Superligasining 20-turidan o‘rin olgan «Olimpik» — «Nasaf» (1:3) uchrashuvidan so‘ng jamoamiz murabbiyi Server Jeparov matbuot anjumanida ishtirok etdi.
— O‘yin haqida fikringiz...
— Bugungi o‘yinda omadimiz kelmadi. Uchrashuvning dastlabki daqiqalarida futbolchilarimizdagi hayajon o‘yinga ta’sir o‘tkazdi, deb o‘ylayman. Raqibning tezkor goli vaziyatni o‘zgartirib yubordi. Xato hayajondan kelib chiqdi deb o‘ylayman. Ikkinchi golni ham shu tarzda o‘tkazib yubordik. Ikkinchi bo‘limda futbolchilarimizning hayajoni ancha joyiga tushdi va yaxshi o‘yin ko‘rsata boshladik. G‘alaba uchun harakat qildik. Buning natijasida raqib ham taktikasini o‘zgartirdi. Hisob 2:1 ko‘rinishiga kelgach, mehmonlar murabbiylari ham biroz hayajonlangandek tuyuldi. Mamasidiqovning ajoyib zarbasi gol bilan yakunlanganda, o‘yin o‘zgarib ketardi. «Nasaf»ni g‘alaba bilan tabriklayman. Ularga OCHLda omad tilab qolaman. Shuningdek, Timur Kapadze va Olimpiya terma jamoamizning Osiyo o‘yinlaridagi ishtirokiga zafar tilayman.
— O‘tgan yili «Olimpik» barchaga boshog‘riq bo‘lgandi. Bu yilgi jamoaning o‘yinidagi o‘zgarishga tarkibdagi muammolar xalaqit qilmoqdami yoki boshqa jamoalar sizlarga qarshi o‘ynashni o‘rganib olishdimi?
— Bu futbol, barcha murabbiy raqibdan kelib chiqib, taktika va tarkib tanlaydi. O‘tgan yili ham bizni kuzatishgan. Shuningdek, o‘tgan mavsumga nisbatdan tarkibda o‘zgarishlar yetarlicha. Yangi futbolchilar taktikamizga tushib olishiga vaqt kerak bo‘lmoqda. Shuningdek, jamoaning asosiy tarkibiga katta bosim tushmoqda. Ular juda ko‘p o‘yin o‘tkazishmoqda. Bizda bir xildagi ikkita tarkib yo‘q. Shuning uchun bu jihat natijaga ta’sir ko‘rsatyapti. Jarohatlar va o‘yinda olingan chetlatishlar ham natijaga ta’sir qilmoqda. Umuman olganda, juda yaxshi harakat qilyapmiz.
— O‘yin avvalida tarkib tanlashda muammolar bo‘lmadimi? Sababi, tarkibning o‘zagi Xitoyda...
— Tarkibda Xitoyga yo‘l olmaganlar qoldi. Jamoamizdan to‘qqiz nafar futbolchi Osiyo o‘yinlariga jo‘nab ketdi. Ular asosiy futbolchilarimiz edi. Bugun maydonga tushgan yigitlarning asosi Yoshlar ligasi ishtirokchilari edi. Ularda o‘yin amaliyoti yetarli emasdi. Tarkibda muammolar yo‘q, mavjud futbolchilar bilan o‘ynay olamiz. Ikki hafta davomida ushbu bahsga yaxshilab tayyorgarlik ko‘rishga harakat qildik. Bugungi o‘yinda futbolchilarimiz jismonan o‘yinga bardosh bera olishdi, deb o‘ylayman. Umuman olganda, bugun yaxshi o‘yin namoyish etdik. Ha, texnik xatolar bor, o‘yinchilarning darajasida farq bilinadi. Biroq ular hali yosh va biz ularning yanada o‘sishlariga ishonamiz.
— Mamasidiqovga yanada rivojlanish uchun nima yetishmayapti?
— Menimcha, uning holati barqaror, deb o‘ylayman. Uning termaga chaqirilmaganiga sabab sifatida undan yaxshi o‘yinchilar borligi, deb hisoblayman. Agar u o‘z ishlashda davom etsa, Kapadze unga imkon beradi va terma jamoaga jalb etadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
