Saudiya Arabistoni chempionati 2023 yil yozidagi asosiy diqqatga sazovor joylardan biri hisoblanadi. Liga eng yaxshi o‘yinchilar bilan to‘ldirilib, ularni aql bovar qilmaydigan maoshlar bilan siylamoqda. Bunga sababchi esa Krishtianu Ronaldu bo‘lib, 2022 yil dekabr oyi oxirida "An-Nasr"ga ko‘chib o‘tdi. Unga katta yulduzlar guruhi ergashdi, shayxlar ularga ajoyib pul to‘lashmoqda. Hozirda Saudiya chempionatining eng ko‘p maosh oluvchi futbolchilar qatorida kimlar bor?
Krishtianu Ronaldu (“An-Nasr”) yiliga 200 million yevro
38 yoshli portugaliyalik futbolchi 2022 yilning dekabrida “An-Nasr”ga o‘tib, 2,5 yillik shartnoma imzolagan edi. Klub Ronalduni dunyodagi eng ko‘p maosh oluvchi futbolchiga aylantirdi. Har yili Krishtianu 200 million yevro ishlab oladi. Bunga portugaliyaliklarning rekmalardan tushadigan pulni ham qo‘shing. Ehtimol, yaqin orada Ronalduning boyligi 1 milliard yevrodan oshadi.
Karim Benzema (“Al-Ittihod”) yiliga taxminan 200 million yevro
Iyun oyida Ronalduning "Real"dagi sobiq sherigi Karim Benzema Saudiya Arabistoniga ko‘chib o‘tdi. Fransiyalik hujumchi "Al-Ittihod" bilan 2+1 sxemasi bo‘yicha shartnoma imzoladi. Benzemaning maoshi Ronaldunikiga yaqin - yiliga 200 million yevro. Saudiya Arabistonining saxovatli taklifi uchun Karim 14 yil o‘ynagan "Real Madrid"ni tark etdi. Aynan Benzemaning transferi bu yozda yulduzlarning Saudiya chempionatiga ko‘chirilishi haqidagi cheksiz mish-mishlarga turtki bo‘ldi.
Ngolo Kante (“Al-Ittihod”), yiliga 100 million yevro
Benzemaga yordam berish uchun "Al-Ittihod" "Chelsi"dan vatandoshi Ngolo Kanteni sotib oldi. 32 yoshli yarimhimoyachi undan qutulishga qaror qilgan londonliklar tomonidan qayta qurish qurboni bo‘ldi. Lekin Kante chempionlik oltini uchun kurashda Benzema va jamoaga albatta yordam beradi.
Kalidu Kulibali (“Al-Hilol”) yiliga 35 million yevro
“Chelsi”dan Saudiya Arabistoniga navbatdagi ko‘chish. Kulibali 2022 yilning yozida “Napoli”ni tark etdi va klub 33 yil ichida birinchi marta Italiya chempioniga aylandi. “Chelsi” bilan birga senegallik hech narsa yutmadi, endi esa “Al-Hilol”ga yo‘l oldi. Sharqda Kulibali yaxshigina maosh oladi. “Bu juda katta shartnoma ekanligini inkor eta olmayman. Albatta, bu mablag‘ mening qarorimga ta’sir qildi, ammo uning yordami bilan men butun oilamni boqishim va Senegaldagi yoshlar uchun loyihalarga yordam berishim mumkin. Ota-onam qishlog‘ida poliklinika qurishni ham boshladik”, dedi himoyachi.
Ruben Nevesh (“Al-Hilol”) yiliga 18,5 million yevro
Eng kutilmagan transferlardan biri. Misol uchun, 26 yoshli portugaliyalik futbolchiga "Barselona" qiziqish bildirgan va u esa Saudiya Arabistoniga yo‘l olgan. "Al-Hilol" Nevesh uchun "bo‘rilar"ga 55 million yevro to‘ladi. Shartnoma 2026 yilning yoziga qadar tuzilgan. O‘zining eng yaxshi davridagi futbolchini Saudiya Arabistoniga ko‘chirishning asosiy sabablaridan biri katta maoshdir. “Al-Hilol”da Nevesh yiliga 18,5 million yevro ishlab oladi.
Ever Banega (“Al-SHabab”) yiliga 10,5 million yevro
Argentinalik yarim himoyachi 2020 yildan beri Saudiya Arabistoni chempionatida o‘ynamoqda. Transferlar to‘lqinigacha Banega ligadagi eng ko‘p maosh oluvchi futbolchi edi. 35 yoshli argentinalik futbolchining “Ash-SHabab” bilan shartnomasi 2024 yilning yozida yakuniga yetadi.
Anderson Taliska (“An-Nasr”) yiliga 6 million yevro
29 yoshli braziliyalik 2021 yildan buyon “An-Nasr” safida o‘ynaydi. Ronaldu kelishidan oldin aynan Taliska asosiy yulduz hisoblanardi. Anderson hech qachon top-klubda o‘ynamagan bo‘lishiga qaramay, Saudiya Arabistonida unga saxovatli maosh berishdi. Darvoqe, Taliska “An-Nasr”ga Xitoydan, ya’ni futbolchilar katta shartnoma uchun sayohat qilgan hududdan ko‘chib o‘tgandi. Saudiya Arabistonida esa braziliyalik yiliga 6 million yevro oladi.
Mussa Marega ("Al-Hilol") yiliga 5,4 million yevro
32 yoshli malilik futbolchi ham Saudiya Arabistonida 2021 yildan buyon o‘ynab kelmoqda. Marega "Portu"da o‘ynagani bilan mashhur bo‘lib, u yerdan "Al-Hilol"ga o‘tgan. Kuchli va tezkor forvard yaxshi pul oladi yiliga 5,4 million evro. Mareganing “Al-Hilol” bilan shartnomasi yana bir mavsumga amal qiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
