Joan Laport o‘tgan mavsumda barcha imkoniyatlarni ishga solib, "Barselona"ni yuqori notada ushlab turishga harakat qildi. Yevropa sahnida muvaffaqiyatsizlikka uchralgan bo‘lsada, Xavi o‘z jamoasini 2019 yildan beri ilk marta Ispaniya chempioniga aylantirgandi. Shunga qaramay, moliyaviy beqarorliklar Kataloniya klubini katta transferlar qilishiga to‘siq bo‘lmoqda. Ayrim futbolchilarning ketishi esa, Xavi oldiga maydondagi bo‘shliqlarni tezroq to‘ldirish masalasini qo‘ydi. O‘sha bo‘shliqlar aynan qayerlarda yuzaga kelgani va kimlar bilan uni yopish mumkinligi haqida quyida so‘z boradi.
O‘ng qanot himoya
Xavi o‘ng qanotda muammolarga duch kelishi aniq. Negaki, o‘tgan mavsumni ayni shu pozisiyani yopish bilan o‘tkazgan ikki futbolchi, aslida markaziy himoya vakili sanaladi. Ulardan biri, Jyul Kunde, o‘z kelajagini qanot ko‘rmayotganini bildirgan. Ronald Arauxo ham, jamoaga markazda kattaroq foydasi tegadi. Shu sababli kataloniyaliklarga tabiiy qanot futbolchisi kerak. "Barsa" anchadan beri "Vilyarreal" yulduzi Xuan Foytga qiziqib kelmoqda. Shuningdek, ular "Real Valyadolid" futbolchisi Ivan Fresnedaga ham da’vo qilishi mumkin. Jaou Kanselu uchun poygada "Barselona" nomi qayd etiladi. Biroq, bu xaridni amalga oshirishga moliyaviy cheklovlar yo‘l bermaydi. Shunday ekan, Xavi uchun bu boradagi eng yaxshi tanlov bu Fresnedadir.
Tayanch yarim himoyachisi
Jamoa himoyasi qarshisida Serxio Busketsdan qolgan katta bo‘shliq bor va bu zudlik bilan to‘ldirilishi kerak. Ha, "Barselona" yozning ilk transferini "Manchester Siti" sardorini olib kelishdan boshladi. Ammo Gyundogan yarim himoyaning yuqori fazasidan joy oladi. Negaki, nemis futbolchisi raqib darvozasi qarshisida ko‘proq foydasi tegadi. Buni Xavi juda ham yaxshi biladi. Frenki De Yong maydonning har ikki yakunida yaxshi harakat qiladi. Shu sababli bir o‘zi tayanch zonasini ushlay olmaydi. Gavi va Pedri borasida ham shunday deyish mumkin. Xullas, "Barselona"ga aynan Buskets vazifasini bajara oladigan alohida nom kerak. Shu maqsadda klub "Real Sosyedad" yulduzi Martin Subimendiga qiziqish bildirgani aytilmoqda. Shuningdek, "Jirona" futbolchisi Oriol Romeu ham kataloniyaliklar radariga tushgan. Tanlov esa Xaviga bog‘liq bo‘ladi.
Chap qanot hujum
"Barselona"ning Viktor Rokeni sotib olishi, uzoq kelajakda Levandovski o‘rnini to‘ldirishda yordam beradi. Klub o‘ng qanotda ham bir nechta yorqin futbolchilarga ega. Ammo chap qanot haqida bunday deya olmaymiz. Ansu Fati o‘smirligida yorib chiqib, yangi super-yulduz belgilarini namoyon qilgandi. Ammo ispan vingerining jarohatlar bilan o‘ralashib qolishi, hammasiga yakun yasadi. Fatining ayni damdagi holati yaxshi emas. U shu yozning o‘zida jamoasini yangilashi mumkin. Xavi esa 20 yoshli futbolchiga yana bir mavsum imkon berib ko‘rishi kerak. O‘tgan mavsumda chap qanotdagi muammolar, yarim himoyachilarni o‘sha pozisiyani yopishga majbur qilgandi. Shu tufayli Xavi bu muammo haqida jiddiyroq bosh qotirishi lozim. Yechim esa doimo topiladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
