Fransiya chempionatining mavsum startida peshqadam bo‘lib olgan va hamon yetakchi beshlikda borayotgan «Brest» o‘z tarixidagi eng yaxshi ko‘rsatkichga erishish yo‘lida dadil odimlamoqda.
Ehtimol, bu kamtarin jamoa sizga yaxshi tanish emasdir. Marhamat, bir qator qiziqarli faktlar bilan tanishing:
*** «Brest» 1950 yilda 5ta mahalliy klubning birlashishi natijasida shakllangan. 73 yillik faoliyatidagi eng yuqori natijasi - Liga 1da 8-o‘rinni 1987 yilda qayd etgan. Lekin 1991 yilda elitani tark etgan, 2 oydan keyin bankrotga uchragan;
*** 2004 yilda Ikkinchi divizionga, 2010 yilda Liga 1ga qaytgan. 2013 yilda so‘nggi bor elitani tark etib, 6 yildan keyin qaytgan va faoliyatini davom ettirmoqda;
*** Jamoa sharafini David Jinola va Julio Sezar (darvozabon emas, balki o‘z vaqtida «Yuventus» va «Borussiya Dortumnd» safida to‘p surgan himoyachi) kabi mashhurlar himoya qilishgan.
Aynan shu «Brest» tufayli afsonaviy Frank Riberi grandlar e’tiborini tortgan.
Riberi qurilishda ishlardi
Frank «Brest» tarkibida atigi 1 yil to‘p surgan. Biroq aynan shu klub uning faoliyatini tubdan o‘zgartirib yubordi. «Riberini tarkibga jalb etgan davrimizda «Brest» 3-divizionda to‘p surardi. Bu ligada top-darajaga ko‘tarilish hammaga nasib etavermaydi. Men Frankning imkoniyatini 1 foizga baholab, xatoga yo‘l qo‘ygandim. Undan juda mamnunman», - deydi murabbiy Filipp Gursa.
2004 yilga qaytamiz: 21 yoshli Frank Riberining hayoti ayrim yulduzlarning dabdabali hayotiga o‘xshamaydi.1500 yevro miqdoridagi oylik maosh mo‘mina Vohiba bilan barvaqt turmush qurgan futbolchiga qo‘shimcha ish yordamisiz oilaviy ehtiyojlarni qondirishga kamlik qilardi. Xonadonga mebel xarid qilish uchun futbolchi 3000 yevro kredit olishga majbur bo‘lgandi. O‘sha paytlarda Frank Bulon-syur-Mer shahridagi yo‘l qurilishi korxonasida ishlaydigan otasining yonida ishlashga qaror qildi. U ertalab soat 6da o‘rnidan turib, ishga yo‘l olardi. Kechqurun esa «Brest» safida 3-divizionda futbol o‘ynardi.
Fevral oyida Riberining turmush tarzida jiddiy o‘zgarishlar yuz berdi: Fransiya Kubogi turnirida qur’aga binoan «Brest» elita vakili bo‘lmish «Nant» bilan kuch sinashgandi. Stadionga yo‘l olgan Frank otasining nasihatini xayolidan o‘tkazdi:
«O‘g‘lim, o‘yinda jamoang g‘alaba qozonishi yoki mag‘lubiyatga uchrashi muhim emas. Asosiysi, sen bor kuch-mahoratingni sarflashing va chinakam yaxshi o‘yin ko‘rsatishing».
Buni Riberining o‘zi ham tushunib turgandi - bunday imkoniyat keyin takrorlanmasligi mumkin. Afsuski, o‘shanda joriy mavsumdagidek sensasiya yuz bermadi. «Nant» 4:0 hisobida zafar quchdi. Lekin Frank shunday o‘yin ko‘rsatdiki, mavsum yakunida unga «Mets»dan «sovchilar» kelishdi.
«Bu o‘yinda men o‘z hayotimni saqlab qoldim. O‘sha kuni ajoyib o‘yinni namoyish etdim, 2 haftadan keyin Fransiyaning nomdor klublaridan takliflar kela boshladi. Agar «Brest»ning o‘sha o‘yinida maydonga tushmaganimda, kim biladi deysiz, balki hozir ishsiz yurgan bo‘larmidim», - degandi Riberi 2010 yilda mamnuniyat bilan.
Sodiq SOBIR tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
