"Arsenal" "Vest Xem" oldiga Rays uchun uchinchi taklifi bilan boradigan bo‘ldi. 24 yoshli futbolchi klubning rekord darajadagi xaridiga aylanishi mumkin. Shunday bo‘lsa, u to‘pchilar safidagi yettinchi Angliya termasi a’zosiga aylanadi. Akademiyadan chiqqan Bukayo Saka va Eshli Koul kabi nomlar "Uch Sherlar" safidan joy olgan. Qolganlar esa, masalan, Aron Ramzdeyl va Teo Uolkottlar klub tomonidan xarid qilingan. Quyida aynan kimlar "Arsenal"ning ingliz yulduzlari bo‘lganiga e’tibor qaratamiz.
Ben Uayt
"Lids Yunayted"ni APL chiqishida katta yordam bergan futbolchi, 2020 yilda "Brayton"ga qaytadi. Himoyachi o‘sha mavsumda "chag‘alaylar"ning eng yaxshi vakiliga aylangandi. Bu esa Uaytni Angliya terma jamoasiga chaqirilishiga olib keldi. U ilk o‘yinini Avstriyaga qarshi o‘rtoqlik bahsida o‘tkazgandi. 2021 yilning yozida Uayt "Arsenal" tomonidan 50 million funtga sotib olindi.
Danni Uelbek
Angliyaning har qaysi burchagida yaxshi ko‘riladigan nomlardan biri bu Uelbekdir. U "Arsenal" va "Manchester Yunayted"da birdek qadr topgandi. Ammo jarohatlar "qizil iblislar" tarbiyalanuvchisini yuksalishdan to‘sib qo‘ydi. Uelbek 42 ta o‘yinda 16 ta goli bilan Angliya terma jamoasi tarixida qolgan. Ammo hujumchi 2019 yildan beri "Uch Sherlar" safida ko‘rinish bermadi. Futbolchini "Arsenal" muxlislari 2016 yilda "Lester" darvozasiga urgan goli bilan eslashadi.
Sol Kempbell
Kempbell "Tottenxem" safida harakat qilayotgan vaqtidayoq Angliya terma jamoasi safiga chaqiriladi. U jami 73 ta bahsda mamlakat sharafini himoya qilgan. Himoyachi APLdagi eng shov-shuvli transferga sabab bo‘lib, 2001 yilda Londonning qizil tomoniga, "Arsenal" safiga o‘tadi. Solning to‘pchilar bilan omadi kelgandi. U ikki bor APLda chempion bo‘lishga erishgan.
Richard Rayt
Rayt 250 dan ortiq o‘yinlarda "Ipsvich Taun" sharafini himoya qilgan. Darvozavon Yevro-2000 bahslariga Angliyaning uchinchi darvozaboni sifatida boradi. 2000 yilning iyunida Rayt terma jamoada debyut qiladi. 2001 yilda Rayt "Arsenal" tomonidan 2 million funtga sotib olinadi. Ammo bir mavsumdan keyin futbolchi London klubini tark etadi. Negaki, unga o‘yin vaqti taqdim etilmagan edi.
Devid Platt
Platt 29 yoshida "Arsenal"ga kelganida, allaqachon uning faoliyati rang-barang edi. 1995 yilda u "Sampdoriya"dan sotib olinadi. O‘sha paytda Platt Angliya sharafini ikkita yirik turnirda himoya qilishga ulgurgan edi. Yarim himoyachi "Arsenal"da uch mavsum harakat qildi. 1998 yilda u APLda chempion bo‘ldi va shu yili "Nottingem" safiga ravona bo‘ldi.
Martin Kioun
Markaziy himoyachi aslida "Arsenal" tarbiyalanuvchisi sanaladi. Ammo u jamoani tark etib, sakkiz yil mobaynida "Aston Villa" va "Everton"da faoliyat yuritgan. 1993 yili Kioun yana to‘pchilar safiga qaytadi. O‘sha qaytishda u Angliya terma jamoasi a’zosiga aylanib ulgurgandi. O‘zining 11 yillik "Arsenal"dagi davrida himoyachi 3 marta Angliya chempioni bo‘ldi. Yana uch marta Angliya kubogiga ega chiqdi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
