Bemalol aytish mumkinki, "Manchester Siti" va "Arsenal" faqatgina APL chempionligi uchun kurashmayotir. Jamoa futbolchilarida individual sovrin yurish imkoni ham saqlanib turibdi. Shulardan biri, Angliya FA tomonidan taqdim etiladigan yil futbolchisi nomidir. Quyida ushbu sovrin uchun favoritlar nomi qayd etiladi.
1. Erling Xoland
Albatta, hamma hujumchilar ham o‘zining debyut mavsumida, yana dunyoning eng kuchli ligasi bo‘lgan APLda rekord darajada ko‘p gol uravermaydi. Shunday ekan, yil futbolchisi nomiga, eng avvalo, Xoland munosib ko‘rilishi mumkin.
2. Martin Edegor
Sovringa yana bir da’vogar Norvegiyadan. U ham skavdinaviyalik hisoblanadi. Edegor joriy mavsumdagi o‘yinlari bilan sovrinning 2023 yilgi versiyasini qo‘lga kiritishi, ehtimoldan holi emas. "Arsenal" va Norvegiya terma jamoasi sardori, o‘ta barqarorligi bilan ajralib turadi.
3. Bukayo Saka
Sovrin uchun dastlabki uchta nomzod, shubhasizki, APLning eng yorqin yulduzlaridir. Biz Sakaga nisbatan ham shunday ta’rifni ishlata olamiz. 21 yoshli hujumchi APLdan tashqari, Jahon chempionatida ham porlagan edi. U Yevropa chempionatiga saralash bahslarida nimalarga qodir ekanini isbotlay oldi.
4. Markus Reshford
Garet Saytgeyt Qatardagi mundialga Marus Reshfordni ham jalb etadi. "MYU" hujumchisi u yerni golsiz tark etmadi. Reshford 2023 yilda o‘zining eng yaxshi davrlaridan birini o‘tkazmoqda. Bu esa unga yil fubolchisi nomi uchun kurashish imkonini berdi.
5. Kevin De Bryuyne
Hatto, o‘zining eng yomon mavsumida ham Kevin eng yaxshilar orasidan joy topa olgan. "Manchester Siti" yarim himoyachisida yilning eng yaxshisi bo‘lishga yana bir imkon bor. U Muhammad Saloh, Garet Beyl, Krishtianu Ronaldu va Tyerri Anrilar qatoridan oldin ham joy olgan.
6. Xarri Keyn
Balki Keynning klubi mavsumni omadli o‘tkazmayotgandir. Ammo bu jamoaning hujumchisi alohida shaxs sifatida ko‘p narsalarga erishdi. Uning natijalari xalqaro va mahalliy miqyosda tengsizdir. Keyn yana bir individual sovrin uchun kurashib ko‘radi.
7. Leandro Trossard
Trossard faoliyatida qachonlardir e’tirofga sazovar bo‘lishi kerak. Insof yuzasidan aytish kerakki, belgiyalik futbolchidan boshqalar ham ro‘yxatga kirishi mumkin edi. Ammo Trossard eng yaxshi mavsumlaridan birini o‘tkazmoqda. APLda 17 ta golda ishtirok etgan holda, hujumchi mavsum so‘ngida chempionlikni qo‘lga kiritishi mumkin.
8. Gabriel Martinelli
Jahon chempionatidan keyin o‘z ishini omadli davom ettira olgan futbolchilar ichida Martinelli ham bor. Vingerning maydonda xudbinliklarsiz harakat qilishi, barchani lol qoldirib kelmoqda. Xususan, Braziliya terma jamoasi a’zosi APLda gol urish borasida beshinchi o‘rinda bormoqda. Martinelli "Arsenal"da muhim ahamiyatga ega bo‘la boshladi.
9. Kazemiro
Qizil kartochkalardan ko‘p aziyat cheklan futbolchi uchun oxirgi oylar oson bo‘lmadi. Shunday bo‘lsada, tan olish kerakki, u "MYU"da katta ijobiy o‘zgarishlarga sabab bo‘ldi.
Qolgan futbolchilar eng yaxshi nomiga erishish borasida eng kam imkoniyatlarga ega. Xususan 150 dan 1 ehtimol sifatida Eron Ramzdeyl, Rafael Varan, Vilyam Saliba, Kristian Romero va Deyan Kulusevski nomlari zikr etilgan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
