Transfer oynasi yopilganiga bir oydan oshdi. Ammo klublarda hali ham erkin agentlar orqali tarkibni kuchaytirish imkoniyati bor. Hayron qoladigan tomoni shundaki, hozirda klubsiz qolgan kuchli futbolchilar ko‘p. Bombardir.ru sayti ijodkorlari bugungi kunda erkin agent maqomidagi eng mashhur va kuchli futbolchilar top-o‘nligini tuzib chiqdi.
1. David de Xea (13 million yevro)
«Manchester Yunayted» 12 yillik hamkorlikdan keyin shartnomani uzaytirmadi. De Xea Ispaniya, Italiya va Saudiya Arabistonidan variantlarga ega edi, ammo ular turli sabablarga ko‘ra posbonga mos kelmadi. De Xea munosib taklif olmasa, faoliyatini yakunlaydi, degan mish-mishlar tarqaldi. Lekin u hali futboldan ketgani yo‘q.
2. Jessi Lingard (8 million yevro)
«Nottingem Forest»da bir mavsum o‘tkazdi va klubni tark etdi. Yozda hatto mish-mishlar uni SSKA bilan bog‘ladi, ammo keyin bu ma’lumot agentlar tomonidan rad etilgan. Hozir u Saudiya Arabistoniga bir oyga jo‘nab ketdi, u yerda Stiven Jerrard boshchiligidagi «Al-Ittifoq» jamoasida bir oy mashg‘ulot o‘tkazadi. To‘liq shartnoma haqida hali gap ketmayapti.
3. Sheka (6 million yevro)
Portugaliyalik hujumkor yarim himoyachi so‘nggi 5 yilni Fransiyada o‘tkazdi. Saudiya Arabistoniga ketishga yaqin turgandi, ammo bu transfer amalga oshmay qoldi.
5. Jan-Fillip Gbamen (4,8 million yevro)
SSKA muxlislari Gbamenni yaxshi eslashadi - 2022 yilda u klubga 6 oyga ijaraga olingandi. Shundan so‘ng Gbamen Turkiyaning «Trabzonspor» klubiga ko‘chib o‘tdi va endi uning «Everton» bilan shartnomasi tugadi.
6. Santi Mina (4 million yevro)
Andalusiya Oliy sudi uni zo‘rlash uchun 4 yillik qamoq jazosiga hukm qilganidan so‘ng, «Selta» u bilan shartnomani bekor qildi. Endilikda Mina ozodlikda, hukm ustidan shikoyat qilish jarayoni davom etmoqda.
7. Xose Kampanya (3 million yevro)
30 yoshli ispaniyalik himoyachining so‘nggi klubi Segundaning «Levante» klubi bo‘ldi. Hozirda Kampanyaga Ispaniyaning turli ligalardan qiziqish bo‘layotgani haqida ma’lumotlar bor.
8. Yann M-Vila (2,5 million yevro)
Yevropadagi istiqbolli faoliyati o‘rniga qozonning «Rubin» klubiga o‘tgan bu iqtidorli futbolchi esingizdami? Hozir 33 yoshda M~Vila erkin agent sanaladi.
9. Nemanya Yovich (2,5 million yevro)
«Partizan» klubi tarbiyalanuvchisi va Serbiya terma jamoasi futbolchisi 21 yoshida klubsiz qoldi. Hattoki o‘tgan mavsumda uni yaxshi jamoalar kuzatib borishgandi.
10. Sulaymon Dumbiya (2,5 million yevro)
O‘zining eng yaxshi yillarini Fransiyaning «Anje» klubida o‘tkazdi. Avgust oyi oxiriga qadar u Fransiya jamoalaridan biri bilan shartnoma imzolashi kutilgandi, ammo yakunda bu amalga oshmadi.
Shuningdek, hozirda erkin agent bo‘lgan e’tiborga molik boshqa futbolchilar:
Roberto Soriano (yarim himoyachi, Italiya);
Andre Ayyu (yarim himoyachi, Fransiya);
Valon Berisha (yarim himoyachi, Kosovo);
Timo Xorn (darvozabon, Germaniya);
Karim Bellarabi (yarim himoyachi, Germaniya);
Aleish Vidal (yarim himoyachi, Fransiya);
Andros Taunsend (yarim himoyachi, Angliya);
Marko Benassi (yarim himoyachi, Italiya);
Adriyen Silva (yarim himoyachi, Portugaliya);
Fil Jons (himoyachi, Angliya);
Shkodran Mustafi (himoyachi, Germaniya);
Serxio Asenxo (darvozabon, Ispaniya);
Raja Nainggolan (yarim himoyachi, Belgiya).
DARVOQE...
«Chelsi»ning 32 yoshli sobiq vingeri Eden Azar haqidagi oxirgi mish-mishlar to‘g‘ri bo‘lib chiqdi (reytingning 4-pog‘onasidan aynan belgiyalik iqtidor egasi joy olgandi). U professional faoliyatini yakunlagani haqida ma’lumot berdi: «Yurakka quloq solib, o‘z vaqtida «to‘xta», deb ayta olishing kerak. 16 yil va 700dan oshiq o‘yindan so‘ng professional futbolchilik faoliyatimni yakunlashga qaror qildim. Butun Yevropa va jahon darajasida o‘ynash baxtiga muyassar bo‘ldim. Faoliyatim mobaynida ajoyib insonlar, menejerlar, murabbiylar va futbolchilar bilan ishladim. O‘zim o‘ynagan klublarga minnatdorlik bildirmoqchiman. Belgiya terma jamoasiga ham rahmat».
A.ABDUVALIXO‘JAYEV tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
