Superliganing 4-turi doirasida safarda “Metallurg”ni mag‘lub etgan amaldagi chempion – “Paxtakor” klubi ustozi Maksim Shaskix g‘alaba haqli tarzda qo‘lga kiritilgani, A’zamov va Rashidovning holati va terma jamoa yig‘inlaridan so‘ng jamoaga qaytgan futbolchilar holati bo‘yicha fikr bildirdi.
"Uchrashuvda haqli g‘alabaga erishdik. Gol urish uchun yetarli imkoniyatlar yaratmagan bo‘lishimiz mumkin, ammo, umumiy qilib aytadigan bo‘lsam, g‘alabaga biz to‘la haqli edik. Maydon sifati bizga o‘zimiz xohlagan futbolni namoyish etishga halal bergan bo‘lsa ham, umuman olganda yomon o‘ynamadik. G‘alabaga haqli ravishda erishdik”, - dedi murabbiy.
“Rashidov haqidagi savollarga oldingi o‘yinlardan keyingi matbuot anjumanlarida batafsil javob bergan edim. Hozir ham qaytarishim mumkin – uning formasi hozircha biz kutgan darajada emas. U hozirda mashg‘ulotlarda astoydil shug‘ullanyapti va umid qilamanki, jamoaga kuchliroq, biz bilgan Rashidov qaytadi. Bizda asosiy tarkib degan tushuncha yo‘q. Biz barchaga birdek imkoniyat berayapmiz. A’zamov esa, birinchi davra yakuniga qadar jamoamizga qo‘shilishiga umid qilamiz. Uning jarohati biroz jiddiy edi va mutaxassislar uni birinchi davra yakunigacha safga qaytishini aytishgan edi. Bu borada tavakkal qilishni istamaymiz. Unga shifokorlar qachon ruxsat berishsa, shunda qaytadi. Reja bo‘yicha tiklanish jarayonlarini olib borsa, birinchi davra yakunigacha safimizga qaytadi”.
“Albatta, “Paxtakor”dan turli yoshdagi termalarimizga qancha ko‘p futbolchi chaqirilsa, bundan xursand bo‘lamiz. Asosiy terma jamoada ham, U-20 termasida ham bizning juda ko‘plab futbolchilarimiz bor. Bu bizning ham yutug‘imiz. Ammo, murabbiy sifatida ular bizning yonimizda, mening yonimda bo‘lishsa, xotirjamroq bo‘laman. Mana, hozir ham ularning yig‘inlardan so‘ng jamoamizga kirishib ketishi biroz qiyinroq jarayonni tashkil qiladi. Bu tabiiy. Ularga ortiqcha yuklamalar tushadi. Bu borada murabbiylar ishlaymiz. Vazifamiz – futbolchilar bilan yuzaga keladigan bu kabi muammolarni minimallashtirish. Ammo, yana qaytaraman, har qanday futbolchining maqsadi – milliy terma jamoa safida o‘ynash. Bizdan chaqirilayotgan futbolchilar qancha ko‘pchilik bo‘lishsa, shuncha xursand bo‘lamiz”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
