Zamonaviy futbolning eng yorqin yulduzlaridan biri bo‘lgan Janluidji Buffon butsalari va qo‘lqoplarini mixga ildi.
Lekin kamdan-kam futbolchiga nasib etadigan uzoq yillik faoliyatida u bir qator unutilmas lavhalarni namoyish etdiki, ularni faqat muzyurak muxlisgina xotirjam kuzatishi mumkin. Janluidji Buffon 1995 yilda «A» seriyasidagi debyutini nishonladi. O‘sha paytlarda jamoalar faqat ikki nafar o‘yinchini almashtirish huquqi berilar, endi paydo bo‘la boshlagan antennali ulkan mobil telefonlar oliy maqomdagi dabdaba belgisi edi. Keling, yaxshisi, afsonaviy darvozabon faoliyatidagi muhim bosqichlarni esga olaylik.
1998 yil, sentyabr. Buffon jurnal mutolaasiga shunchalik berilib ketdiki, qo‘l-qopni yechib qo‘yishni ham unutib qo‘ydi. Lilian Tyuram va Enriko Kyezalar ham qiziqib qolishgan.
2000 yil, aprel. Buffon «Milan» ustidan erishilgan g‘alabani fayer bilan nishonlamoqda. Yagona gol muallifi Ernan Krespo.
2006 yil, iyul. Buffon bosh murabbiy Marchello Lippining qo‘lidan o‘z faoliyatidagi asosiy sovrinni olmoqda. Mundial finalida italiyaliklar fransuzlar ustidan penaltilar seriyasida g‘olib chiqishdi. Janluidji o‘ta murakkab o‘yinni o‘tkazdi.
2007 yil, may. «Yuventus» «Aresso»ni taslim etish bilan «V» seriyasidan «A» seriyasiga ko‘tarilishni kafolatladi. Ana shu muvaffaqiyat uchun jamoa maxsus futbolkalarni tayyorlab qo‘ygandi.
2009 yil, aprel. Buffon Italiyadagi «Chiambretti tuni» TV-shousiga tashrif buyurdi. O‘shanda 31 yoshli darvozabon quyidagicha bayonot bergandi: «Yana 4-5 yil o‘ta yuksak saviyada o‘ynay olaman».
2011 yil, dekabr. Buffon Yangi yilni Dubayda o‘sha paytdagi rafiqasi Alyona Sheredova bilan kutib olmoqda. Chexiya go‘zali va fotomodel 2011-2014 yillarda Jidji bilan bir yostiqqa bosh qo‘ygandi.
2014 yil, iyun. Buffon muxlislarning pirotexnika vositalari ta’siri tufayli tumanda qolib ketdi. Mazkur kadr Yevro-2012dagi Xorvatiya terma jamoasiga qarshi o‘yindan olingan.
2016 yil, may. Buffon 12-marta Italiya chempioni bo‘ldi. To‘g‘ri, «Yuventus»ni ikkita sovrindan judo qilishdi.
2017 yil, iyun. Buffon finaldagi «Real»dan qabul qilingan mag‘lubiyat tufayli YECHL Kubogini qo‘lga kirita olmadi. Nufuzli sovrin afsonaviy posbon uchun armonga aylandi.
2017 yil, avgust. Buffon YECHLning qur’a tashlash marosimida mehribonlik bilan Ronalduning oyog‘ini bosib qo‘ydi. O‘sha pallada darvozabon «Yuve»ning g‘olib bo‘la olmasligiga qaysi jamoa sabab bo‘lishini bilmasdi.
2018 yil, aprel. «Real»ga qarshi mashhur 1|4 final bellashuvi. Mazkur uchrashuvdan keyin Jidji uchrashuv hakami Oliverning ko‘ksidagi yurak emas, axlat qutisi ekanligini aytgandi.
2018 yil, iyul. 40 yoshli Buffon o‘z faoliyatini «PSJ»da davom ettirdi. Parijda u ko‘p (17ta o‘yinda18ta gol o‘tkazib yuborgan) o‘ynamadi, lekin Fransiya chempioni bo‘ldi.
2023 yil, mart. Buffon «B» seriyasidagi «Komo»ga qarshi uchrashuv startida Sesk Fabregas bilan vimpellar almashmoqda.
A.ABDUVALIXO‘JAYEV tayyorladi
Mash’al
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
