"Manchester Siti" o‘tgan mavsum oxirida YECHL g‘olibiga aylangan edi. Eng qizig‘i, "shaharliklar" eng tezkor o‘nta futbolchisiz bu ishni amalga oshirdi. Ularga raqib bo‘lgan "Inter"da ham shunday holat. Quyida UYEFA rasman eng tezkor deb topgan o‘nta futbolchi nomi keltiriladi.
10. Dominik Soboslai
Klubi: "Liverpul" /"Leypsig"
Tezligi: 35.9 km/soat
Vengriya terma jamoasi a’zosi bo‘lgan futbolchi dunyoga o‘zining pleymeykerlik mahorati va vaziyat yaratish darajasi bilan tanilgan. Biroq, Soboslai kuchli jismoniy darajaga ega. Uning tezligi ko‘p narsaga imkon beradi. Ha, u "Liverpul"ga o‘tganligi sababli, yangi mavsumda YECHL ishtirokchisi bo‘la olmaydi. Ammo muxlislar yaqin kelajakda yana Soboslaini eng nufuzli turnirda ko‘rishga umid qiladi.
9. Mussa Diabi
Klubi: "Bayer Leverkuzen"
Tezligi: 36.1 km/soat
"Bayer 04" Xabi Alonsoning ilk mavsumida YECHLda katta natijaga erishmadi. Ammo o‘yini chiqmagan jamoa ichida Mussa Diabi ajralib turardi. Fransiya terma jamoasi a’zosi ayni damda "Aston Villa" va "Arsenal" radarida turibdi. Yaqin kelajakda hujumchini APLda ko‘rsak, ajab emas.
8. Karim Adeyemi
Klubi: "Borussiya Dortmund"
Tezligi: 36.1 km/soat
Adeyemi o‘zining Bundesligadagi ilk mavsumini oson o‘ykazmadi. Moslashuvchan hujumchi YECHLning ayrim o‘yinlarida porlagandi. Shulardan biri nimchorak finalning "Chelsi"ga qarshi kechgan birinchi bahsi bo‘ladi. Karim mezbondagi bahsda 1 ta gol ustunligini ta’minlaydi. Biroq, ikkinchisida emas.
7. Nunu Tavaresh
Klubi: "Arsenal"/ "Marsel"
Tezligi: 36.2 km/soat
"O‘zi YECHLda o‘ynashni xohlaysanmi? Senga aytyapman, o‘sha la’nati Chempionlar ligasida o‘ynashni istaysanmi dedim?"
Mikel Arteta 2021-22 yilgi mavsumda Nunu Tavareshga qarab mana shunday baqirgan edi. Afsuski, yangi masvumni "Arsenal" YELda o‘tkazdi. Tavaresh esa "Marsel"ga ijaraga ketadi va u yerda YECHL ishtirokchisiga aylanadi.
6. Federiko Valverde
Klubi: "Real"
Tezligi: 36.3 km/soat
Valverdening yuqori tezligi "Real"ga katta o‘yinlarda ko‘p yordam beradi. Qanotda harakat qilganida, urugvaylik futbolchiga bu asqotadi. Yarim himoyada esa Valverde, Kroos va Madrich qila olmaydigan ishlarni tezligi orqali amalga oshiradi. U Anchelotti jamoasida hozir juda ham muhim figura.
5. Gabriel Veron
Klubi: "Portu"
Tezligi: 36.4 km/soat
Veron endigina bir mavsumni Yevropada o‘tkazdi. Shunga qaramay, braziliyalik vinger hammani o‘zining tezkorligi va texnikasi bilan hayron qoldira oldi. Tez orada Veronni katta klublar o‘ziga jalb qilsa kerak.
4. Rafael Leao
Klubi: "Milan"
Tezligi: 36.5 km/soat
O‘tgan mavsum Leao va "Milan" uchun ancha yaxshi o‘tishi mumkin edi. Ammo bunday bo‘lmadi. Italiyaning eng shonli jamoasi bo‘lgan "Milan" YECHLning chorak finalida "Napoli"ni taslim etadi. Yarim finalda esa "Inter"ga ro‘baro keladi. Ilk o‘yin oldidan muhim figura bo‘lmish Leao jarohat oladi. Oqibatda, Istanbul yo‘llanmasiga "Inter" ega chiqdi.
3. Usmon Dembele
Klubi: "Barselona"
Tezligi: "36.6 km/soat
Xavi Dembeleni "Barsa"da qoldirishga ko‘ndirgan edi. Bu qaror har ikki tomon uchun foydali bo‘ldi. Afsuski, Dembele jamoasi YECHL guruh bosqichidan nariga o‘ta olmadi. Qanday afsus!
2. Mixail Mudrik
Klubi: "Chelsi" / "Shaxtyor Donesk"
Tezligi: 36.6 km/soat
Mudrik 2022/23 yilgi mavsumni og‘ir o‘tkazdi. "Shaxtyor"da katta nom bo‘lib tuyulgan hujumchi, "Chelsi"da ko‘rinmay qoldi. Bir narsa aniqki, ukrainalik futbolchi oldida hali uzoq yo‘l bor. Bu yo‘l davomida unda o‘zinik yana ko‘rsatish imkoni bo‘ladi.
1. Alfonso Deyvis
Klubi: "Bavariya"
Tezligi: 37.1 km/soat
Agarda yuqoridagi futbolchilar statistikasiga nazar solmagan bo‘lsangiz, yaxshilab qarang va o‘rganing. Alfonso Deyvis ro‘yxatdagi eng yaqin ta’qibchisidan 0.5 km/soatga tezroq. Bu esa kanadalikning nimalarga qodir ekanidan dalolat beradi. "Bavariya" Deyvisdan hali uzoq yillar foydalanishi mumkin.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
