Ayni damda Bundesligada porlashi kutilayotgan futbolchilar bilan birma-bir tanishib chiqamiz.
Noa Atobolu ("Frayburg" darvozaboni, 21 yosh, tansfer narxi 3.5 million yevro)
"Frayburg"ning asosiy davrozaboni Mark Flekken yozda "Brentford"ga o‘tadi va birinchi raqamli golkiper o‘rni Atobolu hamda jamoaga yangi kelgan Florian Myuller o‘rtasidagi raqobat g‘olibiga nasib qiladi. Agar 21 yoshgacha bo‘lgan futbolchilar o‘rtasidagi Yevropa chempionatida Germaniya chempion bo‘lganida Atoboluning imkoniyatlari yanada oshardi. Noa — sezgirligi yuqori va istiqboli katta davrozabon.
Jo Skalli ("Borussiya M" himoyachisi, 20 yosh, tansfer narxi 12 million yevro)
Ikki mavsum davomida AQSH terma jamoasi futbolchisi Myunxengladbaxning "Borussiya" klubining eng ishonchli himoyachisiga aylandi. U qanot himoyachisi bo‘lib, hujumni yaxshigina qo‘llab-quvvatlay oladi. Skalli tezkor va jismonan ham ancha baquvvat. Himoyada deyarli xatoga yo‘l qo‘ymaydi.
Marton Dardai ("Gerta" himoyachisi, 21 yosh, tansfer narxi 3.5 million yevro)
"Gerta" klubi yangi bosh murabbiyining o‘g‘li Germaniya yoshlar terma jamoalarida o‘zini ko‘rsatib, ancha nom qozondi. Futboldagi debyut "Gerta"ning Bundesligadan chiqib ketishiga to‘g‘ri kelgan bo‘lsa-da, Dardai o‘zini himoyada eng yaxshilaridan biri ekanigini isbotladi. Marton chapaqay va jismonan ancha baquvvat. U shuningdek, tayanch yarim himoada ham bemalol o‘ynay oladi.
Noa Mbamba ("Bayer" himoyachisi, 18 yosh, tansfer narxi 3 million yevro)
Belgiyalik iqtidorli himoyachi yanvar oyida "Bayer" futbolchisiga aylangan. U himoya markazida ham, tayanch yarim himoyada ham birdek o‘ynay oladi. Mbamba o‘zini "Bryugge" yoshlar klubida ko‘rsatdi va 16 yoshida asosiy jamoada debyut qildi. Ikki oyog‘ida ham birdek o‘ynay oladi va to‘pni o‘zida yaxshi ushlab turoladi.
Luka Nets ("Borussiya M" himoyachisi, 20 yosh, tansfer narxi 6.5 million yevro)
Nets o‘zini yangi mavsumda to‘liq ko‘rsatishga qodir. Uning transfer narxi yildan yilga oshib bormoqda. Germaniya yoshlar terma jamoasining chap qanot himoyachisi o‘tgan mavsumda "Borussiya M" safida 3 ta golli uzatmani amalga oshirdi. U shuningdek, har bir uchrashuvda o‘rtacha zarbalar soni bo‘yicha ham ajoyib statistikaga ega. Luka o‘yinni yaxshi o‘qiydi va chap oyog‘ida kuchli zarbalar yo‘llay oladi.
Erik Martel ("Kyoln" yarim himoyachisi, 21 yosh, tansfer narxi 9 million yevro)
Germaniya yoshlar terma jamoasi a’zosi Martel tayanch yarim himoya pozisiyasida o‘ynaydi. Ammo u humujga ham yaxshigina qo‘shila oladi. Ikkinchi qavatda ham ustunlik ko‘rsatadi. Martel asosan, oddiy o‘ynashga intiladi va bu yuqori jarajadagi iqtidor, barqarorlik belgisi. 21 yoshidayoq jamoasining asosiy ijrochilaridan biriga aylandi.
Arne Engels ("Augsburg" yarim himoyachisi, 19 yosh, tansfer narxi 7.5 million yevro)
Yana bir iqtidorli belgiyalik. U yanvar oyida "Bryugge"dan ko‘chib o‘tdi va darhol "Augsburg"da o‘zini ko‘rsatdi. Unda universallik yuqori. Engels yarim himoyaning istalgan qismida o‘ynay oladi. Tezkor va samaralilik ham yuqori darajada. U o‘ziga ishongan hamda uzoqdan aniq zarbalar yo‘llay oladi.
Enso Miyo ("Shtutgart" yarim himoyachisi, 20 yosh, tansfer narxi 7 million yevro)
Miyo o‘tgan mavsumni "Monako" tarkibida o‘tkazdi. Yangi mavsumdan esa, "Shtutgart" sharafini himoya qiladi. Texnik jihatdan iqtidorli bo‘lgan futbolchi to‘pni bemalol raqib darvozasi tomon olib bora oladi. Driblingi ham ancha kuchli. U "Gamburg"ga qarshi o‘yinda jamoasining g‘alabasiga o‘zining katta hissasini qo‘shdi.
Yuliyen Dyuranvill ("Borussiya D" hujumchisi, 17 yosh, tansfer narxi 8.5 million yevro)
Tezkor va yuqori dribling egasi Dyuranvill o‘zining debyutini "Borussiya d" va "Mayns" o‘rtasidagi bahsda o‘tkazdi. Yanvar oyida "Anderlext"dan 8.5 million yevroga sotib olingan va yangi mavsumdan bu harajatni oqlashi kutilmoqda. Qolaversa, Dortmund klubi iqtidorli yoshlarga yetarlicha imkon beradi.
Yakub Kaminski ("Volfsburg" hujumchisi, 21 yosh, tansfer narxi 12 million yevro)
Polshalik iqtidorli hujumchi o‘tgan mavsumda "Lex"dan "Folfsburg"ga o‘tgan edi. Yakuniga yetgan masumda u 3 ta gol urishga muvaffaq bo‘ldi. U to‘pga egalik qila oladi, maydonni yaxshi ko‘ra oladi va hujumda samaradorlik ko‘rsatishga qodir. Polsha terma jamoasi a’zosi bo‘lgan Kaminski Jahon Chemrionati-2022 da 4 ta o‘yinda maydonga tushishga ham ulgurgan.
Nelson Vayper ("Mayns" hujumchisi, 18 yosh, tansfer narxi 5 million yevro)
Ehtimol, uning yoshidagi nemis hujumchilaridan ajralib turgani Vayperdir. Nelson o‘tgan mavsumda yoshlar klubida gollar sonini oshirdi va kattalar safida debyut qildi. 18 yoshida Bundesligada 9 ta o‘yinda 2 ta gol urishga muvaffaq bo‘ldi. Mazkur o‘yinlarda o‘zini yetarlicha ko‘rsata oldi.
Boshlanishi kutilayotgan mavsum Bundesligada mana shunday iqtidorli futbolchilar o‘zlarini yanada ko‘rsatishga harakat qilishadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
