Pochettinoning "Chelsi"da bajarishi kerak bo‘lgan 5 ta asosiy vazifasi bilan tanishtirib o‘tamiz.
Tarkibni tozalashda davom etish
Iyun oyi oxirida "Chelsi" tarkibidagi bir qancha futbolchilar transfer qilindi. Bu borada klub o‘z moliyaviy ahvolini birozga bo‘lsa ham yaxshilay oldi. Sport direktorlari Pol Uinstall va Lourens Styuart qisqa vaqt ichida 8 ta ftbolchiga chiqish eshiklarini ochdi. Bu ishlar hali davom etishi mumkin.
Eduard Mendi, Kalidu Kulibali va Ngolo Kante Saudiya Arabistoniga yo‘l olishdi. Kay Xavers, Meyson Maunt va Mateo Kovachich mos ravishda "Arsenal", "Manchester Yunayted" va "Manchester Siti"ga o‘tishdi. Ruben Loftus-CHik ham yangi taklifni qabul qildi va Milanga ko‘chib o‘tdi. Sezar Aspilikuyeta esa Ispaniyaga qaytdi va "Atletiko Madrid" bilan shartnoma imzoladi.
Pochettino bu transferlarga qanchalik jiddiy ta’sir qilgani noma’lum, ammo u sotuvning keyingi bosqichida ko‘proq ishtirok etishi shubhasiz. Kallum Xadson Odoi ketmoqchi, Obameyang ham London klubini tark etishi mumkin. Hakim Ziyesh va Kristian Pulishich ham "Stemford Bridj" bilan xayrlashish niyatida. Romelu Lukakuning kelajagi hali ham muhokama qilinmoqda, ammo u ham "Chelsi"da qolmoqchi emas.
Birdamlikni yaratish
Futbolchilarni sotish kerak edi, ammo klubni qancha tajribali o‘yinchilar tark etayotgani, shuningdek, yangi kelganlarning ko‘pligi sababli klub o‘z obro‘sini yo‘qotib qo‘yish xavfi ham bor. Pochettino yangi muhitda, biroq u "Chelsi" bosh murabbiyi bo‘lish va "Stemford Bridj"da muvaffaqiyat qozonish uchun jamoada nimalar qilishi haqida tez o‘ylab topishi kerak. Avvalo, muvaffaqiyatning asosi bo‘lgan birdamlikni ta’minlash va mustahkamlash zarur.
Klubdagi birinchi intervyuga qaraganda Pochettino buni juda yaxshi tushunib turibdi:
"Biz hamjihatlik ko‘rsatadigan, klubga g‘amxo‘rlik qiladigan, muxlislari haqida qayg‘uradigan va sovrin uchun oxirigacha kurashadigan jamoa bo‘lishimiz kerak. Muxlislarga to‘lgan uchrashuvlarda futbolchilar oxirigacha kurashishi kerak va muxlislarning ishonchini qozonish zarur. Jamoada kayfiyatni yaxshilash va bir-biriga bo‘lgan hurmatni saqlab qolish eng muhimidir.
Yangi jamoa sardorini tanlash
So‘nggi 7 oy ichida "Chelsi" sardorini, so‘ngra vise-sardorini ham boy berdi. Avvaliga Jorjinyo "Arsenal"ga o‘tdi, endi esa Aspilikuyeta klubni tark etdi. Pochettino yangi mavsum oldidan jamoa sardori kim bo‘lishi kerakligini aniqlab olishi lozim. Muammo shundaki, tarkibning tozalanishi tufayli klubni tushunadigan va uning qadriyatlarini, mas’uliyatini zimmasiga oladigan tajribali futbolchilar deyarli yo‘q.
Eng yaqin variantlar orasida bir paytlar sardorlik bog‘ichini taqqan Tyago Silva va klub tarbiyalanuvchisi Ris Jeymslar bor. Shu bilan birga, Rahim Sterling va Ben Chiluell ham da’vogarlar safida. Maydondagi yetakchini tanlashda Pochettino qaysi yo‘nalishni tanlashi va kimga sardorlik bog‘ichini berishi qiziq.
Jamoaning fizik holatini yaxshilash
Pochettino garchi kamera oldida yaxshi ko‘rinsa-da, o‘zining mavsumoldi o‘yinidagi qattiqqo‘l yondashuvi bilan futbol olamida mashhur bo‘lib, o‘yinchilarni yuqori pressing va baquvvat o‘yin uslubi uchun zarur bo‘lgan jismoniy holatga erishish yo‘llarini tuzib chiqdi. Mish-mishlarga ko‘ra, "Chelsi" o‘yinchilari ikki haftalik og‘ir mashg‘ulot davriga duch kelishadi. Bu argentinalik mutaxassisning o‘ziga xos imzosi.
Aynan shu narsa bilan futbolchilar optimal formaga kirishlari kerak. Vaqtinchalik murabbiy Frenk Lempard o‘tgan mavsum oxirida ko‘plab futbolchilar formada emasligini aytgandi. Bundan tashqari, ko‘pchilik jarohatlarga duch kelishdi. Bu ehtimol, Frenk va Grem Potterning 30 dan ortiq futbolchidan iborat guruhda ishlash natijasidir. Individual o‘yinchilarni topish ham qiyin bo‘ldi.
Kadrlar bilan bog‘liq muammoni bartaraf etish
O‘tgan mavsum oxirida "Chelsi"ning yozgi transferlar oynasida asosiy e’tibor o‘yinchilardan xalos bo‘lishga qaratilgani haqida xabarlar tarqalgandi. Bu klubda kadrlar bilan bog‘liq muammoni tez bartaraf etish borasidagi ilk qadamlar bo‘ldi. Ammo so‘nggi 1 yil ichida katta transfer harajatlariga qaramay, "aristokratlar" hali ham bir nechta xaridlarga muhtoj.
London klubining short-listida kamida bitta yarim himoyachi bor. "Brayton"dan Moyses Kaysedoni sotib olish uchun allaqachon muzokaralar olib borilmoqda. Mauntning o‘rniga ham pleymeyker topish kerak. Yaxshi darajadagi hujumchi ham zarar qilmaydi. Agar tuzukroq hujumchi topilmasa, Nkunku gol urish pozisiyasiga chiqadi. Fransiyalik gol ham ura olishini Bundesligada ko‘rsatib ulgurgan.
Yangi mavsumda "Chelsi" APL g‘olibigi va CHL yo‘llanmasi uchun ham kurashadigan klubga aylanishi mumkin. Bu borada Pochettino ishlarni boshlab yuborgan. Qanday natija ko‘rsatilishini esa vaqt ko‘rsatadi. Ko‘ramiz, kuzatamiz...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
