Krishtianu Ronaldu hamda Muhammad Salohlar yigirma birinchi asrning eng yaxshi futbolchilari sirasiga kiradi. So‘nggi bir necha yillar davomida ular ishtirokida futbol muxlislari bir-biridan ajoyib bahslarni guvoh bo‘lishdi. Umumiy olganda, bu ikkisini solishtirish noto‘g‘ri bo‘ladi – Ronalduning "Real"da qilgan ishlari uni barcha davrlarning eng yaxshilaridan biriga aylantirgan. Ammo APL bo‘yicha ularni solishtirib ko‘rsak bo‘ladi. Demak, ushbu juftlik APL tarixidagi yorqin yulduzlar sifatida solishtiriladi.
Eng yaxshi mavsum
Saloh "Liverpul"da o‘zining eng yaxshi mavsumini ajoyib o‘tkazgan. O‘shanda hujumchi 32 ta gol va 10 ta assistga mualliflik qiladi. Premyer-liga "oltin butsa"si bilan birgalikda, misrlik Yevropada yil o‘yinchisi hamda Angliyadagi eng yaxshi futbolchi deb topilgan. Ammo uning jamoasi bo‘lmish "Liverpul" mavsumni 4 o‘rinda tugatadi.
Ronaldu esa "MYU" bilan eng zo‘r mavsumida 31 ta gol uradi. Uning assistlari soni 6 ta edi. Yuqorida Saloh erishgan sovrinlar bilan bir qatorda, Ronaldu Angliya chempioni bo‘ladi hamda "Oltin to‘p"ga ega chiqadi. Ha, raqamlar Salohning unumli harakatlarini yaxshiroq ko‘rsatgan. Ammo Ronaldu 2008 yilda dunyoning eng yaxshisiga aylanadi. 2019 yil, Salohning avjiga chiqqan davrlari esa, uning "Oltin to‘p" ro‘yxatida beshinchi sifatida e’tirof etilishi bilan tugagan.
G‘olib: Ronaldu
Gollar urish
APLning o‘zida Saloh Ronaldudan ko‘ra ko‘proq gol urgan. Uning assistlari ham portugaliyaliknikidan ko‘proq. Bu fakt. Yana shu narsa ham faktki, Ronaldu o‘z davrida yuqori darajali to‘purar bo‘lgan. Shu sababli Ronalduni bu borada ustun qo‘yishga majburmiz.
Pleymeykerlik
Muhammad Saloh "Liverpul" safida Mane va Firmino davrida ham eng yaxshi to‘purar edi. Undan tashqari, misrlik ajoyib assistent ham bo‘lgan. Ma’lumot uchun, Saloh APLda jami "Liverpul" va "Chelsi" uchun 63 ta golga mualliflik qilgan. U 2021/22 yilda eng yaxshi assistent sovriniga ham loyiq topilgandi.
Ronalduga keladigan bo‘lsak, u ikki davr davomida jami 37 ta assist ijro etgan. Shu sababli Saloh bu borada mutlaqo ustundir.
Umumiy
Muhammad Saloh "Liverpul" bilan yuksaklikka erishdi. U yutish mumkin bo‘lgan barch sovrinni qo‘lga kiritgandi. Ronaldu esa nafaqat Angliyada, balki butun Yevropada tengsiz deb topilgan. U o‘zi o‘ynagan barcha jamoalarda to‘purar edi (Saloh haqida bunday deya olmaymiz). Qolaversa, Ronaldu "Oltin to‘p"ga ega chiqish borasida tarixdagi ikkinchi yaxshi futbolchi. Erishilgan sovrinlar ularning qay biri solishtirishda g‘olib ekanini aytib turibdi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
