Yevropa Chempionlar Ligasining chorak final javob uchrashuvida “Milan” safarda “Napoli” bilan 1:1 hisobida durang o‘ynadi. Milan klubi ikki o‘yin natijasiga ko‘ra (1:0, 1:1), yarim final yo‘llanmasini qo‘lga kiritdi.
Noxush an’anaga chek qo‘ygan “Milan”
“Milan” jamoasi aprel oyida “Napoli”ga qarshi 3 ta o‘yin o‘tkazdi va hammasida o‘ziga kerakli natijani qayd etdi. Pioli shogirdlari 2 aprel kuni A Seriya doirasida safarda yirik 0:4 hisobida g‘alaba qozondi. 13 aprel kuni Chempionlar Ligasi chorak finalining birinchi o‘yinida 1:0 hisobidagi g‘alabani qayd etgan milanliklar 18 aprel kuni javob uchrashuvida 1:1 hisobida durang o‘ynadi va yarim finalga yo‘l oldi.
“Milan” 16 yil deganda ilk bor Yevropa Chempionlar Ligasi yarim finaliga chiqdi. Milanliklar oxirgi marta 2006/07 yilgi mavsumda bu bosqichga yetib kelgan va musobaqa chempionligini qo‘lga kiritgandi.
“Rossoneri” yettinchi marta Chempionlar Ligasi yarim finaliga yo‘l oldi va bu borada “Yuventus”ga yetib oldi. “Milan” va “Yuventus” Italiya klublari orasida YECHL yarim finaliga eng ko‘p yetib kelgan jamoalar hisoblanadi.
Xvichaning “quruq” seriyasi davom etadi, Jiru 11 yillik ko‘rsatkichni yangiladi
“Napoli” futbolchisi Xvicha Kvarasxeliya 6 o‘yindan beri “gol+pas” tizimi bo‘yicha ochko ololmayapti. Gruziyalik futbolchi “Milan”ga qarshi o‘yinda penaltini golga aylantira olmadi. Uning bergan zarbasini darvozabon Mayk Menyan qaytardi. Gruziyalik futbolchi Chempionlar Ligasi joriy mavsumida 2 ta gol urdi va 4 ta golli uzatma muallifiga aylandi. A Seriyada esa 12 ta to‘p kiritgan va 10 assist qayd etgan.
“Milan” hujumchisi Olivye Jiru 2012 yildan beri birinchi marta penaltidan foydalana olmadi. Fransiyalik futbolchi so‘nggi bor “Arsenal” safida “Koventri”ga qarshi Angliya Liga Kubogi o‘yinida 11 metrlik nuqtadan gol urolmagandi.
Shuningdek, Jiru “Milan” tarkibida 2011/12 yilgi mavsumdan beri Chempionlar Ligasi bir mavsumida 5 va undan ortiq gol urgan birinchi futbolchiga aylandi. Milanliklar safida bunday natijani so‘nggi marta Zlatan Ibrahimovich qayd etgandi.
“Napoli” posboni Aleks Meret Chempionlar Ligasida 2005 yildan beri “Milan” jamoasi tomonidan tepilgan penaltini qaytargan birinchi darvozabon bo‘ldi. So‘nggi marta “Liverpul” posboni Yeji Dudek YECHL finalida “Rossoneri” futbolchisi Andrey Shevchenkoning zarbasini qaytargandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
