"Portu" joriy mavsumdagi YECHLdagi ishtirokini "Inter" bilan kurashda yakunladi. Agarda bu jamoa so‘nggi dekadada 367 millionlik futbolchilarini sotib yubormaganida, hozir jamoa umuman boshqacha ko‘rinishga ega bo‘lardi. Uzoq vaqtdan beri, bu klub talantlar fabrikasi bo‘lib, yulduzlar tayyorlash bilan shug‘ullanib keladi. Shunga qaramay, o‘sha futbolchilarning hech biri jamoada qolmaydi va katta pulga sotiladi. Quyida portuliklar tomonidan tayyorlangan eng mashhur futbolchilardan tuzilgan ramziy terma jamoa qayd etiladi. Ularning umumiy qiymatini esa yuqorida aytdik.
Darvozabon: Jose Sa – 2 million funt
Sa jamoani 2018 yilda tark etib, "Olimpiakos" tarkibiga yo‘l oladi. U yerda, darvozabon jami 3 mavsum o‘tkazdi. Uning ayni damdagi manzili "Vulverxempton" bo‘lib turibdi.
Chap qanot: Danilo – 27 million funt
Braziliyalik himoyachi 2015 yilda "Real" tomonidan xarid qilinadi. Uning manzili 2018 yildan boshlab "Manchester Siti" bo‘ldi. Ayni damda, Danilo "Yuventus" sharafini himoya qilmoqda (2019 yildan beri).
Markaziy himoya: Eder Militao – 44 million funt
Braziliya terma jamoasi a’zosi 2019 yildan beri "Real"da haralkat qiladi. U hozirga qadar 2 marta Ispaniya chempioni bo‘ldi, yana bir marta esa YECHLda zafar quchdi.
Markaziy himoya: Elyakim Mangala – 42 million funt
Mangala 2014 yilda "Manchester Siti" tomonidan xarid qilingan. U o‘sha paytda APLdagi eng qimmat himoyachiga aylanadi. Ayni damda erkin agent bo‘lgan futbolchi, "Valensiya", "Everton" va "Sent-Etyen" sharafini ham himoya qilgan.
Chap qanot himoya: Aleks Sandro – 23 million funt
Aleks 2015 yilda Turin klubi bo‘lmish, "Yuventus" nazariga tushadi. Shundan keyin braziliyalik Italiyaga yo‘l oldi. U hozirga qadar jamoaning asosiy figurasi bo‘lib kelmoqda. Himoyschi "keksa sinyora" bilan 5 marta Italiya chempioni bo‘lishga ulgurgan.
Yarim himoya: Vitinya – 36 million funt
"Vulverxempton" safida bir muddat harakat qilgach, Vitinya o‘tgan yozda "PSJ" tomonidan sotib olindi. U bu mavsumda 37 ta o‘yinda qatnashdi. Ammo gol ura olgani yo‘q.
Yarim himoya: Ruben Nevesh – 16 million funt
Nevesh hozirda "Vulvz" safida harakat qiladi. Jamoa sardori bo‘lgan futbolchi, arzon narxda sotilgandi. U Chempionshipdan APLga chiqib kelgan. Ruben hozirda yulduz futbolchilardan biridir.
O‘ng qanot hujum: Fabiu Viyeyra – 34 million funt
2022 yilning yozida "Portu" o‘z futbolchisini "Arsenal"ga sotdi. Viyeyra bu mavsumda jarohatlar sababli asosiy tarkibga kira olgani yo‘q. U o‘z vaqtini kutmoqda.
Hujumkor yarim himoyachi: Xames Rodriges – 40 million funt
Jeyms "Monako"ga 2013 yilda katta narxda pullanadi. U 2015 yildan "Real" safida bir muddat porlagan edi. Kolumbiyalik hozirga qadar "Everton", "Bavariya", "Al-Rayyan" va "Olimpiakos" sharafini himoya qildi.
Chap qanot hujum: Luis Dias – 50 million funt
2022 yilning yanvarida "Liverpul" Diasni ancha katta hajmdagi pulga xarid qilgandi. Kolumbiya terma jamoasi a’zosining joriy mavsumdagi ishlari jarohat sababli yomon kechmoqda.
Hujumchi: Xalk – 53 million funt
Xalk 2013 yilda Rossiyaning "Zenit" klubiga sotiladi. U bir necha yil Xitoyda ham faoliyat yuritdi. Ayni damda hujumchi Braziliyaning "Atletiko Mineyro" klubida harakat qiladi.
Umumiy qiymat: 267 million funt-sterling.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
