2000 yilning yozida "Real" butun dunyoni hayratga solganicha, "Barselona"ning yulduz futbolchisi va sardori Luish Figuni xarid qiladi. O‘sha paytda klub prezidentligiga nomzod bo‘lgan Florintino Peres muxlislarga va’da bergandi: "Agarda prezident bo‘lsam, albatta Luish Figu "Real" libosida harakat qiladi". Oradan ko‘p o‘tmay, Peres prezident bo‘ldi va o‘z va’dasini bajardi. Figu "Barsa" safida besh yil harakat qilib, ko‘plab sovrinlarga ega chiqqandi. Portugaliyalik yulduz o‘sha paytdagi rekord summaga sotib olingan va galaktiko loyihasining ilk ishtirokchisiga aylangandi. "Real" 2000 yilning yozida Figuga qo‘shib yana 5 ta futbolchi sotib olgan. Xo‘sh, ular kim edi?
Flavio Konseysan
Braziliyalik yarim himoyachi "qaymoqranglilar" safiga "Deportivo"dan olib kelinadi. U uchun "Real" 26 million yevro sarflaydi. Garchand o‘z vaqtida bu ko‘chish katta shov-shuvga sabab bo‘lgan bo‘lsada, Konseysanni hozir hech kim eslamaydi. Futbolchi Visente del Boske jamoasida 45 marta maydonga tushdi. Keyin esa "Borussiya Dortmund"ga ijaraga berib yuborildi. Koseysanni jarohatlar ancha qiynagandi. Shu sababdan u 32 yoshida futboldan ketishga majbur bo‘ldi. U o‘z faoliyatining so‘nggi davrlarini "Galatasaray" va "Panatinaikos" saflarida o‘tkazgan.
Pedro Munitis
Yevro-2000 musobaqasida Ispaniya safida Munitis ismli futbolchi porlab chiqadi. Musobaqa yakunlangach esa uni sotib olish uchun "Real" tezlik bilan ishga kirishadi. Hujumchi o‘shanda "Rasing" klubida harakat qilardi. Munitis poytaxt jamoasida uch yil faoliyat yuritadi. Unchalik ham omadli bo‘lmagan yillardan keyin, Pedro yana "Rasing"ga ijaraga beriladi. Uning keyingi manzili "Deportivo" klubi bo‘lgandi. Munitis "Real" safida YECHL sovrinini yutgan. Ammo hech qachon asosiy tarkib futbolchisiga aylana olmagan. Munitis "Real"dagi yillarini shunday eslaydi: "Men juda ham uyatchan edim. Odamlar bilan chiqishib ketishim qiyin edi. "Real"da esa bu narsalar ketmasdi. Ha, jamoada baxtli bo‘lgan davrlarim ham bo‘lgan. Ammo sal narsaga xafa bo‘lib qolardim. Muxlislar men sababli hushtakbozlik qilganlarida, buni qabul qilishim qiyin kechardi. Shu sababli ketishim kerak deb o‘yladim"...
Sesar Sanches
Ispaniyalik darvozabon Sanches La-ligada 20 marta maydonga tushgan xolos. Uning "Real"dagi davri 5 yilga cho‘ziladi. Sanchesning zaxira darvozaboniga aylanishining asosiy sababi uning oldida barcha davrlarning eng yaxshi posboni Iker Kasilyas borligi edi. Sanchesning "Real"dagi eng katta o‘yini 2002 yilgi YECHL finalida kechadi. Afsuski, jarohatlar uni qiynab qo‘ydi. Shu sababli Sanches porlay olmadi.
Santyago Solari
Solari mahalliy raqib jamoa bo‘lmish "Atletiko"dan xarid qilinadi. U besh yil davomida jamoada bo‘lib, 7 ta sovrin yurishga erishgan. Solari "Real" bilan 200 dan ortiq bahslarda ishtirok etadi. U 2018 yilda bir muddat "Real"ga murabbiylik ham qilgandi. Ammo muddat 5 oygina davom etgan. Solarining "Real"dan ketishi YECHLdagi "Ayaks"ga yutqiziq va "Barsa"dan mavsumni 12 ochko kam to‘plagan holda yakunlagani sababli yuz beradi.
Klod Makelele
Yarim himoyachi "Real" bilan atigi uch yil birga bo‘lgan bo‘lsa ham, yettita sovrin yutishga erishgan. Luish Figuning ta’siri Makelelega katta bo‘lgan. Fransuz futbolchisi 2003 yilda "Chelsi"ga yo‘l oladi. Ammo Makelele ketgach, "Real" uch yil ketma-ket La-ligada g‘alaba qozona olmagandi. Makelele o‘zining Madriddan ketishi haqida shunday deydi: "Men "Real"dagi ichki muhitni ko‘rib, "Chelsi" bilan aloqaga chiqdim va o‘tishni so‘radim. "Chelsi" o‘shanda 30 yosh bo‘lishimga qaramasdan, meni sotib olish uchun qo‘lidan kelgan hamma narsani qildi".
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
