"Chelsi" bosh murabbiyi Grem Potter dunyodagi eng yaxshi moash oladigan murabbiylar ro‘yxatida to‘rtinchi o‘rinni egallaydi. O‘z jamoasini omadsiz boshqarayotgan angliyalik mutaxassis bu borada "Real" ustozi Karlo Anchelottidan ham ko‘ra, yaxshiroq o‘rinni egallaydi. Fransuz nashri bo‘lmish "L'Equipe" nashri bergan ma’lumotlarda aytilishicha, eng yaxshi haq to‘lanadigan murabbiylarning top to‘rttaligidan uchtasi APLda ishlaydi.
Qayd etilishcha, Potter "Chelsi" bilan yillik 11,917,404 funtlik shartnomaga imzo chekkan. Bu shuni anglatadiki, "aristokratlar" ustozi oyiga 993,117 funt, haftasiga esa 229,180 funt maosh bilan ta’minlanadi. Shunday moliyaviy afzalliklarga ega bo‘lsada, Potterning "Chelsi"dagi ishi ancha murakkab kechmoqda. Uning jamoasi ayni damda 10 o‘rinni egallab turibdi. Potter "Chelsi"dagi dastabki 30 ta o‘yinining 12 tasini yutgan. Qolgan 8 tasi durang, 10 tasi esa mag‘lubiyatdir. Maoshga kelganida esa, faqatgina "Atletiko" ustozi Diyego Simeone "Manchester Siti" menejeri Pep Gvardiola hamda "Liverpul" murabbiyi Yurgen Klopp Potterdan ko‘ra ko‘proq haqqa egalik qiladi.
Xususan, Simeone ro‘yxatda yetakchi bo‘lib, u yiliga qariyb 30 million funt maosh oladi. Undan keyingi pog‘onada Gvardiola 19.7 million funt bilan joy olib turibdi. Klopp esa 15.7 million funtni bit yilda qabul qilib oladi. To‘rtinchi o‘rindagi Potterdan keyin "Yuventus" murabbiyi Maks Allegri keladi. U yillik 11.3 million funt maosh olishi belgilangan. Tomas Tuxel ro‘yxatning kuchli oltiligiga yakun yasaydi. U "Bavariya" bilan shartnoma imzolaganidan keyin, har 12 oyda 10.5 million funt maosh oladigan bo‘ldi. Xayratlanarlisi, YECHLning amaldagi g‘olibi Karlo Anchelotti yettinchi o‘rinni band etdi. U 9.6 millionga egalik qiladi.
Sakkizinchi va to‘qqizinchi pog‘onaga qarasangiz, "Inter" ustozi Simone Inzagi va "Roma" boshlig‘i Joze Maurinyoni ko‘rishingiz mumkin. Ro‘yxatni yakunida uchta kutilmagan nomlar keltirilgan. Masalan, 10 o‘rinda "Bayer Leverkuzen"da amaliyot o‘tayotgan Xabi Alonso turibdi. Yana bir Bundesliga vakili Niko Kovach "Volfsburg"dagi ishlari uchun 4 million funt qabul qilib oladi. 12 o‘rinni esa Xavi band etdi. "Barselona"dagi moliyaviy muammolar sababli u yiliga faqat 3.4 million funt olishga rozi bo‘lgan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
