"Al Hilol" 3 yildan beri yaqin kelyapti, ammo yaponlar...
Ar-Riyod shahri klubi 2019 yilda Mircha Lucheskuning o‘g‘li Nizvan Luchesku boshchiligida chempionlikni qo‘lga kiritadi. "Al Ahli", "Al Ittihod" va "Al Sadd" ketma-ket mag‘lub etiladi. Finalda "Urava Red Daymonds" klubini mag‘lubiyatga uchratadi.
O‘tgan mavsumda finagacha yetib borgan klub, yakuniy bochqichda yana eski tanishlari "Urava Red Daymonds"ga qarshi maydonga tushib, bu safar imkoniyatni boy beradi.
Yozda "Al Hilol" Saudiya klublari orasida transferlarga eng ko‘p - 350 million yevro sarfladi. Hozir esa ular Chempionlar ligasi guruh bosqichida peshqadamlik qilmoqda. Umumiy 3 ta o‘yinda 7 ochko jamg‘argan. "Mumbay Siti" va "Nassaji" mag‘lub etilgan bo‘lsa, "Navbahor "bilan durang qayd etgan. G‘alabali o‘yinlarda Sergey Milinkovich Savich va Aleksandr Mitrovich gol urgan bo‘lsa, durang bo‘lgan bahsda Al Bulayhi jamoani qutqarib qolgan.
Aytgancha, "Navbahor" "Al Hilol" bilan tengma-teng kurash olib bormoqda va "D" guruhida yetakchilik uchun interiga yaratmoqda.
"Al Ittihod" va "Al Nasr" ham bo‘sh kelmayapti
Buning ajablanarli joyi yo‘q, bu klublar yozgi transferlar oynasida Saudiyaning eng faol klublari bo‘lishdi. "Al Nasr" avvalroq, Krishtianu Ronalduni olib kelib, yevropaliklarni xarid qilish tendensiyasini o‘rnatdi. Yozda mashhur murabbiylar ham jalb qilindi. Jumladan, Luiz Kastro. Ronaldu shuningdek, vinger Otaviu bilan shartnoma imzolanishda bosh-qosh bo‘ldi. Shuningdek, Sadio Mane, Aymerik Lyuport, Marselo Brozovich kabi taniqli futbolchilar jamoaga olib kelindi. Transferlar oynasi so‘nggi kunlarida Seko Fofana, va Aleks Telles ham taklif qilindi.
Barcha yangi kelganlar muntazam ravishda maydonga tushishadi, Sadio Krishtianu bilan tez til topisha oldi. "Al Nasr" ayni damda Saudiya chempionatida 3-o‘rinda va Chempionlar ligasi guruh bosqichida, o‘z guruhining yetakchisi hisoblanadi.
Benzema, Kante va Fabinyo kabi yulduzlarni jamoa safiga qo‘shib olgan "Al Ittihod" Chempionlar ligasi guruh bosqichini yuqori kayfiyatda boshladi va OKMKni 3:0 hisobida mag‘lub etdi. Shundan so‘ng, "Al Quva" ham mahv etildi. Shu bilan birga, Nunu Eshpirito Santu shogirdlari milliy chempionatda ketma-ket 3 ta o‘yindan beri g‘alaba qozona olmayapti: "Al Feyha" va "Al Taavon" bilan durang, "Al Ahli"ga mag‘lubiyat. Darvoqe, chempionat darajasi OCHLdan ham yuqoriroq, ayni vaqtda.
To‘purarlik uchun kurash avjida
Statistikaga qaraydigan bo‘lsak, Yevropadan kelgan yulduzlar faqat chempionat va turnirlar imiji, ularga bo‘lgan qiziqish va translyasiyalarning telereytinglarini ko‘rsatish uchun kelganga o‘xshaydi. Chempionlar ligasidagi ortda qolgan 3 turga e’tibor qaratadigan bo‘lsak, "Al Hilol" hujumchisi Aleksandr Mitrovichda 4 ta gol, "Al Nasr" forvardlari Krishtianu Ronaldu va Anderson Taliskada 3 tadan gol. 3 ta gol urgan futbolchilar anchagina topiladi. Mitrovichning o‘zi hech ikkilanmay APLni Saudiya chempinatiga o‘zgartira oldi va u ayni vaqtda OCHL to‘purari hisoblanadi.
Sharqiy mintaqa vakillari ham da’vogarlar qatorida
Hozir arablar futbolga katta pul sarflamoqda. Lekin ularni OCHL gegemoni deb bo‘lmaydi. "Al Hilol" so‘nggi yillarda ishonchli tarzda turnir finaliga chiqdi, biroq, jamoaning 2019 yildagi muvaffaqiyati bundan oldingi so‘nggi chempionlik o‘rtasida 14 yil farq bor. 2005 yilda "Al Ittihod" turnirda g‘alaba qozongandi. O‘sh vaqtda jamoa safida syerra-leonelik hujumchi Muhammad Kallon bor edi. U "Monako"dan ijaraga olingandi. Forvard Saudiya chempionatida 12 ta va OCHLda 6 ta gol urishga muvaffaq bo‘lgandi.
O‘sha vaqtdan boshlab turnir kubogi Koreyadan Yaponiya jamoalariga o‘ta boshlaydi. Keyin avstraliyaliklar va qatarliklar ham kubokka ega chiqadi. 2010 yilgi mavsumda Xitoyning "Guanjou Evergrand" klubi chempion bo‘lgan.
Avstraliya, Tailand va BAA klublariga yetadigani yo‘q
Ayni damda OCHL guruh bosqichi o‘z ekvatoriga yaqinlashmoqda. Qaysidir guruhlarda yetakchi nomi allaqachon aniq. Mutlaq favoritlar aniqlangan. "B" guruhi 3 tur natijasiga ko‘ra, "Al Sharja" va "Nasaf" peshqadamlik qilmoqda. "D" vartetida "Al Hilol"ning asosiy raqibi "Navbahor" bo‘lib, "Nassaji"dan 4 ochko oldinda. Qolgan to‘rtliklarda intriga birmuncha kamaygan.
Sharqiy mintaqada amaldagi chempion "Urava Red Daymonds" "J" guruhida "Pohang Stilers" bilan birinchilik uchun kurashadi. Koreys klublaridan "Ulsan Xyunday" jamoasi pley-offga ancha yaqinlashdi. Klub autsayder "Darul Tazim"ni mag‘lub etsa, keyingi bosqich hal. Ushbu mintaqada katta ehtimol 5-turdan so‘ng pley-offchilar nomi uzil-kesil aniq bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
