqtida sobiq darvozabon xokkey o‘ynaydi. Chex hatto Angliyaning «Chelmsford» klubi bilan shartnoma imzoladi.
Nacho Monreal, 36 yosh
Ispaniyalik chap qanot himoyachisi ham 2019 yilgacha «Arsenal» safida to‘p tepgan va klub bilan uch marta mamlakat kubogi va Angliya Superkubogini qo‘lga kiritgan. Keyin esa Nacho o‘z vataniga qaytib, «Real Sosyedad»ga o‘tdi. Basklar jamoasi bilan birgalikda u Ispaniya kubogini qo‘lga kiritdi va 2022 yilda faoliyatini yakunlashga qaror qildi. «36 yil futbol ichida, 16 yil professional sport turida bo‘ldim. Ayni damda tizzalarim menga tanamni bunday qiynashda davom eta olmasligimni aytmoqda. Bu juda yaxshi yillar bo‘lgan», dedi Monreal 2022 yil avgust oyida bergan intervyusida.
Loran Koselni, 37 yosh
«Kos-boss» laqabli fransiyalik himoyachi 9 yilni «Arsenal» safida o‘tkazdi. Bu vaqt ichida u «Arsenal» bilan uch marta mamlakat kubogi va ikki marta Angliya Superkubogini qo‘lga kiritdi. Koselni dastlab muxlislarga yoqmadi, keyin esa u jamoa sardori maqomigacha ko‘tarildi. Loran 2019 yilda klubni tark etib, Fransiyaning «Bordo» klubiga o‘tgan edi. U yerda Loran faoliyatini 2022 yilning mart oyida yakunlagan. Klub jiddiy moliyaviy qiyinchiliklarni boshdan kechirdi va uchinchi divizionga tushib ketdi. Muxlislar buni, jumladan, maoshlarni qisqartirishni istamagan futbolchilarni ayblashdi. Muxlislarning salbiy javobi Koselnini xafa qildi. U jamoaga yordam berishga tayyor edi, lekin yakunda klubni va futbolni tark etishga qaror qildi.
Per Mertezaker, 38 yosh
Nemis futbolchisi 8 yilni «Arsenal»da o‘tkazdi. Mertezaker juda sekin futbolchi bo‘lib, ko‘pincha aqlli harakat qiladi. Ammo futbolchi ko‘pincha jarohatlar tufayli qiynalardi, shuning uchun u so‘nggi ikki mavsumda klubda jami sakkizta o‘yin o‘tkazdi. Mertezaker 2018 yilda «Arsenal»dagi faoliyatini yakunlagan va klub akademiyasining direktori lavozimini egallagan.
Aaron Remsi, 32 yosh
Jarohatlar tufayli iqtidori to‘liq ochilmagan yana bir futbolchilar qatoriga kiruvchi yulduz. «Emireyts»da 11 yil davomida Remsi deyarli 300 ta o‘yin o‘tkazdi va vaqti-vaqti bilan o‘zining yuqori saviyasini ko‘rsatdi. 2019 yilda u erkin agent sifatida «Yuventus»ga jo‘nab ketdi. Keyin uning hayotida «Reynjers» paydo bo‘ldi, u yerdan «Nissa»ga ko‘chib o‘tdi. Remsining faoliyatidagi asosiy yutug‘ini Uels terma jamoasi tarkibida 2016 yilgi Yevropa chempionatining bronza medallari deb atash mumkin: Aaron o‘sha turnirda Uelsning boshqa yetakchilari kabi ajoyib o‘ynagandi.
Mesut O‘zil
Hujumkor nemis yarim himoyachisining nomi tilga olinganda, ko‘plab «Arsenal» muxlislarining boshi og‘riyapti. O‘zilning Londondagi faoliyatini yakunlashi har ikki tomon uchun ham og‘riqli bo‘lib chiqdi: klub futbolchini tarkibga kiritmadi, Mesut esa Premyer-ligadagi eng katta maoshlardan birini yo‘qotishni istamadi. 2021 yilning qishida u «Arsenal» bilan shartnomasini bekor qildi va bolalikdagi sevimli klubi «Fenerbaxche»ga o‘tdi.
Ba’zida O‘zil «Emireyts»da haqiqiy sehrgarlik namoyish etgan, ammo so‘nggi yillarda yarim himoyachi futboldan ko‘ra ko‘proq kompyuter o‘yinlari, siyosiy va ijtimoiy masalalar haqida o‘ylardi. 2023 yilning fevralida Mesut faoliyatini Istanbulning «Bashakshehir» klubida yakunlashga qaror qilgani ma’lum bo‘ldi. Futbolchi klubda olti oy davomida bor-yo‘g‘i oltita uchrashuvda maydonga tushdi, ammo kuchsiz o‘yin ko‘rsatdi, buning uchun muxlislar tanqidiga uchradi. O‘zil fevral oyi boshida «Kayserispor» bilan uchrashuvdan so‘ng jamoa mashg‘ulotlariga kelmadi va sheriklariga futbolni tark etish qarori haqida ma’lum qildi. Biroq bu borada hozircha rasmiy bayonot berilmagan.
Olivye Jiru, 36 yosh
Jiruni futbol olamining «Benjamin Batton»i deyishadi. 36 yoshli fransuz yoshi o‘tgani sayin kuchayib bordi. Olti yil davomida «Arsenal» tarkibida u klubga juda ko‘p foyda keltirdi. Venger unga bergan vaqt davomida Olivye o‘zining eng yuqori cho‘qqisiga chiqdi. 2017 yilda esa u «Kristal Pelas» darvozasiga urgan ajoyib goli uchun «Pushkash» mukofotini qo‘lga kiritdi. 2018 yil boshida Olivye «Chelsi»ga o‘tib, o‘sha yili jahon chempioni bo‘ldi va yana ikki mavsum o‘tib «Milan»ni zabt etishga yo‘l oldi va uzoq kutilgan g‘oliblikni qo‘lga kiritdi. U yerda Jiru jamoaning muhim o‘yinchisiga aylandi, shuningdek, yakunda kumush medalga ega chiqqan Fransiyaning Qatarda asosiy markaziy hujumchisi bo‘ldi.
Teo Uolkott, 36 yosh
Venger 2006 yili u 17 yosh bo‘lganida «Sautgempton»dan tortib olgan ingliz vunderkindi. Uolkott 12 yilni «Arsenal»da o‘tkazdi, lekin har doim ham asosiy jamoaning muhim o‘yinchisi hisoblanmadi. Klub bilan birgalikda uch marta mamlakat kubogi va Angliya Superkubogini qo‘lga kiritdi. 2018 yilda «Everton»ga yo‘l oldi. Ikki mavsumdan so‘ng Uolkott o‘zining suyukli jamoasi «Sautgempton»ga ijara asosida o‘tdi va 2021 yilda jamoa bilan yangi shartnoma imzoladi. Tez-tez olingan jarohatlar bo‘lmaganida Teoning karyerasi boshqacha tus olishi ham mumkin edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
