Jahon darajasidagi futbolchilar rekord o‘rnatish qobiliyati bilan mashhur. Ajoyib gollarmi yoki tengsiz atletik harakatlar namoyishi bo‘ladimi, ular har doim mumkin bo‘lgan chegaralarni buzib o‘tishadi.
Ushbu ajoyib yutuqlar ko‘pincha o‘yinchilarning ismlarini Ginnesning rekordlar kitobi sahifalariga yozib qo‘yishlariga olib keladi.
Keling, afsonaviy rekordlar kitobiga kirgan besh nafar futbolchini esga olamiz.
Ederson
Ederson dunyoning eng yaxshi darvozabonlaridan biri. "Manchester Siti" futbolchisi har tomonlama zamonaviy darvozabon bo‘lib, u zarbalarni to‘xtatishda zo‘r bo‘lishdan tashqari, to‘pni ham juda yaxshi nazorat qila oladi. Braziliyalik futbolchining 2018 yil may oyida "Etihad"da qo‘li bilan maydonga otgan to‘pi eng uzoq masofaga yetib borish (75,45 metr) bo‘yicha rekord hisoblanadi.
Neymar - 2 ta rekord
Neymar dunyodagi eng mashhur futbolchilardan biri. Braziliyalik o‘zining nozik texnikasi va maydondagi ajabtovur harakatlari bilan barchani hayratda qoldiradi. Neymar ikki marta Ginnesning rekordlar kitobiga kirgan. 2018 yilning yozida parijliklar uni “Barselona”dan 222 million yevro evaziga sotib oldi va bu futbol tarixidagi eng qimmat transferga aylandi.
Neymar, shuningdek, Olimpiada o‘yinlarida urilgan eng tezkor gol bo‘yicha ham rekordchi hisoblanadi. U 2016 yilgi Olimpiadada Braziliya va Gonduras terma jamoalari o‘rtasidagi o‘yinda atigi 14-soniyada to‘pni darvozaga yo‘llagan.
Robert Levandovski - 4 ta rekord
Robert Levandovski futbol tarixining eng zo‘r hujumchilaridan biri. So‘nggi yillarda Levandovski gol urish bo‘yicha ko‘plab rekordlarni yangiladi. Polyak to‘rtta jahon rekordini o‘rnatdi. 2015 yilda Bundesliga doirasida "Volfsburg"ga qarshi o‘yinda u zaxiradan maydonga tushganidan keyin to‘qqiz daqiqa ichida beshta gol urdi.
Robert eng tezkor xet-trik (3 daqiqa 22 soniya), eng tezkor poker (5:42) va penta-trik (8:59) bo‘yicha rekordchi hisoblanadi. Levandovski zahiradan tushib urilgan eng ko‘p gollar soni bo‘yicha ham rekordni yangiladi.
Lionel Messi - 7 ta rekord
Lionel Messi - barcha davrlarning eng buyuk futbolchisi. O‘zining yorqin faoliyati davomida u bir nechta rekordlarni yangiladi. Leo jahon chempionatlarida eng ko‘p marta o‘yinning eng yaxshi futbolchisi deb topilgan (11).
Messi Chempionlar ligasida 50 ta gol urgan eng yosh futbolchi. U bunga 2012 yilning aprel oyida 24 yoshida erishgan.
Messi 10 ta video o‘yinning bosh muqovasida bo‘lgan, bu dunyodagi barcha futbolchilardan ko‘p.
Ma’lumotlarga ko‘ra, u yiliga 107 million dollar maosh oladi va dunyodagi eng ko‘p maosh oluvchi futbolchi hisoblanadi.
2012 yilda Messi Chempionlar ligasi doirasidagi "Bayer"ga qarshi o‘yinda beshta gol urdi va turnirning bir o‘yinida eng ko‘p gol urgan futbolchiga aylandi.
35 yoshli futbolchi faoliyatining ko‘p qismini "Barselona"da o‘tkazdi va xorijlik futbolchilarning La Ligada eng ko‘p o‘yin o‘tkazishi bo‘yicha rekordchi (520 ta) hisoblanadi.
2016 yilning iyun oyida Panamaga qarshi o‘yinda zaxiradan maydonga tushgan Leo Argentina uchun xet-trik qayd etgan Messi Amerika Kubogi o‘yinida zaxiradan maydonga tushganidan keyin eng ko‘p gol urish bo‘yicha rekordni yangiladi.
Krishtianu Ronaldu - 16 ta rekord
Krishtianu Ronaldu - bu fenomen va uning 16 ta Ginnes rekordlari bu haqiqatni tasdiqlaydi.
Ronaldu - barcha davrlarning eng yaxshi to‘purari. Shuningdek, u Chempionlar ligasida eng ko‘p gol urgan futbolchi (134).
Krishtianu 2013/14 yilgi mavsumda Chempionlar ligasida 17 ta gol urdi, bu musobaqaning bir mavsumi uchun boshqa o‘yinchilardan ko‘p. U 2011/12 yilgi Yevropa Ligasida "Portu" sharafini himoya qilgan Radamel Falkao bilan UEFA musobaqalarida bir mavsumda eng ko‘p gol urish bo‘yicha rekordchi bo‘lib turibdi.
Ronaldu Chempionlar Ligasining 2016/17 va 2017/18 mavsumlarida ketma-ket 11 ta o‘yinda gol urdi va bu rekord hali yangilanmagan.
Krish UEFAning barcha musobaqalarida eng ko‘p gol urgan futbolchi hisoblanadi. JCH-2018 doirasidagi Portugaliya – Ispaniya uchrashuvida xet-trik qayd etib, u 33 yoshu 130 kunligida jahon chempionatida xet-trik qayd etgan eng keksa futbolchiga aylandi.
Ronaldu to‘rtta mundialda gol urgan va bu borada Uve Zeeler, Pele va Miroslav Kloze bilan eng ko‘p gol urish bo‘yicha rekordga ega.
Portugaliyalik afsona, shuningdek, yevro-2020 da Mishel Platinini ortda qoldirib, Yevropa chempionatida eng ko‘p gol urish (14) bo‘yicha rekordchi hisoblanadi.
Ronaldu - La Liga tarixidagi eng muvaffaqiyatli penalti tepuvchi (72).
Ginnesning Rekordlar kitobi veb-saytiga ko‘ra, Krishtianu EA Sports FIFA 18 versiyasi bo‘yicha yilning eng yaxshi jamoasida 99% reytingga ega bo‘lgan, bu barcha o‘yinchilar orasida eng yuqori ko‘rsatkichdir.
Krishtianu Ronaldu ijtimoiy tarmoqlarda eng ko‘p kuzatuvchisi bo‘lgan sportchi. Ronalduning Vikipediya sahifasiga 48 trilliondan ortiq kishi tashrif buyurgan va u erkak sportchi tomonidan eng ko‘p ko‘rilgan sahifa bo‘yicha rekordchi hisoblanadi.
Yaqinda portugaliyalik futbolchi 2023 yil 20 iyun kuni Islandiyaga qarshi o‘yinda xalqaro maydondagi 200-o‘yinini o‘tkazib, yana bir rekordni yangiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
