“Andijon” klubi safida to‘p tepayotgan iste’dodli himoyachi Dilshod Komilov “Qizilqum” ustidan qozonilgan g‘alabadan so‘ng “Andijon” matbuot xizmatiga o‘z fikrlarini bildirdi.
— Muhim o‘yinda muhim g‘alaba qo‘lga kiritildi. Ayting-chi, bellashuv siz kutgandek kechdimi?
— Uchrashuvga tayyorgarligimiz zo‘r bo‘ldi. Jamoamizdagi hamma bu o‘yinni yutishimizni bilardi. Chunki muhim edi. Bizdan yuqorida turgan klublarga yaqinlashib olishimiz kerak edi. Navbatdagi turda “Turon” bilan o‘ynaymiz va bu ham biz uchun muhim. Xudo xohlasa, g‘alaba qozonib muxlislarimizni yana xursand qilamiz. “Qizilqum”ga qarshi bellashuv biz o‘ylagandek bo‘lmadi. Boshqa uchrashuvlarga solishtirsak, oldinlari yaxshi o‘ynab turib yutqazib qo‘yayotgandik. Bu safar o‘yinimiz o‘zimiz kutganchalik chiqmadi, ammo ikkita kerakli gollarni urib, yutib ketdik. Raqib ham yaxshi tayyorgarlik ko‘rgan ekan. Bizga jiddiy qarshilik ko‘rsatishdi.
— Uchrashuvda siz uchun eng asabiy holat qaysi vaziyatda kuzatildi?
— Birinchi bo‘limda hakam ko‘p holatlarda bizga qarshi xushtak chaldi. Sariq kartochklar ko‘rsatdi. Menga ham 15-daqiqada sariq kartochka berdi. Uchrashuv boshlaridayoq ogohlantirish olgach, qolgan daqiqalarda ehtiyotkorlik bilan o‘ynash kerak bo‘ladi. Lekin ikkinchi bo‘limda hakam yaxshi boshqardi.
— “Andijon”ning o‘tkazgan 10 ta o‘yini bo‘yicha nima degan bo‘lardingiz?
— Jamoamiz juda yaxshi. Ajoyib futbolchilar yig‘ilgan. Faqat omadimiz kelmagan uchrashuvlarda yutqazib qo‘ydik. “Surxon”, “So‘g‘diyona”, OKMK kabi klublarga qarshi uchrashuvlarda g‘alaba qozonishimiz mumkin edi, lekin nasib qilmadi. Hammasi Xudodan. Mana, kuni kecha g‘alaba qozondik va buni yana davom ettiramiz. Jamoalar dastlabki 5-6 ta turgacha o‘yin uslubini topgunicha har xil taktik uslublarni qo‘llab ko‘radi. Boshidanoq hammasi zo‘r bo‘lib ketmaydi. Xudoga shukr, bosh murabbiyimiz tomonidan berilayotgan taktikarlani tushunib, yaxshi harakat qilyapmiz. Biz bundan ham yaxshi o‘yinlar ko‘rsatib, ishqibozlarimizni quvontira olamiz.
— Yuqorida aytib o‘tganingizdek, oldinda “Turon”ga qarshi vodiy derbisi turibdi. Bu o‘yinga tayyorgarlik xususida nimalarni aytgan bo‘lardingiz?
— Buni bilamiz, hamma futbolchilar yaxshi tushunib turibdi. Xudo xohlasa, bo‘lajak derbiga har tomonlama puxta tayyorgarlik ko‘ryapmiz. Bu o‘yinda ham muxlislarimizni xursand qila olamiz. Ishqibozlar har doim g‘alaba kutishadi. Biz esa oldimizga qo‘yilgan vazifani bajarib, ularni g‘alaba bilan xursand qilishimiz kerak. “Bobur Arena”ga qaytishimizni kutyapmiz. Ishqibozlarimiz biz uchun juda muhim o‘rin tutadi. Stadionda qancha ko‘p muxlis kelsa, bizga shuncha yaxshi.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
