"Real" Chempionlar ligasi finalida navbatdagi o‘yinini o‘tkazishga bir qadam qolganda to‘xtadi. Bu safar “qaymoqranglilar” Gvardiolaning dahshatli “Man Siti”sidan nokautga uchradi.
Jamoalarning javob o‘yini madridliklarning 0:4 hisobidagi mag‘lubiyati bilan yakunlandi, ammo Kurtua munosib o‘yin ko‘rsatmaganida, Qirollik klubi bundan ham ko‘proq gol o‘tkazib yuborishi mumkin edi. Tibo o‘sha uchrashuvda "Real Madrid"ning eng yaxshi o‘yinchilaridan biriga aylandi va Marca jurnali uning o‘yinini 10 ballga baholadi.
Chempionlar ligasi finalida Kurtuaning Belgiya terma jamoasidagi sheriklari o‘zaro to‘qnash kelishadi. Lukaku "Inter" safida, De Bryuyne esa "Manchester Siti"da kubok uchun kurashadi.
Tibo Prime Video Sport jurnalistlariga Yevropaning asosiy klub turniri finalida qaysi hamyurtiga muxlislik qilishi aytdi:
"Umid qilamanki, Lukaku Chempionlar ligasida g‘olib chiqadi. Albatta, uning Kevinga qarshi chiqishi qiyin bo‘lishini tushunaman, lekin men Romeluni biroz ko‘proq bilaman. Uni juda hurmat qilaman”.
Balki Kurtua Lukakuni De Bryuynedan ko‘ra ko‘proq bilgandir, ammo Tibo va Kevin o‘rtasidagi munosabatlar tarixi hammaga ma’lum. Muxlislar hali ham ularning qiz tufayli dushmanga aylanishganini ko‘p eslab yurishadi.
O‘sha shov-shuvli voqea o‘tmishda qoldi, endi futbolchilar o‘rtasidagi munosabatlar normallashganga o‘xshaydi. Chempionlar ligasi yarim finalida "Real Madrid" va "Siti" o‘rtasidagi birinchi o‘yindan so‘ng translyasiya operatori Tibo va Kevinni quchoqlashgan holda tasvirga olgani ham buni tasdiqlashi mumkin.
Chempionlar ligasi finali 10 iyun kuni Istanbulda bo‘lib o‘tadi. "Inter" 2009/10 yilgi mavsumdan buyon Yevropaning asosiy klublar musobaqasidagi ilk g‘alabasini qo‘lga kiritishga harakat qiladi. O‘shanda milanliklar "Santyago Bernabeu"da "Bavariya"ni 2:0 hisobida mag‘lub etishgan edi.
Ammo "Siti" tarixda hech qachon "quloqli" kubokni Manchesterga olib kelmagan. 2021 yilda Gvardiola shogirdlari nihoyat Chempionlar ligasi finaliga yo‘l olishdi, ammo “Chelsi”ga mag‘lub bo‘lishdi. Joriy mavsumda "shaharliklar" allaqachon mamlakat chempioniga aylanishdi, Gvardiola jamoasi treblni qo‘lga kiritishi mumkin.
Chempionlar ligasi finalida siz qaysi jamoaga muxlislik qilasiz?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
