Spalettining ketishi bir necha hafta muhokama qilindi
Voqealarning bunday rivojlanishini hech kim kutmagan edi. Neapolliklar yakuniga yetgan mavsumda o‘zining eng yorqin o‘yinlarini ko‘rsatdi. Hattoki, chempionlikni 5 tur qolganda, 4 may kuni "Udineze" bilan o‘yindagi durangda hal qildi.
Kutilmaganda, may oyining ikkinchi yarmida muvaffaqiyatning asosiy sababchisi — bosh murabbiy Luchano Spalettining ketishi haqida insaydlar paydo bo‘la boshladi. Shu bilan birga, biroz oldinroq Luchanoning o‘zi qolish niyatida ekanligini aytgandi.
Qisqa vaqt ichida "Napoli" prezidenti Aurelio Di Laurentis va Spalettining munosabatlari yomonlashgani hamda yangi shartnoma borasidagi muzokaralar murakkablashgani xabar qilingandi.
Keyinchalik yangi tafsilotlar paydo bo‘ldi. Vaziyatning keskinlashuviga funksioner murabbiyning o‘zi bilan muhokama qilmasdan, mutaxassis bilan shartnomani 2024 yilgacha uzaytirish variantini faollashtirishga qaror qilgani sabab bo‘ldi.
Mavsum yakuni "Napoli" uchun butunlay boshqacha kayfiyatda o‘tdi. Murabbiylikka bir necha nomzodlar haqida insaydlar chiqa boshladi. Klub rahbariyati Spaletti uchun 2 yillik 4 million yevro maoshlik taklif berdi, ammo qabul qilmadi.
29 may kuni Luchano:
"Napoli"ga men hamma narsani tushuntirganman. Bir yil dam olishim kerak. Di Laurentis esa, buni to‘g‘ri qabul qildi. Bu holat meni xursand qildi, albatta".
"Napoli" esa, yangi murabbiy izlay boshladi.
Short-listga kimlarning nomi kiritilgandi?
Bunday paytlarda yangi murabbiy topish qiyin, ayniqsa, Spalettining uslubi jamoaga singib ketgan vaqtda. Klub bir necha nomzodlar orasida "Atalanta" ustozi Janpiyero Gasperini variantini ham ko‘rib chiqdi. Hattoki, muzokaralar olib borilayotgani haqida mish-mishlar tarqaldi.
Nomzodlar orasida "Napoli"ni 2013-2015 yillarda boshqargan Rafayel Benites va PSJda faoliyat olib borgan Kristof Galtye ham bor edi. Yana shuningdek, Luis Enrike va Roberto Manchini nomlari ham paydo bo‘la boshladi. Enrike qishda Ispaniya termasini tark etib, klublar miqyosida ishlashga qaytishini ma’lum qildi. Lusiga "Chelsi"dan taklif bo‘ldi, ammo u rozi bo‘lmadi. Bir vaqtlar "Roma"da faoliyat olib borgan paytlarini eslab Italiya A Seriyasidan kelgan takliflarni ko‘rib chiqmoqchi edi. Lekin insayderlarning aytishicha Neapoldan hech qanday chorlov bo‘lmagan. Roberto Manichini esa, Italiya termasida hali ham faoliyat olib boryapti. Di Laurentis u bilan hali ham aloqada. Ikkisi o‘zaro suhbatlashishga ulgurdi, funksioner murabbiyning rejalarini bilib oldi. Barcha variantlar to‘g‘ri kelmaganidan keyin Rudi Garsiya nomzodini tanlashdi.
Fransuz juda bahsli nomzod
Neapolliklarning bu tanlovi qanchalik foydali ekanligini albatta, vaqt ko‘rsatadi. 59 yoshli murabbiy faoliyatida tayinli natijaga erishmagan. 2011 yilda "Lill" bilan Liga1 da g‘olib bo‘lgan, birozdan so‘ng esa, bronza medallariga ega chiqqan. Shuningdek, "Roma" bilan 2 marta A Seriya vise-chempionligini qo‘lga kiritgan.
"Lion" va "Marsel" bilan u qadar muvafaqqiyatga erisha olmadi. Esda qolarlisi, "Lion" bilan "Manchester Siti"ni chorak finalda mag‘lub etgani bo‘ldi. Neapolga kelishidan oldin easa, Saudiyada ishladi. U yerda "Al Nassr" klubida faoliyat olib bordi. Riyod shahri jamoasida ko‘p ishlamadi, bunga sabab sifatida Krishtianiu Ronaldu deb ko‘rsatildi. Murabbiy mega yulduz bilan aloqa o‘rnatmoqchi bo‘lgan, ammo buni uddasidan chiqa olmadi hamda klub Ronalduning maslahati bilan Rudini ishdan bo‘shatdi.
Asosiy maqsad — Kim va Osimxenni jamoada olib qolish
Har ikkisi yakuniga yetgan chempionatning to‘laqonli yetakchi o‘yinchilariga aylandi. Viktor A Seriyaning eng yaxshi to‘rurari bo‘ldi. Koreyalik himoyachi va nigeriyalik forvard uchun Yevropaning bir necha klublari tomonidan ov boshlandi.
Viktor uchun neapolliklar 150 million yevro talab qildi, "Chelsi" esa, 110 million taklif qildi va rad javobini oldi. Da’vogarlar ro‘yxatida "Manchester Yunayted" va "Bavariya" ham bor. Ikkala jamaoaga ham markaziy hujumchi kerak. Ammo ular bilan hech qanday muzokaralar yo‘q.
Kim Minjega keladigan bo‘lsak, "mankunianliklar" va "Bavariya" o‘rtasidagi raqobatda kim g‘olib bo‘lishiga bog‘liq. Mish-mishlarga ko‘ra, myunxenliklar asosiy da’vogarga aylangan. Hattoki, nemis grandi markaziy himoyachi bilan shartnoma shartlarini kelishib ham olgan.
Bunday yorqin futbolchilarni saqlab qolishning deyarli imkoni yo‘qligini hisobga olib, ularga munosib o‘rinbosar topish kerak. Katta ehtimol bilan Italiya grandi e’tiboirini "Arsenal"ga tegishli bo‘lgan Floriyan Balogunga qaratadi. "Kanonirlar" hujumchini o‘tgan mavsumda "Reyms"ga ijaraga bergandi, forrvard Liga1 da 37 ta o‘yinda maydonga tushib, 21 ta gol urdi va 3 ta golga assistentlik qildi. Shartnomaning potensial qiymati 30 million yevroni tashkil etadi.
Yangi mavsumdan neapolliklar tarkibida qanday o‘zgarishlar yuz berishini vaqt ko‘rsatadi. Ko‘ramiz, kuzatamiz...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
