"MYU" o‘zining Erik ten Xag qo‘l-ostidagi ikkinchi mavsumoldi davrini boshdan o‘tkazdi. Bir yil davomida qilingan xaridlar jamoani ancha o‘zgartirgan edi. "Qizil iblislar" darvoza sohasida 12 yil ichida ilk bor o‘zgarish qilib, De Xeaga javob berdi va uning o‘rniga Andre Onanani olib keldi. Jamoa yoz avvalida "Chelsi"dan Meyson Maunti ham sotib olgandi. Hali oyna yopilguniga qadar ancha vaqt bor. "MYU" esa xaridlarni davom ettiradi. Quyida hozirgacha qilingan transferlar o‘zini qanchalik oqlagani haqida so‘z yuritamiz.
Meyson Maunt
Bonuslardan tashqari 55 million funtga sotib olingan futbolchiga darrov 7 raqam taqdim etildi. U jamoa bilan AQSHdagi turda ishtirok etgandi. Oslo shahridagi "Lids Yunayted"ga qarshi o‘yinda Maunt yaxshi ko‘rindi. Ammo Amerikadagi "Real" va "Borussiya Dortmund"ga qarshi bahslar haqida bunday deb bo‘lmaydi. Angliya terma jamoasi a’zosi o‘tgan bir oy davomida ten Xag tomonidan har-xil pozisiyalarda foydalanildi. Mauntning o‘yinida pasayish Kobbi Meynuning jarohati bilan birga sodir bo‘ldi va bu yarim himoyada muammolar keltirib chiqardi. Shunga qaramay, hali hammasi oldinda. Umuman olganda, Maunt uchun mavsumoldi davri yomon o‘tmadi. Erik ten Xag oldida o‘zini ko‘rsatish uchun unda hali ko‘p imkoniyatlar bo‘ladi.
Andre Onana
"MYU" darvozabon borasida tez harakat qilishi kerak edi va shunday qildi. Jamoa "Inter"dan Andre Onanani olib keldi. Kamerunlik futbolchining ilk o‘yinlaridan sezildiki, u jamoaga zamonaviy ruh olib kira oldi. De Xea va Onana o‘rtasidagi farq oyoq bilan o‘ynashda yaqqol seziladi. 27 yoshli darvozabon maydonni yaxshi ko‘ra oladi va jamoadoshlarini birinchi zarbadanoq pas bilan ta’minlashni biladi. U hujumni boshlanish fazasiga ijobiy ta’sir o‘tkaza olishi bilan ajralib turadi. Hali biror nima deyishga juda erta. Ammo hozirdan ma’lumki, Onana "MYU"ga katta foyda olib kelishga qodir.
Jonni Evans
Klub muxlislari Evansni olib kelinishidan hayratda qoldi. Himoyachi "Lester Siti"ni erkin agent sifatida tark etgan edi. Futbolchi bilan tuzilgan shartnoma o‘ta qisqa va faqatgina mavsumoldi davrini o‘z ichiga olardi. 35 yoshli himoyachi yangi jamoa qidirish asnosida, eski klubida o‘z sport formasini saqlab turdi. Evans 2015 yilda "Lester"ga sotilgan edi. Hozirga qadar u "Lion", "Reksem" va "Borussiya Dortmund" bilan o‘yinlarda ishtirok etdi. Ayrim xabarlarga ko‘ra "MYU" Evansga bir yillik birim taklif etishi mumkin. Negaki, Xarri Maguayr kelajagi noma’lum bo‘lib turibdi. Oradan sakkiz yil o‘tib, Jonni Evansga so‘nggi so‘zini aytish imkoniyati berilishi naqadar yaxshi...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
