Evan Fergyuson (markaziy hujumchi, 18 yosh)
"Manchester Yunayted muxlislari o‘zining sevimli klubiga yosh irlandiyalikni qo‘lga kiritishni taklif qilgan. Bu borada jamoaning o‘zi ham harakatni boshlagan. Bir necha yil oldin "Brayton"da bir tiyinga ham qimmat bo‘lgan hujumchi yakuniga yetgan mavsumda ajoyib debyut qildi. Hozirda uning transfer narxi kamida 30 million yevroga baholanmoqda. Evan to‘pni o‘zida ko‘p ushlab tura oladi, pastroqqa tushib hujum boshlaydi. Agar Gvardiola Xolandni qo‘ldan chiqarsa, Fergyusonni jamoasiga olib keladi. "Brayton" avvaldan o‘z futbolchilaridan foyda ko‘radigan jamoaga aylangan. Bu safar ham shunday bo‘ladigan ko‘rinadi.
Moyses Kaysedo (tayanch yarim himoyachisi, 21 yosh)
Bu mavsumda Fergyusondan tashqari yarim himoyachi Kaysedo ham yuqori darajada o‘ynadi. Unga "Manchester Yunayted" katta qiziqish bildirmoqda. Shuningdek, Kovachich, Kante va Xavers kabi futbolchilarini sotib yuborgan, Jahon chempioni Ensoga sherik izlayotgan "Chelsi" ham futbolchini kuzatmoqda. "Manchester Yunayted" Maunt transferini hal qilib bo‘ldi, Kaysedoni olishi dargumon. Ammo 21 yoshli yarim himoyachi qaysi klubda o‘ynamasin asosiy tarkibga loyiq. Uning transfer naxri ikki yil oldin 5 million edi, hozirda esa, 75 milliongacha ko‘tarilgan.
Aleksis Makallister yarim himoyachi, 24 yosh)
Argentinalik Jahon chempioni yaqindagina "Diverpul" safiga o‘tdi . "Mersisaydliklar" futbolchi uchun 42 million yevro to‘lashgan. "Chaykalar" uni bir paytlar atigi 8 million yevroga sotib olgan. Uning transferidan jamoa, albatta, mamnun. Aleksisning statistikasi "Liverpul"ni qoniqtirdi. Makallisterning otasi ham futbolchi bo‘lgan va Maradona bilan bir safda terma jamoa sharafini himoya qilgan. Shotlandcha familiyaga ega futbolchi hozir, Shotlandiya ustidan hukmronlik qilgan "Liverpul"da.
Pervis Estupinyan (chap qanot himoyachisi, 25 yosh)
"Brayton"dagi ilk mavsumdayoq jamoasimga achna foydasi teggan himoyachi Pervis Estupinyan bundan oldin "Villareal" futbolchisi edi. "Chaykalar"ga chap qanot himoyachi kerak edi va bu transferda ko‘plab klublardan ustun keldi. Yosh futbolchiga bir qancha boy klublar qiziqmoqda. Garri Nevil o‘z talqiniga ko‘ra, hatto uni Premyer Liga ramziy jamoasiga kiritdi. "Brayton"da yil davomida Estupinyanning narxi ikki baravar qimmatlashgan.
Mark Kukurelya (chap qanot himoyachisi, 24 yosh)
"Chelsi" o‘tgan mavsum ispaniyalik Mark Kukurelyani qariyb 65.3 yearoga sotib oldi. Ko‘pchilik Markni bu narxga arzimaydi degan fikrda. Nafaqat uning transferi, balki boshqa muvaffaqiyatsiz ko‘plab transferlarga Ted Boelining bozorni tushunmasligi aytilgan. Mark "Barselona" tarbiyalanuvchisi, ammo futbolchi ayni paytda Ispaniya terma jamoasiga chaqirilmaydi. Agar Pochettino undan unumli foydalansa, Kukurelya jamoaga zarar keltirmaydi. Futbolchining transferidan "chaykalar" 47.3 million yevro sof daromad ko‘rdi.
Ben Uayt (o‘ng qanot himoyachisi, 23 yosh)
Ayni vaqtda "Arsenal"ning asosiy tarkib futbolchisi, terma jamoadan ham chaqiruv olgan Ben Uayt jismonan kuchli, taktik jihatdan ancha malakali. Saliba uning yonida o‘ynasa, sxema juda yaxshi ishlaydi. Zinchenko kabi to‘pni uncha o‘zida ko‘p ushlab turolmas, ammo kelajakda markazda ham, o‘ng qanotda ham o‘ynay oladigan kuchli futbolchiga aylanishi mumkin. Arteta Benni hujumda mukammal emasligini tushunadi, lekin u Sakani to‘p bilan ta’minlay oladi. "To‘pchilar" Uayt uchun ko‘p tuo‘ladi, "Brayton" uning transferidan 58.5 million yevro ishlab topdi.
Iv Bissuma (yarim himoyachi, 25 yosh)
Bissuma hali "Tottenxem"da uncha o‘zini ko‘rsata olmadi. Potter o‘rninga De Zerbi kelganidan keyin bir qancha iqtidorli futbolchilarni sotib yubordi. Kukurelya va Bissuma Londonga yo‘l oldi. Makallister ham jamoasini o‘zgartirdi. Kaysedo va Fergyuson ham ketishi mumkin. "Brayton" Iv Bissuma transferidan 12 million yevro foyda ko‘rdi.
Leandro Trossard (vinger, 28 yosh) va Den Bern (chap qanot himoyachisi, 29 yosh)
Eddi Xau jamoasi, "Nyukasl"da faoliyat olib borayotgan Den o‘tgan mavsumda ko‘p o‘yinlarni asosiy tarkibda boshladi. Bern Trippye bilan qanotlarda ajoyib tandem bo‘la oldi.
Trossard "Arsenal" tarkibida Martnelli bilan raqobat qilmoqda. Arteta uni markazda ham, qanotlarda ham sinab qo‘rmoqchi. Belgiya termasida esa, Eden Azar bilan asosiy tarkib uchun kurash olib bormoqda.
Kaoru Mitoma (chap qanot vingeri, 26 yosh)
Yaponiya terma jamoasida hozir ko‘plab iqtidorli futbolchilar bor. Ulardan biri Kaoru Mitoma. Bir necha yil oldin "Brayton" uni 3 millionga sotib olgandi. Kaoru raqib darvozasi oldida to‘p bilan erkin muomala qila oladi. "Tottenxem"ning hozirgi murabbiyi Postekoglu avval ham uni "Seltik"ga olib kelmoqchi bo‘lgan. Endi bu urunishni London klubida ham uddalab ko‘rmoqchi.
"Brayton" o‘yinchilarining narxi qimmatmi? Moliyaviy jihatdan ular ortiqcha baholangan bo‘lishi mumkin, ammo bu Premyer Liga. APLda jang qilishni biladigan haqiqiy mehnatkash futbolchilar bor. Kimgadir xuddi shunday toifadagi futbolchi kerak bo‘lsa, "Brayton"ga murojaat qilaversa bo‘ladi. Fergyusondan Mitomagacha hammasi jangchilar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
