Yevropa Chempionlar Ligasining 1/8 final javob o‘yinida “Real” “Liverpul”ni 1:0 hisobida mag‘lub etib, chorak finalga yo‘l oldi.
Jamoalar o‘rtasidagi dastlabki uchrashuvda 5:2 hisobida madridliklarning qo‘li baland kelgandi. Shu tariqa “Real” so‘nggi 8 o‘yindan buyon mersisaydliklar bilan o‘yinda mag‘lubiyatga uchramayapti. 2021 yil 14 aprelda ikkala jamoa o‘rtasidagi o‘yin 0:0 hisobida yakunlangan. Qolgan 7 ta o‘yinda “qaymoqranglilar” zafar quchgan. To‘plar nisbati — 17:4.
Madridning “Real” jamoasi o‘z tarixida 19 marta musobaqa chorak finaliga yo‘l oldi. Bu borada faqatgina “Bavariya” ulardan oldinda. Myunxenliklar 21 marta YECHL chorak finaliga chiqqan.
“Liverpul” Yurgen Klopp qo‘l ostida faqatgina ispan klublariga mag‘lub bo‘lgan holda Yevrokuboklardan chiqib ketmoqda. Nemis mutaxassisi ingliz jamoasida 8 mavsumi davomida 2019 yilda Chempionlar Ligasi, o‘sha yilning o‘zida Yevropa Superkubogi va sal keyinroq klublar o‘rtasidagi Jahon chempionatida zafar quchgan.
2016 yil Yevropa Ligasi finalida “Sevilya”ga mag‘lub bo‘lgan. 2017/18 yilgi mavsum Chempionlar Ligasi finalida “Real”ga imkoniyatni boy bergan. 2019/20 yilgi mavsumda esa “Atletiko” 1/8 finalda mersisaydliklarni to‘xtatib qolgan. 2020/21 yilgi mavsumda “Real” to‘sig‘idan o‘tolmagan. 2021/22 yilgi mavsum finalda ham “Real” “shalpangquloq”ni ilib ketgan.
“Qizillar” murabbiyi Yurgen Klopp o‘yin haqida:
“Musobaqada qolish uchun 2:5 hisobini yo‘qqa chiqarish kerak edi. Bu esa judayam o‘zgacha o‘yin talab etadi, biz buni uddalay olmadik.
“Real”da imkoniyatlar ko‘p bo‘ldi, Alisson ikkita ajoyib seyvni amalga oshirdi. Kim keyingi bosqichga haqli bo‘lsa, o‘sha g‘alaba qozondi. Tan olish lozim.
Bunday o‘yinlarda vaziyatlar yaratish kerak. So‘nggi 4 ta bo‘limning 3 tasida madridliklar yaxshiroq o‘ynadi. Agar bugun g‘alaba qozonib, keyingi bosqichga chiqqanimizda, baribir musobaqadan chiqib ketardik”.
“Real” ustozi Karlo Anchelotti ham o‘yindan so‘ng o‘z fikrlari bilan bo‘lishdi:
“Yaxshi o‘yin ko‘rsatdik deb o‘ylayman. Vaziyatlar bo‘ldi va himoyada ham ishonchli o‘ynadik. Bu biz ko‘rsatmoqchi bo‘lgan o‘yin edi.
Modrich va Kroos pressingda juda yaxshi ishladi. Zaxiralar? Men oxirroqda vaqtdan yutish uchun futbolchi almashtirdim. Har bir daqiqada yaxshi o‘ynadik”.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
