"MYU" kecha Angliya liga kubogi finalida "Nyukasl"ni mag‘lub etib(0-2), o‘zining so‘nggi olti yildagi ilk sovrinini qo‘lga kiritgandi. Jamoa o‘tgan mavsum oxirida juda og‘ir ahvolda edi. Ammo Erik ten Xagning murabbiylikka tayinlanishi, hammasini tubdan o‘zgartirdi. Qolaversa, bir nechta transferlar, xususan, Kazemiro va Lisanro Martines, jamoaning saviyasini ancha oshirib berdi. "MYU"ning ilk tituli bahonasida, jamoaning bu mavsumdagi muvaffaqiyatlari siri nimalardan iborat ekanini bilib olamiz.
Erik ten Xag
2022 yilning may oyida ten Xag jamoaning yangi murabbiyi deya e’lon qilinadi. O‘sha paytda "Old Trafford"dan ko‘ra qayg‘uliroq joy yo‘q edi, go‘yo. Ammo niderlandiyalik mutaxassisning aqli va harakatlari bilan klub jarlik yoqasidan chiqib oldi. Bemalol aytish mumkinki, ten Xag yaxshi natijalarning birinchi ta’minotchisidir.
Krishtianu Ronalduning ketgani
Ko‘pchilik Ronaldu himoyasiga otlangan edi. Ammo statistikalar portugaliyalikning "MYU" natijalari va jamoadoshlariga qanchalik yomon ta’sir ko‘rsatayotganini ochib berdi. Ronaldu sabab 2021-22 yilgi mavsumda "Manchester Yunayted" 2 o‘rindan, mavsum oxirida 6 o‘ringa tushib qoldi. Yangi mavsumda ten Xag Ronalduning bu salbiy ta’siridan, hujumchini asosiy tarkibga kiritmaslikda foydalandi. Ronaldu esa o‘z g‘azabini bosh murabbiyga sochdi. Uning Pirs Morgan bilan uyushtirgan intervyusi so‘nggi chegara edi. Ronaldu jamoadan ketdi va hammasi o‘zgardi.
O‘z darajasiga qaytgan futbolchilar
Reshford ayni damda Yevropaning eng mahsuldor hujumchilaridan biri bo‘lib turibdi. Brunu Fernandesh ham o‘zining ikki yil oldingi holatiga qaytib oldi. Ten Xag, hattoki Diyegu Dalot va Uan-Bissaka kabi futbolchilarni ham o‘nglay oldi. Bu esa jamoa natijalarida muhim ro‘l o‘ynamoqda.
Chempionlik poygasi
Agarda avgust oyida, kimgadir "MYU" fevralga qadar chempionlik uchun kurashadi deganingizda, sizning ustingizdan kulishgan bo‘lardi. Mavsumning dastlabki ikki bahsini boy bergan jamoa, tezda oyoqqa turdi. Ayni damda ten Xag jamoasi "Manchester Siti"ni qattiq ta’qib qilmoqda. Agarda "Arsenal" ochko yo‘qotsa, "MYU"da katta imkon tug‘iladi. Harxolda, mayga qadar hali vaqt bor.
"Barselona" ustidan qozonilgan g‘alaba
"Barselona" Xavi va Inyesta davridagiga qaraganda, balki, ancha cho‘kkandir. Ammo ular hamon La-ligada yetakchilik qilmoqda. Ko‘pchilik, kataloniyaliklar "MYU"ni qiynalmasdan mag‘lub etadi deb o‘ylashgandi. Ammo unday bo‘lmadi. "Old Trafford" Xavi jamoasiga shavfqat qilmadi. Endilikda, "MYU" Yevropa ligasining nimchorak finalida "Real Betis" bilan to‘qnash keladi.
Angliya kubogida odimlash
"Arsenal", "Chelsi", "Liverpul" va "Nyukasl" allaqachon Angliya kubogida emas. Bu esa turnirda qatnashayotgan "Manchester Yunayted"ni favoritga aylantiradi. Ten Xag jamoasida so‘nggi 7 yilda ilk bor Angliya kubogini yutish imkoni paydo bo‘ldi. APLda ishlari yurishmayotgan "Vest Xem", turnirning beshinchi bosqichida "qizil iblislar"ga raqib bo‘ladi.
Liga kubogidagi g‘alaba
"MYU"ning "Nyukasl" ustidan qozongan g‘alabasi, jamoaga 2017 yildan beri ilk marta titul taqdim etdi. Angliyadagi eng katta klublardan birining olti yil davomida sovrin yutmagani odamni ajablantiradi, albatta. Ammo, endi ten Xag jamoasini to‘xtatib bo‘lmasa kerak. Aniqki, ular yanada ko‘prog‘ini xohlashadi. Yevropa ligasi, Angliya kubogi va eng asosiysi – APL!
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
