Aslida faqatgina xalqaro maydonda to‘p suradigan klublar bilangina cheklanish mumkin. Biroq 2020 yilga kelib milliy lisenziyalash talablari OFK lisenziyalash talablariga moslab chiqildi. Shu yo‘l orqali O‘zPFL futbol klublar infratuzilmasi va tashkiliy shaklini bosqichma-bosqich OFK talablariga moslashtirdi.
Bu o‘z navbatida Superliga va Pro liganing yetakchi klublariga lisenziyalash jarayonidan oson o‘tish imkoniyatini taqdim etdi. Chunki Liga yil davomida futbol klublarini mazkur jarayonga tayyorlab keladi. O‘z vaqtida "Nasaf" kabi yetakchi klublarimiz ham ketma-ket ikki yil OFK lisenziyalash talablarini bajara olmagan bo‘lsa, bugunga kelib bu borada muammo yo‘q. Liga va professional futbol klublari bir yoqadan bosh chiqarib, muammolarni yengib o‘tyapti.
Bunda Liga faqatgina katta klublar bilangina cheklanib qola olmaydi. Superliga va Pro liga vakillari sonini bosqichma-bosqich oshirib borish uchun bizga lisenziyalash talablariga javob bera oladigan qator klublar kerak bo‘ladi. Shundan kelib chiqib, da’vogarlar sonining va albatta lisenziyalash jarayonidan o‘tayotgan klublar sonining oshib borishi, ular bir necha yillar davomida barqaror faoliyat olib borishi ichki chempionatda raqobat muhitini yanada oshiradi.
Ma’lumot uchun, 2020 yildan boshlab lisenziya uchun da’vogarlar soni mos ketma-ketlikda oshib bordi: 14 ta, 22 ta, 25 ta. Lisenziyaga ega chiqqan klublarda ham shunday: 7 ta, 12 ta, 17 ta.
Yaponiya va Janubiy Koreyada ko‘rsatkich nima uchun kamroq bo‘ldi?
Aslida bu ikki mamlakat futbol klublari lisenziyalash jarayonida Osiyo yetakchilari hisoblanadi. Bir yil avval Yaponiyaning 54 ta klubi, Janubiy Koreyaning esa 18 ta klubi lisenziyaga ega chiqqandi. O‘zbekiston esa 12 ta ko‘rsatkich bilan ulardan keyingi o‘rinni egalladi.
Bir qarashda joriy mavsum ham ular buni takrorlashi mumkin edi. Biroq Yaponiya ham, Janubiy Koreya ham lisenziyalashga asosan Chempionlar ligasida ishtirok etadigan klublarinigina jalb qildi. Yaponiya va Janubiy Koreyada mavsum O‘zbekistondagi kabi bahor-kuz tizimida o‘tkaziladi. OFK mavsumiy taqvimini aynan shu yildan o‘zgartirayotganidan kelib chiqib, qit’aning ikki yetakchi mamlakati shunday yo‘l tutdi. Aslini olganda esa ular o‘z klublariga qo‘yadigan talab OFK talablaridan kuchliroq ham hisoblanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
