«MYU» rahbariyati 31 iyul kuni Adidas kompaniyasi bilan yangi, 10 yillik hamkorlik shartnomasini rasmiylashtirdi.
Unga muvofiq, Germaniya sport brendi 2035 yilning yoziga qadar Manchester jamoasining texnik homiysi maqomida qoladi. Daily Mail nashri ma’lumotiga qaraganda, Adidas va «Yunayted» o‘rtasidagi ushbu bitim APL tarixidagi rekord kelishuvdir. Yangi shartnoma bo‘yicha jamoaning yillik daromadi 75 milliondan 90 million funt (115 million dollar)ga ko‘tariladi. Demak, 10 yillik hamkorlik qiymati 1 milliard dollardan baland!
«MYU»ning Adidas bilan yan-gi bitimi APL uchun rekord bo‘lsada, dunyo miqyosida bunday emas. Aniqrog‘i, «qizil iblislar» shartnomasi jahon bo‘yicha 3-o‘rinda qayd etildi. Lekin alohida ta’kidlash kerak, ko‘plab katta klublar ham bu masalada o‘rtacha ko‘rsatkichga ega. «Yunayted» esa homiylar bilan ish ortidan barqaror ravishda katta pul oladigan kam sonli klublardan biridir. To‘g‘ri, shartnomada ba’zi nyuanslari ham bor. Deylik, agar klub qatorasiga ikki mavsum Yevropa Chempionlar Ligasiga chiqolmasa, Adidas to‘lovni qisman qisqartiradi.
Boshqa klublarga to‘xtalsak, «Liverpul»da homiylar bilan ishlash sxemasi ancha murakkab. Shartnoma bo‘yicha Nike yiliga 30 mln. funt to‘laydi - bu naqd summa. Shuningdek, klub futbolkalar sotuvidan ham ulush oladi. Shu tariqa «Liverpul»ning yillik daromadi o‘rtacha hisobda 70-80 mln. funtga yetadi. Yana bir jihat shuki, «Manchester Siti» va Puma hamkorligi Angliyada Adidas hamda Nike brendlarining umumiy to‘liq gegemoniyasini biroz susaytirdi. Amaldagi chempionning homiylik shartnomasida o‘ziga xos tomoni ham bor. Chunonchi, kelishuv faqat «Manchester Siti» emas, balki City Football Group tarkibidagi «Melburn Siti» (Avstraliya), «Jirona» (Ispaniya), «Atletik Torke (Urugvay) va «Sichuan Szyun» (Xitoy) klublarini ham qamrab olgan.
Shu o‘rinda yana bir ma’lumot. The Sun nashrida yozilishicha, «MYU» orada Meyson Grinvud masalasida Adidas bilan maxfiy muzokara olib borgan va texnik homiy zo‘ravonlikda ayblangan hujumchining qaytishini ma’qullagan. To‘g‘ri, Germaniya brendi vakillari bu ma’lumotni tasdiqlashmadi. Qolaversa, Grinvud oxir-oqibat, ijara kelishuvi bo‘yicha «Xetafe»ga yo‘l oldi.
Adidas tomonidan «MYU»ga mavsum-2023|2024 uchun tayyorlangan formalar
Uy o‘yinlari uchun - an’anaviy qizil-qora ranglarda.
Safar o‘yinlari uchun - qizil va oq chiziqli quyuq yashil rangda. Ushbu kutilmagan dizayn «MYU»ning ilk safar o‘yinlarida foydalangan liboslaridan ilhomlangan holda ishlangan.
Zaxira - to‘liq oq rangda, logotip ham juda oddiy.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
