Bugun tunda APL 28-turining qoldirilgan bahsi doirasida «Brayton» hamda «Man Yunayted» kurash olib boradi. Qiziq tomoni, «Brayton» Angliya kubogidagi alamli penaltilar ceriyasi uchun qasos olishga harakat qilib ko‘radi.
«Brayton»
O‘tgan turda «qizillar» «Aston Villa»ni minimal hisobda yenggan bo‘lsa, De Zerbi shogirdlari «Vulvz» darvozasiga javobsiz 6 ta gol urdi. Shunga qaramay o‘shanda uch kun avval jamoa «Nottingem»ga mag‘lub bo‘lgan (1:3). Ammo qoldirilgan o‘yinlarni hisobga olsak, «chaykalar» bemalol hozirgi 8-o‘rnidan 5-pog‘onaga ko‘tarilsa bo‘ladi. Ta’qib qilayotgan jamoalari ham anoyilardan emas - «Aston Villa», «Tottenxem» hamda «Liverpul». So‘nggi besh o‘yinda jamoa xoh g‘alaba qozonsa, xoh mag‘lub bo‘lmoqda, ya’ni stabillik yo‘q. Ammo gol urish borasida muammolar ko‘zga tashlanmaydi. Oxirgi 21 ta uchrashuvning atigi bittasida «Brayton» raqibi darvozasini ishg‘ol qila olmagan xolos. Jamoa o‘z uyida o‘tgan 2023 yildagi 7 uchrashuvning 5 tasida g‘alaba qozondi - barchasida o‘z darvozasi daxlsizligini saqlagan holda. Ko‘ramiz, bugun xuddi o‘sha yigitlar «MYU»ga qanday qarshilik ko‘rsata olarkan?!
«Manchester Yunayted»
Har bir seriyaning yakuni bo‘lgani kabi «Aston Villa»ning ham har bir o‘yinda gol urish metodi «Old Trafford»da ish bermay qoldi. Martines go‘zal seyvlari bilan yodda qolgan ersada, Brunoning harakatlari oldida ojiz qoldi. Undan oldingi turda esa «qizil iblislar» «Tottenxem» bilan jangovar durang qayd etgandi - 2:2. To‘rtlik uchun kurashayotgan ortidagi raqiblarining shundoqqina nafasini his qilib turgan jamoa bugun mehmonda g‘alaba qozonsa, «Nyukasl»ni ortda qoldirib, 3-o‘ringa ko‘tarilib oladi. YECHL yo‘llanmasini ichki liga orqali himoya qilish osonroq. Chunki «Man Yunayted» Yevropa ligasida «Sevilya»ga imkoniyatni boy berdi va endi bor e’tiborini APLga qaratadi. Ten Xag shogirdlari 2023 yil hisobidan safardagi 7 ta o‘yinda atigi 2 marta g‘alaba qozongan. Bundan avvalgi «Ameks»da bo‘lgan uchrashuv «qizil iblislar»ning yirik 4:0 hisobidagi g‘alabasi bilan tugagan. Biroq avgustda o‘z maydonida jamoa xuddi shu raqibiga yutqazgan (1:2).
Yangiliklar
De Zerbiga bugun Moder, Lempti, Sarmiyento va Lallana yordam bera olmaydi. Shuningdek, italiyalik mutaxassis Evan Fergyuson bilan ham tavakkal qilmoqchi emas. «Vulvz»ga qarshi bahsda Veltman ham jarohat olgan edi. Biroq uning jarohati unchalik jiddiy emas deya aytilmoqda. Safga qaytganlar orasida Gross nomi muxlislarni xursand qiladi. Shuningdek, o‘tgan turni zaxirada o‘tkazgan Mitoma, Makkalister, Kaysedo hamda Kolvil bugungi o‘yinda jamoasiga yordam berishga shay.
«Yunayted» lazaretida esa Van de Bek, Garnacho, Xiton, Jons hamda Varandan yaxshi yangiliklar bor.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
