Nihoyat Karim Bundesligada o‘ynab keta oldi! Ammo burilish nuatasi qayer bo‘ldi?
Karim Adeyemi gazetalarning birinchi sahifalarida. 21 yoshli forvard qatorasiga to‘rtinchi o‘yinda gol urdi. Karim 36,7 km/soat tezlikka erishdi va Bundesliga tarixidagi rekordini yangiladi. Aqlbovar qilmaydigan natijalar.
Hammasi achinarli boshlandi. Adeyemi yozda "Borussiya" tarixidagi eng qimmat to‘rtinchi xaridiga aylandi - 30 million yevro. Hujumchi shunga yarasha o‘ynashi kutilgandi, ammo hammasi teskari ketdi: omadsiz start, keyin jarohat. Natijada, JCH-2022 boshlanishi arafasida, futbolchi jamoaga biroz moslashdi. Ammo baribir Adeyemi o‘ziga o‘xshamas edi.
Karim jahon chempionatiga eng omadsiz transfer qilingan futbolchilardan biri maqomida bordi va butun turnirni zaxirada o‘tkazdi. Ammo keyin u o‘zgara boshladi. Adeyemi formaga tushdi, muhim epizodlarni hal qila boshladi va hamma ham qila olmaydigan vaziyatlarda ham gol ura boshladi. Ko‘p narsa o‘zgargani sezildi: jamoadagi rol, kayfiyat.
Edin Terzich Adeyemiga erkinlik berdi
“Borussiya” mavsum boshlanishidan oldin hujumda asosiy o‘yinchisi Allerni yo‘qotdi. Unga kutilmaganda saraton tashxisi qo‘yildi. Bu murabbiyning dastlabki rejasiga ta’sir qildi. Mavsumning birinchi yarmida Terzich hujumkor guruhdagi qolgan o‘yinchilarni aralashtirib, rollarini o‘zgartirdi va eng yaxshi kombinasiyani topishga harakat qildi. Malen, Adeyemi va Mukoko chapda, o‘ngda, markazda o‘ynashlari mumkin ed. Kim qayerda qulayroq bo‘lishini yoki, ehtimol, kimdir asosiy tarkibga umuman mos kelmasligini tushunish qoldi. Bu topishmoqni Edin Terzich asta-sekin yechdi.
Shunday qilib, Mukoko, Modest, Malen va Adeyemi oldinga o‘tishdi; Bellingem hujumchi ostida barqaror o‘ynadi, qanotlarda esa tanlov juda katta edi. Bosh murabbiy Karimni faqat o‘ng tomonda ko‘rdi.
Asosiy muammo shu edi. Adeemi juda tez o‘yinchi, u doimo erkinlik va zarba berish imkoniyatini qidiradi. O‘ng qanotda Karimga na bo‘sh joy, na qochish imkoniyati, na markazga o‘tish imkoniyati paydo bo‘ldi. O‘ng qanotda o‘ynash o‘ng oyoq futbolchi uchun noqulay edi. Nemis hujumlarni rivojlantirishga yordam berdi. Ammo bu uning roli emas edi.
Jahon chempionatidan so‘ng, Aller tarkibga qaytib keldi va o‘yin qayta tiklandi: Adeemi chapga ketdi, o‘ng qanot esa Brandtga berildi. Chapda Karim ko‘proq imkoniyatlarga ega bo‘ldi: Dortmunddagi bu qanot ancha erkin o‘ynaydi.
Ammo Karimning ham xizmatlarini ham kamsitmaslik kerak. U ligaga ko‘nikdi, moslashish muammosini hal qildi, sheriklar bilan chiqishib ketish yo‘lini topdi. Faqat bitta noxush jihat bor, bu mavsumda Adeemi 3 ta jarohat tufayli 37 kunni o‘tkazib yubordi.