Italiyada to‘satdan bukmekerlik mojarosi avj oldi: to‘rt nafar futbolchi noqonuniy pul tikishda gumon qilinmoqda. Aniqrog‘i, A Seriyadan ikki nafar va Italiya terma jamoasidan yana ikki nafar futbolchi.
Avgust oyida jurnalist Fabrisio Korona pul tikish haqidagi mavzuni ko‘tara boshladi. U Corriere della Serra muharrirlari bilan muntazam aloqada bo‘lib, ular bilan yangi ma’lumotlarni baham ko‘radi. U noqonuniy pul tikishda ayblagan birinchi futbolchi "Yuventus" yarim himoyachisi Nikolo Fajioli edi. Shuni aniq aytish kerakki, sportchilarga prinsipial ravishda garov qo‘yishga ruxsat beriladi, lekin birinchidan, ular noqonuniy platformalarda taqiqlanadi, ikkinchidan, sportchilar o‘z harakatlariga pul tikishlari mumkin emas.
Bu sport kodeksining 24-moddasida ko‘rsatilgan. Kodeksni buzganlarga minimal sanksiyalar uch yil muddatga diskvalifikasiya va 25 ming yevro miqdorida jarima hisoblanadi.
Keyinchalik Fajioli tergovchilar bilan suhbatda hamma narsani tan oldi: u haqiqatan ham noqonuniy platformalarga pul tikkan. Nikolo tergov bilan kelishuvga erishdi. Bu uning diskvalifikasiya muddatini qisqartirishga yordam beradi.
Keyin Italiya terma jamoasi yarim himoyachilari Sandro Tonali va Nikolo Dzanyologa nisbatan ayblovlar qo‘yildi. Futbolchilar Italiya terma jamoasidan chiqarib yuborildi va payshanba kuni Koversianoda so‘roq qilindi. O‘yinchilar noqonuniy platformalarda garov qo‘yganliklarini tan olishdi, lekin ular poker va blekjek o‘ynashgan, ular futbolga pul tikishmagan. Ular, shuningdek, Fajioli bilan aloqalarini rad etishdi.
La Repubblica xabar berishicha, so‘roq paytida futbolchilar yig‘lab yuborishlariga sal qoldi. Polisiya ularning barcha gadjetlarini musodara qildi.
Har holda bu futbolchilar yaqin orada terma jamoaga yordam bera olmaydi. Luchano Spalletti allaqachon Dzanyolo va Tonalini xalqaro o‘yinlardan qo‘yib yuborgan va Stefan El-SHaaravini chaqirgan.
Ertasi kuni yangi huquqbuzarning ismi paydo bo‘ldi: Nikola Zalevski. 21 yoshli polyak "Roma"da o‘ynaydi. Manbaga ko‘ra yarim himoyachi 20 avgust kuni "Salernitana"ga qarshi o‘yinda sariq kartochka olishiga pul tikkan.
Koronaning manbasi kim va endi nima bo‘ladi?
La Repubblica gazetasining ta’kidlashicha, polisiya Fajiolining telefonida pul tikish bilan bog‘liq suhbatni topdi. U A Seriyaning 10 nafarga yaqin futbolchisidan iborat. Koronaning o‘zi bu ishning boshlanishi, deb ishontirmoqda: “Bilish kerakki, bu ishda yana kamida 10 nafar futbolchi, besh-olti nafar agent, shuningdek, noqonuniy bukmekerlik idoralari ishtirok etmoqda”. Jurnalistning aytishicha, boshqa narsalar qatorida janjalga besh-oltita turli klublar aloqador bo‘lgan, biroq xavfsizlik nuqtai nazaridan ularning nomini aytishni istamagan.
Korona uning ishonchli manbalari borligini aytdi. Ulardan biri Mourinyo davridagi “Inter”ning sobiq futbolchilaridan birining qarindoshi. Darvoqe, bu futbolchi Mario Balotellining yaqin do‘stlaridan biri bo‘lib, Joze qo‘l ostida “Inter”da ham o‘ynagan.
Ko‘rinishidan, Korona asta-sekin boshqa o‘yinchilarining nomlarini oshkor qiladi. Fabrisioning fikricha, Sport kodeksi nafaqat futbolchilar, balki klub prezidentlari tomonidan ham buzilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
