"Barchaning ko‘zi global darajadagi o‘yinda bo‘ladi", – degan edi Erik ten Xag Manchester derbisidan oldin. Haqiqatdan ham shunday bo‘ldi. Ammo bu ko‘zlar faqatgina "MYU"ning o‘z maydonida sharmandali mag‘lubiyatga uchraganini guvohi bo‘ldi xolos. Xolandning ikki goli va Fodenning aniq zarbasi "Manchester Siti"ga mehmonda uch ochko taqdim etgandi. Shu va boshqa tur o‘yinlari yakunlangach, Opta Analyst o‘z kompyuterlarini ishga solgan holda, mavsumning qolgan qismida katta ehtimol bilan nimalar sodir bo‘lishini taxmin qilib ko‘rdi.
Unga ko‘ra, 2023/24 yilgi mavsum "Manchester Yunayted" uchun sakkizinchi pog‘onada tugaydi. Ayni damda ham "qizil iblislar" ayni shu o‘rinni egallab turibdi. 13 karra APL chempionlari o‘z tarixida yettinchi o‘rindan pastroqqa tushib ketmagan edi. Tushib ketgan paytda esa turnir hali APL deb atalmas, Fergyuson esa endigina klub boshiga kelgan. 1989/90 yilgi mavsum mankunianliklar uchun 13 o‘rinda yakun topadi. O‘shanda "MYU" qo‘shnisi tomonidan 5-1 hisobida mag‘lub etiladi.
Erik ten Xag o‘tgan mavsumda debyut qilib, Angliya liga kubogini jamoaga taqdim etgandi. Ammo sakkizinchi o‘rinni egallaganida, allaqachon ketgan bo‘lardi. Ikkinchi mavsumda aynan shunday hodisa yuz berishi mumkin. Kechagi mag‘lubiyat ten Xag faoliyatiga soya solishi hech gap emas. Hali ham "Manchester Siti" o‘z imkoniyatlarining faqatgina uchtasidan foydalana oldi xolos. Aks holda, hisob bundan ham yirikroq ko‘rinish olardi.
Superkompyuter hisob-kitoblariga ko‘ra, amaldagi chempionlar bo‘lmish "Manchester Siti" yana yakunda Angliyada tengsizga aylanadi. Ayni damda liga yetakchilari bo‘lib turgan "Tottenxem" esa 38 turdan keyin 4 o‘rin bilan kifoyalanishga majbur bo‘ladi. O‘tgan mavsumda Gvardiola jamoasi bilan kuch sinashgan "Arsenal", bu safar uchinchi o‘ringa ko‘nishi kerak. "Liverpul" mavsum davomida "Manchester Siti"ga raqobatchi bo‘lishi taxmin qilinmoqda. Bu mavsumda "MYU"ning chempion bo‘lish ehtimoli Opta tomonidan 0.00 % deya e’tirof etildi. Xullas, kuchli o‘ntalik quyidagi ko‘rinishda bo‘ladi.
1. "Manchester Siti"
2. "Liverpul"
3. "Arsenal"
4. "Tottenxem"
5. "Aston Villa"
6. "Nyukasl"
7. "Brayton"
8. "MYU"
9. "Vest Xem"
10. "Chelsi".
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
