O‘zaro o‘yinlar
Mazkur raqiblar 2012 yildan boshlab hisoblasak, barcha turnirlarda 10 marta to‘qnash kelishgan. Shundan 4 tasida madridliklar, 4 tasida "shaharliklar" g‘alaba qozongan. Yana 2 bahsda g‘olib aniqlanmagan. Ko‘rinib turibdiki, Madriddagi o‘yinning oradagi ko‘rsatkichga ta’siri katta.
Jamoalarning hozirgi holati
Kutilayotgan bahs mezboni "Real" Madrid so‘nggi 5 ta uchrashuvda 3 ta g‘alaba 2 ta mag‘lubiyat qayd etgan. E’tiborlisi, oxirgi o‘yinda Rodrigoning dubli evaziga "Osasuna" ustidan zafar quchib, Ispaniya Kubogi sohibiga aylandi.
/cdn.vox-cdn.com/uploads/chorus_image/image/72255935/1488022254.0.jpg)
"Manchester Siti" esa, so‘nggi 5 ta bahsning hammasini g‘alaba bilan tugatdi. "Shaharliklar" APL turnir jadvalidagi asosiy raqibi "Arsenal"ni o‘z uyida 4:1 hisobida mag‘lubiyatga uchratdi va chempionlikka juda yaqinlashib oldi.
Ikki klubning asosiy "qurollari"
"Qirollik klubi"ning hozirgi kunda eng asosiy futbolchisi deya ko‘pchilik tomontdan baribir Karim Benzema ko‘rsatilmoqda. Ammo, Vinisius, Rodrigo hamda Asensio kabi futbolchilar ham asta-sekin jamoaning muhim o‘yinchilari safiga kirib boryapti. Ayniqsa, Rodrigo oxirgi 5 ta o‘yinda 3 gol urishga muvaffaq bo‘ldi.
"Manchester Siti" tarkibida esa, asosiy futbolchi, shubhasiz, "gol mashinasi" Erling Xoland. Sababini tushintirishga hojat yo‘q. Norvegiyalik so‘nggi 5 o‘yinda 3 ta gol va 2 ta assist muallifiga aylandi. Shuningdek, bir mavsumda gol urish bo‘yicha ilk mavsumidayoq afsonaviy Alan Shirerni ortda qoldirib Prem’er Liga rekordini o‘rnatdi. "Shaharliklar" safida oxirgi o‘yinlarda o‘zini ko‘rsatayotgan yana bir futbolchi bor - bu Riyad Mahrez. Jazoirlik so‘nggi 5 o‘yinda 3 ta gol 4 ta assist qayd etdi.
Futbolchi va murabbiylar fikrlari
"Real" Madrid klubi bosh murabbiyi Karlo Anchelotti: "O‘tgan mavsumda o‘z darvozamizdan 5 ta gol o‘tkazib yubordik va 6 ta gol kiritdik. Takrorlaysizmi? Men qarshi emasman.
"Manchester Siti" bu yil ancha to‘liqroq jamoa. Ular himoyada juda yaxshi tashkillashtirilgan va to‘p bilan yaxshi o‘ynashadi. Hozir biz yanada hayajondamiz".
Hujumchi Rodrigo: "Asosan kiyinish xonasida biz Xoland haqida gaplashamiz. U ko‘p gol uradi va uni qanday qilib to‘xtatishni hech kim bilmaydi. Umid qilamanki, u bizga gol urmaydi”.
"Manchester Siti" yarim himoyachisi Rodri: "Futbol qasos olish imkoniyatini beradi ("Manchester Siti" so‘nggi Chempionlar ligasining yarim finalida "Real"dan uchralgan mag‘lubiyat evaziga turnirni tark etgandi - muallif). Har doim o‘tmishdagi tajribadan o‘rganish mumkin. Biz yangi motivasiya bilan kurashish uchun yana shu yerdamiz. Bu yil yaxshi ishlayapmiz".
Yo‘qotishlar
O‘yin oldidan ikki jamoa tarkibida bir qancha yo‘qotishar mavjud. Madridliklar safida bir necha uchrashuvlarni asosiy tarkibda boshlagan Dani Sebalyos, Ferlan Mendi kabi futbolchilar, "shaharliklar tarkibida esa, Natan Ake Madriddagi ilk bahsni jarohat sabab o‘tkazib yuborishadi.
Taxminiy tarkiblar
"Real" Madrid: Kurtua, Kamavinga, Alaba, Ryudiger, Karvaxal, Modrich, Kroos, Valverde, Vinisius, Rodrigo, Benzema.
"Manchester Siti":Ederson, Akanji, Uoker, Diash, Stouns, Rodri, Grilish, Gyundogan, De Bryuyne, Bernardu, Xoland.
Xo‘sh, "Qirollik klubi" hammasini o‘z maydonida hal qilib, mehmondagi bahs uchun o‘ziga imkon yarata oladimi? Yoki, "shaharliklar" Madridning o‘zidayoq barchasiga nuqta qo‘yadimi? Mazkur savollarimizga bugun 10 mayga o‘tar kechasi "Santyago Bernabeu"da bo‘lib o‘tadigan YECHL yarim final ilk bahsidan so‘ng javob olamiz. Birinchi o‘yin bo‘lishiga qaramay futbol muxlislarini shiddatli uchrashuv kutmoqda!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
