"Surxon"ning rossiyalik yarim himoyachisi Tamirlan Jamalutdinov klub matbuot xizmatiga intervyu berdi.
— Tamirlan, «Turon»ga qarshi bo‘lib o‘tgan o‘yin haqida gapirib bersangiz...
— Raqib — juda kuchli jamoa. Autlari va burchak zarbalari evaziga ular birinchi taymda bizni bir muddat ortda qoldirishdi. Qo‘shimcha qilish kerakki, har bir tur o‘tgan sari o‘yinimiz yaxshilanib boryapti. Biz ko‘p imkoniyatlarni tashkil qildik, chiroyli kombinasiyalar uyushtirdik. Golimizni kech kiritdik. Agar oldinroq gol urganimizda, g‘alaba uchun kurash olib borishimiz mumkin edi. Lekin raqibda ham yaxshi vaziyatlar bo‘ldi. O‘yin teng bo‘ldi. Biz g‘alaba qozonishimiz ham, yutqazishimiz ham mumkin edi. Har holda kuchli raqibdan mehmonda 1 ochko ishlab oldik. Bu ham yomon natija emas.
— Ko‘pchilik ikkinchi bo‘limda «Surxon» yaxshiroq o‘ynay boshlaganini ta’kidlamoqda. Tanaffusda murabbiylar shtabi futbolchilarga nima dedi?
— Ha, ikkinchi bo‘limda faollashdik. Biz 0:1 hisobida yutqazayotgandik. Bunga qaramasdan g‘alaba qozonishni istardik. Murabbiylar shtabi bizga ko‘proq hujum qilish kerakligini aytishdi. Bizdan tajovuzkorroq o‘ynashni so‘rashdi. Mashg‘ulotlarda ko‘rsatilgan ishlanmalardan foydalandik. Katta xohish tufayli xarakter ko‘rsatdik va tabloda durang qayt etildi.
— «Turon»ga qarshi o‘yin kunida Shohjahon Sultonmurodovning tug‘ilgan kuni bo‘ldi. Jamoa uni qanday tabrikladi?
— Albatta, biz uni g‘alaba bilan tabriklamoqchi edik. Lekin shuni aytish kerakki, jamoa uni chin dildan tabriklab, eng yaxshi tilaklarini izhor etdi.
— Tamirlan, O‘zbekiston futboli haqidagi ilk taassurotlaringiz qanday?
— Taassurotlar ijobiy. Maydonlarning sifati yoqdi menga. O‘zbekistonda insonlar futbolni sevishini ko‘rish mumkin. 20 yoshgacha bo‘lgan O‘zbekiston terma jamoasi Osiyo Kubogida g‘alaba qozondi, bu esa o‘zbek futboliga qiziqish uyg‘otmoqda. Superliganing saviyasi ham yaxshi. Hamma hujumkor futbol o‘ynashga harakat qilmoqda. Ko‘p texnik va tezkor futbolchilarni ko‘rdim.
— Bu yil «Surxon» muxlislari jamoadan nimani kutishlari kerak?
— Biz har bir o‘yinda qo‘limizdan kelganini harakat qilamiz va har bir o‘yinda maksimal ochkolarni qo‘lga kiritamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
