O‘zbekiston kubogi 2-turidan o‘rin olgan "Mash’al" — "Qo‘qon-1912" (3:2) uchrashuvidan so‘ng mezbonlar murabbiyi Bobur Zuhriddinov matbuot anjumanida ishtirok etdi.
O‘yin haqida
— Avvalambor, "Mash’al" jamoasi muxlislarini qiyin g‘alaba bilan tabriklayman. Murabbiylar shtabi nomidan yigitlarga minnatdorchilik bildiramiz. Bu haqida kiyinish xonasida ham aytdik, biz bugun g‘alabaga 99,9 foiz g‘alabaga ishongandik.
— Ikkinchi bo‘limda birdaniga ikkita o‘zgarish bo‘yicha qanday izoh berasiz?
— O‘tkazib yuborilgan golda 3 ta futbolchi aybdor deb sanamayman. Biz ikkinchi bo‘limda o‘yinni kuchaytirishimiz kerak edi. Bu rejada bor bo‘lgan jarayon va ayni reja ish berdi.
— O‘tgan matbuot anjumanlaridan birida Xudoyorxon Sagdullayev borasida keskin fikrlar bildirgandingiz. Ko‘rinishidan ushbu futbolchi ancha vaqtgacha maydonga tushmasligi kerakdek edi. Biroq, u keyingi o‘yindayoq maydonga tushdi. Buni qanday izohlaysiz?
— Bilasizlarmi, men jurnalistlarni nega yaxshi ko‘raman? Chunki sizlar bizga o‘yin borasida o‘z fikrlaringizni bildirasizlar. Bu bizga qaysidir ma’noda tahlil uchun yordam bo‘ladi. Bu savolni avvalgi o‘yinda ham kutgandim. Menga bu borada uydagi gapni ko‘chaga olib chiqilishi qabilida e’tirozlar bo‘ldi. Agar futbolchi o‘ynasa, yaxshi o‘ynasa, men har qanday e’tirozga tayyorman. Masalan, Saidmahmudxon G‘ulomov gol ura olmayotgandi, bugun urdi. Yana Sobit Sindarov ham bor. Siz aytgan Xudoyorxon Sagdullayev bilan biz har uslubda gaplashib ko‘rdik. Eng oxirgi yo‘l uni ommaga olib chiqish edi, shunday qildik. Xudoyorxon iqtidorli futbolchi, bu borada tegishli xulosa chiqardi. Bugun u golli uzatma berdi, biz undan ayni shunaqa, jamoa uchun foydali o‘yin kutayapmiz. Xudoyorxon qanday imkoniyatga ega ekanligini yaxshi bilamiz.
— Zafar Akromov bugun o‘yin qaydnomasidan o‘rin oldi. Lekin maydonga tushgani yo‘q...
— "Navbahor-farm"ga qarshi o‘yinda Zafar Akromov yengil jarohat olgandi. Shu bois uni zaxiraga olgandik. To‘liq tayyor bo‘lmagani bois, bugun uni zaruriy vaziyat bo‘lish ehtimoli yuzasidan qaydnomaga kiritdik.
— Legioner futbolchi Petrov 5 ta gol urdi. To‘purarlik salohiyati bor futbolchi nega zaxirada qoldi? Keyin nega uning goliga stadionda boshqalardan farqli musiqa qo‘yiladi?
— Petrov o‘tgan o‘yinda o‘zini yomon his qildi. Ikki kunlik mashg‘ulotlarni o‘tkazib yubordi. Shu sababdan ham biz uni bugun asosiy tarkibga kiritmadik.
Musiqa borasida, futbolchining o‘zi matbuot kotibi bilan gaplashgan. Gol ursa ayni shu musiqa qo‘yilishini iltimos qilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
