“Manchester Siti” Angliya Premyer Ligasining 33-turida “Arsenal”ni 4:1 hisobida mag‘lubiyatga uchratdi.
Gvardiolaning “mijoz”iga aylangan “Arsenal”
“Shaharliklar” barcha musobaqalar doirasida ketma-ket 8 o‘yindan beri “Arsenal”ni mag‘lub etmoqda. Oxirgi marta “kanonirlar” 2020 yilning iyulida Angliya Kubogi yarim finali doirasida Manchester klubini mag‘lub etgandi (2:0). O‘shandan keyin “Manchester Siti” ketma-ket 8 o‘yinda g‘alaba qozondi, to‘plar nisbati — 21:4.
Premyer Liga doirasida esa “shaharliklar” qatorasiga 12 o‘yindan beri “Arsenal”ni yutmoqda. Londonliklar 2015 yilning dekabridan beri bu raqibni yenga olmayapti.
“Arsenal” APLda ketma-ket 4 o‘yindan beri g‘alaba qozona olmayapti. Mikel Arteta jamoasi bundan avvalgi uchta turda durang qayd etgandi.
“Manchester Siti” ustozi Pep Gvardiola murabbiylik faoliyati davomida 20 marta “Arsenal”ni mag‘lub etishga erishdi. Gvardiola hech qaysi klubni bu qadar ko‘p mag‘lub etmagan. Xosep “kanonirlar”ga qarshi jami 27 ta o‘yin o‘tkazgan:
“Barselona” boshqaruvida — 2 g‘alaba, 1 durang, 1 mag‘lubiyat;
“Bavariya” boshqaruvida — 2 g‘alaba, 1 durang, 1 mag‘lubiyat;
“Manchester Siti” boshqaruvida — 16 g‘alaba, 1 durang, 2 mag‘lubiyat.
Gvardiola uchun “qulay” jamoalar ro‘yxatida keyingi o‘rinlarda “Byornli” turadi (16 o‘yinda 15 g‘alaba). “Chelsi” va “Lester” esa 13 martadan taslim etilgan.
Bu Gvardiola va Arteta o‘rtasidagi 9-o‘yin bo‘ldi. Mikel ularning faqat bittasini o‘z foydasiga hal qila olgan (yuqorida qayd etilgan 2020 yilgi kubok o‘yini), 8 tasida Pepning qo‘li baland kelgan.
To‘xtatib bo‘lmas Holand
“Manchester Siti” forvardi Erling Holand barcha musobaqalar doirasida 43 o‘yinda 49 ta gol urdi. Norvegiyalik Angliya oliy divizioni o‘yinlari orasida ushbu natijani qayd etgan so‘nggi 36 yil ichidagi ilk futbolchi bo‘ldi. 1986/87 yilgi mavsumda “Tottenhem” sobiq hujumchisi Klayv Allen shunday ko‘rsatkich qayd etgandi.
Holand APL joriy mavsumidagi gollari sonini 33 taga yetkazdi. Bu orqali Erling 20 jamoadan (38 o‘yin) iborat mavsumlar rekordini yangiladi. Bundan avvalgi rekord 2017/18 yilgi mavsumda 32 ta gol urgan Muhammad Salohga tegishli edi.
Umumiy rekordgacha bitta gol qoldi. Endi Koul (1993/94) va Alan Shirer (1994/95) 42 turdan iborat chempionatda 34 tadan gol urgandi.
Holand “Manchester Siti” safidagi so‘nggi 11 ta o‘yinda 21 ta samarali harakat amalga oshirdi — 17 gol va 4 assist. Mazkur o‘yinda norvegiyalik hujumchi bitta gol va ikkita golli uzatmani o‘z hisobiga yozdirib qo‘ydi.
Kevin de Bryuyne bu bahsda dublga erishdi va bitta golli uzatma amalga oshirdi. Belgiyalik yarim himoyachi mankunianlar safidagi oxirgi 8 ta o‘yinida 4 ta gol va 7 ta assist muallifiga aylandi.
So‘g‘diyona
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
