Superligadagi «otaxon» futbolchilardan biri Jasur Orziqulovich Hasanov 19 may kuni O‘zbekiston chempionati oliy divizioni hisobidan katta yubileyni nishonladi - 500ta o‘yin!
Bu marra sari chempionatda naq 23 mavsum yo‘l bosgan faxriy yarim himoyachi «Buxoro» - «So‘g‘diyona» o‘yini (0:2)da to‘liq vaqt faol harakatlanib, yumaloq raqamni jamoasi g‘alabasi bilan bezadi. Tasanno!
Avvalo aytish kerak, Jasur Hasanovning 500ta o‘yin marrasiga yetgani haqida oldinroq ma’lumot berildi. Jumladan, Jizzax matbuotida shunday xabar chiqdi va yarim himoyachiga hattoki, 500 raqami bosilgan maxsus futbolka topshirishga ham ulgurishdi. Biroq afsuski, bu masalada biroz shoshma-shosharlik kuzatildi. Har holda, statistika bo‘yicha Hasanov aynan 19 may kuni Buxorodagi o‘yinda marraga yetdi. Statistika ixlosmandlari o‘z hisob-kitoblarida shuni e’tiborga olib qo‘yishlari kerak.
Jasur Hasanovning O‘zbekiston chempionati elit ligasidagi 500ta o‘yini (mavsumlar kesimida)
Mavsum-2001 - 32ta («So‘g‘diyona»)
Mavsum-2002 - 25ta («So‘g‘diyona»)
Mavsum-2003 - 22ta («Navbahor»)
Mavsum-2004 - 25ta («Navbahor»)
Mavsum-2005 - 25ta («Mash’al»)
Mavsum-2006 - 15ta («Mash’al»)
Mavsum-2007 - 28ta («Bunyodkor»)
Mavsum-2008 - 24ta («Bunyodkor»)
Mavsum-2009 - 27ta («Bunyodkor»)
Mavsum-2010 - 11ta («Bunyodkor»)
Mavsum-2011 - 4ta («Bunyodkor»)
Mavsum-2012 - 12ta («Bunyodkor»)
Mavsum-2013 - 20ta («Bunyodkor»)
Mavsum-2014 - 23ta («Lokomotiv»)
Mavsum-2015 - 26ta («Lokomotiv»)
Mavsum-2016 - 5/15ta («Lokomotiv»/«Qizilqum»)
Mavsum-2017 - 14/14 («Qizilqum»/«Nasaf»)
Mavsum-2018 - 11/17ta («Nasaf»/OKMK)
Mavsum-2019 - 8/13ta (OKMK/«So‘g‘diyona»)
Mavsum-2020 - 26ta («So‘g‘diyona»)
Mavsum-2021 - 25ta («So‘g‘diyona»)
Mavsum-2022 - 23ta («So‘g‘diyona»)
Mavsum-2023 - 10ta («So‘g‘diyona»)
Asosiy fakt shuki, vaqtida Qatar Yulduzlar ligasida ham o‘ynab qaytgan Hasanov chempionatimiz tarixida 500ta o‘yin marrasiga yetgan 3-futbolchi bo‘ldi. Aytgancha, tolmas yarim himoyachi yaqin orada milliy ligamiz gvardiyachilari ro‘yxatida 2-o‘ringa chiqib olishi mumkin. 20 may holati bo‘yicha aytsak, uni mutlaq peshqadam Asror Aliqulovdan esa 20ta o‘yin ajratib turibdi.
O‘zbekiston chempionati elit ligasida 500ta o‘yin marrasiga yetgan futbolchilar
1. Asror Aliqulov - 520ta
2. Anvar Berdiyev - 505ta
3. Jasur Hasanov - 500ta
Sergey KNYAZEV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
