"Barselona" o‘tgan yilning oktyabr oyidan beri La Liga o‘yinlarida o‘z maydonida mag‘lub bo‘lmayapti. 23 aprel kuni "Atletiko"da muvaffaqiyat qozonish imkoniyati bormi? Keling, jamoalarning hozirgi holatiga to‘xtalamiz.
“Barselona”
To‘liq bir haftalik dam olish "Barselona" uchun eng zo‘r vaqtda kelgan bo‘lishi mumkin, chunki jamoa gol va g‘alabalarsiz uch o‘yinlik seriyadan qaytmoqchi. Bunga o‘tgan yakshanba kuni La Liganing "Xetafe"ga qarshi o‘yindagi golsiz durang qayd etilgani ham kiradi. Ushbu turda jamoa g‘alaba qozona olmasa, 11 ochkolik peshqadamlikni qisqartirib yuboradi.
O‘yinning "Kamp Nou"da bo‘lishi jamoaga baraka bo‘lishi mumkin, chunki "Barsa" bu yerda o‘zining chempionatdagi so‘nggi 13 o‘yinining 12 tasida gol urgan va har bir o‘yinda o‘rtacha 2 tadan ko‘proq. Jamoada motivasiya yetarlicha bo‘lishi kerak, chunki ular 2015/16 yilgi mavsumdan beri birinchi marta “Atletiko”ga qarshi mavsumning ikkala o‘yinini g‘alaba bilan yakunlashi mumkin. Birinchi davradagi bahsda "ko‘k-anorranglilar" 1:0 hisobida g‘alaba qozongan edi.
Bugungi o‘yinda Kristensen, Dembele va Roberto jamoaga yordam bera olmaydi. Ular jarohatlardan forig‘ bo‘lishmoqda.
“Atletiko”
Madridning “Atletiko”si ham bugun qo‘l qovushtirib o‘tirmaydi. Jamoa La ligada 13 ta o‘yindan beri mag‘lubiyat nimaligini bilmay kelyapti. Shu jumladan, ketma-ket oltita g‘alaba bilan kuchli uchlikdagi o‘rnini mustahkamlashga ham ulgurdi. Bu Chempionlar Ligasi va Ispaniya Kubogidan chiqib ketish zarbasini biroz bo‘lsa ham yumshatdi. Bugungi g‘alaba ularning asosiy raqibi "Real Madrid" tomonidan katta olqishlarga sabab bo‘lsa, ajablanmaslik kerak.
Muvaffaqiyatli seriya Diyego Simeonening shartnomasidagi muammolarni bartaraf etdi. To‘g‘ri, muammolar bor "matraschilar" 2006 yilning fevral oyidan buyon La Liga bahslarida ushbu stadionda birorta ham o‘yinda g‘alaba qozona olmadi. 29 tur davomida mehmonlar 18 ta g‘alaba va 6 ta durang bilan 60 ochko jamg‘arib, turnir jadvalida uchinchi o‘rinni egallab turibdi.
Simonega bugun Mandava, Lyorente, Kongdobiya va son qismidan jarohat olgan Depay yordam bera olmaydi.
Jamoalarning so‘nggi 5 qarama-qarshiligiga nazar solar ekanmiz, mutlaqo tenglikka guvoh bo‘lamiz. Ya’ni har ikki klub 2 tadan g‘alabaga ega. Bir uchrashuvda esa durang qayd etilgan. Jamoalar 5 uchrashuvda bir xil 5 tadan gol urib, shunchadan o‘tkazib yuborgan.
Uchrashuv bugun, 23 aprel Toshkent vaqti bilan 19:15 da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
