«Manchester Yunayted» notinch holatda – Erik Ten Xag va Jeydon Sancho o‘rtasida mojaro avj oldi. Ten Xag Sancho mashg‘ulotlarda bor kuchini bermayapti, deya sha’ma qildi. Jeydon buni yolg‘on deb aytdi. Hammasi «Manchester Yunayted» bosh murabbiyining «Arsenal»ga 1:3 hisobida mag‘lub bo‘lganidan so‘ng aytgan so‘zlari bilan boshlandi. Gollandiyalik mutaxassis Jeydon nima uchun asosiy tarkibga kiritilmagani va Manchesterda qolgani sababini tushuntirib berdi: «Biz uni natijalariga ko‘ra tanlaganimiz yo‘q. Hammasi mashg‘ulotlarga qarab olib borildi. «Manchester Yunayted»da har kuni saviyani ko‘rsatish kerak. Hujumda variantlar bor, shuning uchun u bu o‘yinga tanlanmadi», – dedi mutaxassis.
Sancho murabbiyning so‘zlaridan shunchalik g‘azablandiki, u ijtimoiy tarmoqlarda o‘z munosabatini bildirdi:
«Iltimos, hamma o‘qiganingizga ishonmang! Men odamlarga mutlaqo yolg‘on gaplarni aytishiga yo‘l qo‘ymayman - bu hafta mashg‘ulotlarda bor kuchimni sarfladim. Ishonchim komilki, buning boshqa sabablari ham bor edi. Uzoq vaqt davomida men aybdor bo‘lganman, lekin bu adolatdan emas!
Men faqat yuzimda tabassum bilan o‘ynashni va jamoaga yordam berishni xohlayman. Men murabbiylar shtabining barcha qarorlarini hurmat qilaman, ajoyib sheriklarim bilan o‘ynayapman va buning uchun minnatdorman, har hafta qiyin bo‘lishini bilaman. Nima bo‘lishidan qat’iy nazar asosiy tarkib uchun kurashni davom ettiraman», - deb yozdi Sancho tvitterdagi sahifasida.
Insayder Fabrisio Romano Erik Ten Xagning da’volari Sanchoning mashg‘ulotlari bilan bog‘liqligini tasdiqlaydi: «Ten Xag va uning ba’zi yordamchilari Jeydon Sanchoning mashg‘ulot darajasidan norozi. Oxirgi ikki-uch hafta davomida keskinlik saqlanib qoldi. Sanchoning fikricha, boshqa sabab bor. Uning qarindoshlarining aytishicha, Jeydon yaxshi formaga kirishi uchun hamma narsani qilmoqda. Ten Xag o‘tgan mavsumda qiyin paytlarda Sanchoga yordam berish uchun qo‘lidan kelganini qilganiga ishonadi va Jeydon yuqori saviyani ko‘rsatishini xohlaydi, aks holda u tarkibda bo‘lmaydi».
«Manchester Yunayted» yozda Sanchodan qutulishga harakat qildi. Xabarda Jeydon Ten Xag uni qaydnomadan chetda qoldirishining sabablari borligini yozgan, biroq ularning nomini aytmagan. Balki «Manchester Yunayted» bosh murabbiyi endi Sanchoni asosiy tarkibdagi futbolchi sifatida hisoblamas – oldingi uch turda Jeydon ko‘pi bilan yarim soatga zahiradan maydonga tushdi, biroq birorta ham samarali harakatni qayd etmadi.
Yozda Manchester klubi vingerni sotib yuborishga tayyor edi.
• Aprel oyi boshida MEN nashri Sanchoning «Manchester Yunayted»dagi kelajagi so‘roq ostida ekanini, chunki Ten Xag qanot hujumchisiga nisbatan o‘z ishonchini yo‘qotayotgani haqida xabar bergan edi.
• Iyun oyi oxirida Daily Mail insayderi xabar tarqatdi - «Manchester Yunayted» Sanchoni 45 million yevroga sotishga tayyor.
• Iyul oyi boshida The Independent nashri Ten Xag endi o‘zi ishonmaydigan o‘yinchilar ro‘yxatini tuzgani haqida xabar berildi. Bu ro‘yxatda Jeydon ham bor edi.
• Shu bilan birga Sky Sport Deutschland nashri Dortmundning «Borussiya» klubi Sanchoni ijaraga olmoqchiligi haqida xabar berdi.
Biroq, keyin Jeydon haqidagi mish-mishlar barham topdi va transfer oynasi yopilguncha paydo bo‘lmadi.
O‘tgan mavsumda Sancho uzoq vaqt formaga kira olmadi. Ammo Ten Xag futbolchiga ishondi. O‘tgan mavsum Sancho uchun nihoyatda muammoli bo‘ldi. Qoniqarsiz forma tufayli u JCH-2022ni o‘tkazib yubordi va uzoq vaqt davomida «Manchester Yunayted» tarkibiga kirmadi.
Ten Xag o‘z muammolarini yashirmadi: «Jeydonni «Yunayted»dagi so‘nggi o‘yinlarda ko‘rmadik, chunki u formada emasdi. Endi u individual dastur bilan shug‘ullanadi. Biz uning tezda formaga qaytishini xohlaymiz va men uni tez orada ko‘rishga umid qilaman. Uni imkon qadar tezroq qaytarishni xohlayman, lekin bu qachon sodir bo‘lishini taxmin qila olmayman.
Mavsum boshida Jeydon yaxshi o‘yinlar o‘tkazdi, ammo tez orada asosiy harakatlari kamroq bo‘ldi. Bu nafaqat jismoniy, balki psixologik omillarning kombinasiyasidir. Biz bu masalani hal qilishga harakat qilmoqdamiz», – dedi Ten Xag.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
