APLning navbatdagi, 4 turida "Arsenal" o‘z uyida "MYU"ni mehmon qiladi. To‘pchilar ayni damda o‘tgan mavsumning chempionlari bo‘lgan "Manchester Siti"dan 2 ochkoga ortda qolmoqda. Negaki, Arteta shogirdlari o‘tgan turda "Fulxem" bilan durangga imzo chekkan edi. "Arsenal"ga qarshi chiqadigan "qizil iblislar" 6 ochko bilan sakkizinchi o‘rinni egallab turibdi. Quyida ushbu o‘yin haqida kerakli ma’lumotlarga ega bo‘lasiz.
Bahs qayerda bo‘ladi?
Joy: London, Angliya
O‘yingoh: "Emirates" stadioni
Vaqt: yakshanba, 3 sentyabr
Start: 16:30 (mahalliy vaqt bilan), 20:30 (Toshkent vaqti bilan)
Hakam: Entoni Teylor
VAR: Jarred Gille
O‘zaro o‘yinlar (so‘nggi beshta):
"Arsenal" – 2 ta g‘alaba
"MYU" – 2 ta g‘alaba
Duranglar – 1 ta
"Arsenal" haqida
Gabriel Jezus "Fulxem" bilan o‘tgan turda ilk bor maydonga tushirilgan edi. Shu sabab bugun Arteta braziliyalik va Eddi Nketia o‘rtasida tanlov qilishi lozim. Nketia ham yomon o‘yin ko‘rsatmayapti. U bu mavsumda 2 ta golga mualliflik qildi. Nketiani tez orada Angliya milliy terma jamoasida ko‘rishimiz mumkin bo‘ladi.
Himoyachi Takexiro Tomiyasu ham bitta bahsdan keyin yana maydonga tushishi mumkin. U "Kristal Pelas"ga qarshi o‘yinda qizil olib, bitta o‘yinni o‘tkazib yuborgan. Qanot himoyachisi Yurriyen Timber uzoq vaqt safda bo‘lmaydi. Shu sabab Gabriel Magalyansni safga qaytarish kerak. Shuningdek, yarim himoyachi Tomas Partida ham jarohat mavjud.
Taxminiy tarkib:
Darvozabon: Aron Ramzdeyl;
Himoyachilar: Uayt, Saliba, Gabriel, Zinchenko;
Yarim himoyachilar: Edegor, Rays, Xavers;
Hujumchilar: Saka, Nketia, Martinelli.
"MYU" haqida
Lyuk Shou va Tirell Malasiyalarning jarohat olgani, "MYU"ni yana transferlar bozoriga kirishga majbur qildi. Jamoa "Tottenxem"dan Serxio Regilonni ijaraga oldi. Shunga qaramay, ispaniyalik asosiy tarkibga birdan kirmaydi. Rafael Varanning bir oy yo‘q bo‘lishi esa markaziy himoyada Lindelyof va Martinesdan foydalanish kerakligini anglatadi. Yangi xaridlardan biri bo‘lgan Rasmus Xyoylunn asosiy tarkibga kiritilishi mumkin. U o‘z jarohatidan to‘liq forig‘ bo‘lgani aytilmoqda. Erik ten Xag markaziy hujum uchun Marsyal va Xyoylunndan birini tanlashi kerak bo‘ladi.
Taxminiy tarkib:
Darvozabon: Andre Onana;
Himoyachilar: Uan-Bissaka, Lindelyof, Martines, Dalot;
Yarim himoyachilar: Kazemiro, Eriksen, Fernandesh;
Hujumchilar: Antoni, Reshford, Marsyal.
Taxminiy hisob
So‘nggi bahsda kerakli natijaga erisha olmagan bo‘lsada, "Arsenal" hali ham bu mavsumda mag‘ubiyatga uchramadi. Shu sabab londonliklar bugunga bahsga o‘ta jiddiy yondoshadi. "MYU"dagi jarohatlar epidemiyasi esa Erik ten Xag tarkibini birmuncha zaiflashtirgan. Garchand Reshford va Fernandesh kabi asosiy figuralar maydonda bo‘lishiga qaramay, "qizil iblislar"ning mehmon uchrashuvlaridagi statistikasi ancha yomon. Ko‘pchilik bu o‘yinni "Arsenal" foydasiga hal bo‘ladi deb o‘ylaydi. Biz ham mezbonlar foydasini ko‘zlamoqdamiz.
Taxmin: "Arsenal" 3-2 "MYU".
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
