Pochettinoning "Tottenxem"dagi besh yillik faoliyatiga avvalo nazar tashlab olishimiz kerak. Demak, boshladik.
O‘yinlar: 293 ta
G‘alaba ko‘rsatkichi: 54.27%
Har bir o‘yinda o‘rtacha ochko: 1.84
Yomon emas a? Ko‘pchilik Pochettino o‘z darajasini "Tottenxem"da ko‘targan deydi. Bu qaysidir ma’noda to‘g‘ri. Argentinalik mutaxassis keyinchalik "PSJ"dagi og‘ir davrlarga chidashiga to‘g‘ri keldi. U hali ham 51 yoshda va erishadigan narsalari hali oldinda. Pochettinoning "Chelsi"ga kelishi hammasiga oydinlik kiritib beradi.
1. Grem Potter (2022-23)
O‘yinlar: 31 ta
G‘alaba ko‘rsatkichi: 39%
O‘rtacha ochko to‘plash: 1.42
Grem! U bekor "Chelsi"ga keldi deguvchilar ham ko‘p. Bu jamoa murabbiylarni paypoqdek almashtiradi. To‘g‘ri, ingliz mutaxassisi og‘ir damda keldi. Ammo, baribir bunchalik yomon natija qayd etish uchun nimadir muammoga ega bo‘lish kerak. Pochettino xohlasa ham bunday yomon o‘ynay olmasa kerak.
2. Tomas Tuxel (2021-22)
O‘yinlar: 63
G‘alaba ko‘rsatkichi: 56%
O‘rtacha ochko to‘plash: 1.94
Qiziqarli ma’lumot – Pochettino Tuxeldan ikki yosh katta. Bu degani nemis murabbiyi yosh bo‘la turib, yaxshi natijalarga erisha olgan. Pochettinoning jamoaga kelib birinchi qiladigan ishi esa muxlislar mehrini qozonish bo‘lishi kerak. Agar u buni eplay olsa, keyin nimadir bo‘lishi mumkin.
3. Frenk Lempard (2019-21)
O‘yinlar: 57 ta
G‘alaba ko‘rsatkichi: 49%
O‘rtacha ochko to‘plash: 1.67
Hozirgi vaqtinchalik davrini hisobga olmaganda, Lempard jamoasiga qaytib kelib, hammasini yaxshi boshlaydi. Ammo voqealar darrov yomon tomonga o‘zgarib ketgandi. Aytish mumkinki, Pochettinoning quradigan o‘yini Lempardnikidan ancha yaxshi va yoqimli bo‘ladi.
4. Maurisio Sarri (2018-19)
O‘yinlar: 38 ta
G‘alaba ko‘rsatkichi: 55%
O‘rtacha ochko olish: 1.89
Agarda "Chelsi" o‘tmishidagi murabbiylarga qarasangiz, ko‘plab nomlarni ko‘rasiz. Shulardan biri Sarridir. Uning jamoadagi davri unchalik ham yomon emasdi. APLda 3 o‘rin, Yevropa ligasi g‘olibligi va yoqimli futbol. Afsuski, italiyalik mutaxassis Kepa bilan hammaning oldida urshib ketgandi.
5. Antonio Konte (2016-18)
O‘yinlar: 76 ta
G‘alaba ko‘rsatkichi: 57%
O‘rtacha ochko yig‘ish: 2.14
Kontening "Chelsi" va "Tottenxem"dagi davri Pochettinoning "Tottenxem" va bo‘lajak "Chelsi"dagi davriga parallel sifatida keyinchalik qo‘yilsa kerak. Ularning qay biri yaxshi ekani, klublar erishgan yutuqlarda ko‘rinadi.
6. Joze Mourinyo (2004-07, 2013-15)
O‘yinlar: 211 ta
G‘alaba ko‘rsatkichi: 66%
O‘rtacha ochko yig‘ish: 2.19
Ikki davrlik ishi mobaynida Mourinyo "Chelsi"ni eng yaxshi jamoalardan biriga aylantirib, klub tarixida o‘chmas iz qoldiradi. U kabi bo‘lish oson emas. Pochettinodan ko‘p mehnat talab etilishi - turgan gap. "Chelsi" muxlislarini esa ishontirish oson ish emas.
7. Andre Villash-Boash (2011-12)
O‘yinlar: 27 ta
G‘alaba ko‘rsatkichi: 48%
O‘rtacha ochko yig‘ish: 1.70
Uning davrida hammasi tez tamom bo‘lgandi. Yosh mutaxassis uchun "Chelsi"dagi ish og‘irlik qiladi. Keyinchalik Villash-Boash "Tottenxem"da ham muvaffaqiyatsizlikka uchraydi. Shu sababli undan o‘zish, Pochettinoga qiyin bo‘lmaydi.
8. Karlo Anchelotti (2009-11)
O‘yinlar: 76 ta
G‘alaba ko‘rsatkichi: 63%
O‘rtacha ochko yig‘ish: 2.07
Hozir Anchelottining "Chelsi"dagi davri unutilgandek tuyuladi. Ammo u bu jamoada yaxshi natijalarga erishgan. Ayniqsa, mutaxassisga bosim kuchli bo‘lganini hisobga olsak, uning qadri yanada ortadi. Hozirgi "Chelsi" boshqa. Rahbariyat va o‘yinchilarda o‘zgarishlar bor. Shu tufayli Pochettino unchalik ham qiynalmaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
