"Nyukasl" va "Arsenal" - bu mavsumda Premyer-liganing asosiy kutilmagan hodisalai deb aytsak bo‘ladi. Londonliklar “Manchester Siti” bilan chempionlik uchun kurashni davom ettirmoqda, “magpiylar” esa Chempionlar ligasidagi o‘rnini deyarli qo‘lga kiritishdi.
Klublarning taraqqiyoti Eddi Xau va Mikel Artetaning ajoyib murabbiylik faoliyati hamda malakali transfer siyosati tufaylidir. "Nyukasl"ning kashfiyotlaridan biri "Arsenal"dan olib kelingan yarim himoyachi Jozef Uillokning bo‘ldi. Bugun “Arsenal” nega o‘z tarbiyalanuvchisini sotganini va u qanday qilib “Sent-Jeyms Park”da yulduzga aylanganini ko‘rib chiqamiz.
Uillok “Arsenal” akademiyasiga 4,5 yoshida borgan. Jo 13 yil ichida barcha bosqichlarni bosib o‘tdi va 2017 yil sentyabr oyida asosiy tarkibda debyut qildi. Uillok Liga kubogi doirasidagi “Donkaster”ga qarshi bahsning 84-daqiqasida maydonga tushdi. Premyer-ligadagi birinchi o‘yinni olti oy kutishga to‘g‘ri keldi. Ajablanarlisi shundaki, u 2018 yil aprel oyida "Nyukasl"ga qarshi o‘yinga to‘g‘ri kelgan edi.
2017/2018 va 2018/2019 yilgi mavsumlarda Uillok asosiy o‘yinchi sifatida hisoblanmadi. Jo vaqti-vaqti bilan maydonga tushar edi. Haqiqiy yutuq 2019/2020 yilgi mavsumda kuzatildi. Ammo statistika oddiyligicha qoldi: 44 uchrashuvda u atigi beshta gol urdi va bitta golli uzatmani amalga oshirdi. Shunga qaramay, Uillok 2020/2021 yilgi mavsumni "Arsenal"da boshladi va hatto 17 uchrashuvda oltita (uchta gol va uchta golli uzatma) samarali harakat qilishga muvaffaq bo‘ldi. Ammo 2021 yilning yanvarida Jo "Nyukasl"ga ijaraga yuborildi.
Nyukasl-apon Taynga ko‘chib o‘tganidan keyin Uillok 2021 yilning bahorida 14 o‘yinda sakkizta gol urdi. U birinchi marta Premer-liganing ketma-ket olti o‘yinida gol urdi va liga tarixidagi eng yosh futbolchiga aylandi (21 yoshu 272 kun). Mavsumning so‘nggi, 38-turida esa u “Fulxem” darvozasiga gol urib, seriyani yettita uchrashuvga yetkazdi. Uillok Alan Shirerning rekordini takrorladi, u ham avvalroq “Nyukasl” uchun ketma-ket yettita o‘yinda gol urgan edi.
Mavsum oxirida "Nyukasl" Uillokni doimiy ravishda jamoada olib qoldi. Angliyalik futbolchining transferi 28 million yevroga tushdi. Jo "Nyukasl" bilan 6 yillik shartnoma imzoladi. 2021/2022 yilgi mavsumda yarim himoyachining o‘yinida tushish bo‘ldi: 31 o‘yinda u atigi ikki gol urdi. Ammo bu qisman mavsum boshidagi "Nyukasl" inqirozi bilan bog‘liq bo‘lib, klubga qo‘shilgandan so‘ng Eddi Xau hujumda ko‘pincha boshqa o‘yinchilar - Kallum Uilson, Allan Sen-Maksimin, Joelington va Bruno Gimarayshlarga tayandi.
Ammi Uillok joriy chempionatda yana porlay boshladi. Mavsumning barcha musobaqalardagi 40 o‘yinida ingliz futbolchisi uchta gol urdi va oltita samarali uzatma berdi.
"Arsenal" Uillokni qo‘yib yuborganidan afsusdami? Balki. Jamoa uning uchun katta pul oldi, yarim himoyada yaxshi o‘yinchilar yetarli. Ammo u "Nyukasl"ning yetakchilaridan biriga aylandi va endi jamoani 20 yil ichida birinchi marta Chempionlar Ligasidagi ishtirokiga olib bormoqda. Demak, uning jamoadan ketishidan ikkala tomon ham foyda ko‘rdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
