Grem Potter yaqin orada "Chelsi"ga o‘tgani uchun afsus chekishi mumkin. 47 yoshli ingliz mutaxassisi "Brayton"dagi yorqin loyihani tashlab, "Chelsi"ga kelgandi. Ammo Londondagi ishlar ko‘ngildagidek ketmayapti. Xususan, Potterga katta transferlar evaziga yaxshi futbolchilar olib berildi. Ammo undan foyda ko‘rilmayotir. Tomas Tuxel ketganidan atigi besh oy o‘tib, jamoa ichidagi bo‘shliqlar yaqqol namoyon bo‘la boshladi. "Manchester Siti"dan kubok bahsida sharmandali mag‘lubiyatga uchragan Potter (0-4), endi YECHLni ham tark etishi mumkin. Shunday bo‘lsada, klub rahbariyati ishonishda davom etmoqda. Negaki, ular "Arsenal"da Mikel Arteta bilan bo‘lgan voqealarni o‘z ko‘zlari bilan ko‘rgan.
"Tottenxem"ga qarshi bahs hali qiluvchi ahamiyat kasb etishi mumkin. Agarda mag‘lubiyat yuz bersa, u holda balki Potterni boshqa ko‘rmaymiz. Quyida uning o‘rniga ehtimoliy nomzodlar ko‘rib chiqiladi.
Tomas Tuxel
"Chelsi" muxlislari nemis murabbiyini qaytarishni istamoqda. Uning davri hozirgiga qaraganda ming marta yaxshi edi deguvchilar ham topiladi. Tuxel jamoani YECHLds g‘olibga aylantirgandi. Uning boshchiligida "Chelsi" ikki bor kubok finaliga ham chiqqan. Lekin endi uni qaytarish oson bo‘lmaydi. Negaki, Tuxelga, uning yana bir sobiq jamoasi bo‘lgan "PSJ" qiziqish bildirmoqda.
Roberto De Zerbi
"Chelsi" "Brayton"dan yana bir bor bosh murabbiyni tortib olishi mumkin. De Zerbi APLda ajoyib natija qayd etmoqda. Uning jamoasi yettinchi o‘rinni band etib turibdi. "Chelsi" va "Brayton" o‘rtasida ko‘p oldi-berdilar bo‘lib turadi. Masalan, yozda londonliklar "chag‘alaylar"dan Mark Kukurelyani xarid qilgandi.
Maurisio Pochettino
"Tottenxem"ning sobiq murabbiyi yana Londonga qaytishi mumkin. "Chelsi" B rejasi sifatida ehtimol argentinalik murabbiyga murojaat qilar. Ammo ko‘pchilik, Pochettino bu taklifni qabul qilmaydi deb hisoblaydi. "PSJ" uni 2022 yilda ishdan olgandi. 2019 yilda esa "Tottenxem" shunday qilgan. "Chelsi" ham tez-tez murabbiy almashtiradigan jamoalar sirasiga kirishini hisobga olsak, Pochettinoning "Stemford Brij"ga kelmasligi tabiiy holdir.
Zayniddin Zidan
Fransiyalik murabbiy 2016-18, keyinchalik 2019-21 yillar davomida "Real"ni boshqargandi. Zidan bu davrda ikki bor La-liga titulini, uch bor YECHL bosh sovrinini qo‘lga kiritgan. Ammo hozir, deyarli ikki yildan beri u ishsiz yuribdi. Zidanning ayni damdagi maqsadi Fransiya terma jamoasini boshqarish ekani aytiladi. "Chelsi" esa Zidanni ko‘ndirishi uchun ancha vaqt ketadi.
Joze Mourinyo
"Special One" uchinchi bor "Chelsi"ga qaytishi mumkinmi? Balki, ha. Mourinyo ikki davr oralig‘ida "Chelsi"ga uch marta APL chempionligini keltirgan edi. Portugaliyalik mutaxassis hozirda "Roma"dagi ishidan ko‘ngli to‘lmayapti. Shu sababli, "Chelsi"ga o‘tib ketishi ham hech gap emas. Mourinyoning asl maqsadi Portugaliya terma jamoasida Fernandu Santushdan bo‘shab qolgan o‘rindiqqa ega chiqish edi. Ammo bu narsa amalga oshmadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
